पायात गोळे येणे मराठीत माहिती व उपाय (Leg Cramps in Marathi)

Leg Cramps in Marathi, How to Treat and Prevent Leg Cramps in Marathi.

पायात गोळा येणे, पायाची पोटरी दुखणे :
पायात गोळे येणे किंवा पायात पेटके येण्याचा त्रास आपल्यापैकी अनेकांना होत असतो. याला Leg Cramps असेही म्हणतात. हा त्रास अनेक कारणांनी होऊ शकतो जसे, पाणी कमी पिण्याची सवय, आहारामधील कॅल्शियम, पोटॅशियम यासारख्या पोषणतत्वांच्या कमतरतेमुळे, पायांना योग्य प्रकारचा व्यायाम न दिल्यामुळे हा त्रास होऊ शकतो.

पायात गोळे येण्याची कारणे :
• शरीरातील पाण्याचे प्रमाण कमी झाल्यामुळे,
• रक्तातील सोडियम किंवा पोटॅशियमचे प्रमाण कमी-जास्त झाल्यामुळे.
• ‎आहारातून मीठ जास्त प्रमाणात खाल्यामुळे.
• ‎अतिश्रमामुळे पायाच्या स्नायूंवर ताण आल्यामुळे,
• ‎डायलिसिसवर असणाऱ्या रुग्णांमध्ये,
• ‎गरोदरपणामुळे, प्रामुख्याने सातव्या महिन्यात हा त्रास होऊ शकतो,
• ‎दारूच्या व्यसनामुळे,
तसेच काही औषधांमुळेही पायात पेटके किंवा गोळे येऊ शकतात.

पायात गोळा येण्यावर उपाय :
• दररोज किमान 8 ते 10 ग्लास पाणी प्यावे.
• ‎एका ठिकाणी जास्त वेळ पाय मोकळे सोडून बसू नका. खुर्चीत बसताना पावले जमिनीवर टेकलेली असावीत.
• ‎वाढलेल्या वजनाचा ताण आपल्या पायांवर पडत असतो यासाठी वजन आटोक्यात ठेवावे.
• ‎नियमित व्यायाम करावा. यामुळे रक्तप्रवाह सुधारतो. त्याचाप्रमाणे स्नायूंवरील ताणही कमी होण्यास मदत होते. रोज सकाळी अर्धा तास चालण्यास जावे.
• ‎पायांचा स्ट्रेचिंग एक्सरसाइज करावे. यासाठी विविध योगासने ही करू शकता.
• ‎रक्त तपासणी करून रक्तातील कॅल्शियम, पोटॅशियम यासारख्या क्षारांचे प्रमाण योग्य आहे का ते पाहावे.
• ‎रोज रात्री झोपण्यापूर्वी ग्लासभर दूध प्यावे. दुधात कॅल्शियम भरपूर असते.
• ‎रोज सकाळी 15 मिनिटे कोवळ्या उन्हात बसावे.
• ‎दुपारच्या वेळी एक केळे खावे. केळ्यामध्ये भरपूर प्रमाणात पोटॅशियम असते. कच्चा मुळा खाल्यानेही हा त्रास कमी होतो.
• ‎पायात पेटका आला असल्यास निर्गुंडीचे तेल लावून गरम पाण्याने शेकावे.

हे सुद्धा वाचा..
सायटिकाचा त्रास व उपाय
सांधेदुखीचा त्रास आणि उपाय
आमवात मराठीत माहिती व उपचार
गुडघेदुखी माहिती व उपचार
व्हेरिकोज व्हेन्सचा त्रास

– डॉ. सतीश उपळकर
CEO, हेल्थ मराठी नेटवर्क

© कॉपीराईट विशेष सूचना : वरील माहिती आपणास कॉपी पेस्ट करून अन्य ठिकाणी वापरता येणार नाही. अधिक माहितीसाठी येथे क्लिक करा व सूचना वाचा.

आपली प्रतिक्रिया द्या :
वरील माहिती आपणास कशी वाटली? किंवा आपल्या काही आरोग्य विषयक समस्या, प्रश्न असल्यास आम्हाला कळण्यासाठी येथे क्लिक करा. आमचे तज्ञ डॉक्टर आपल्या विविध प्रश्नांचे निश्चितच समाधान करतील.