महिलांचे आजार व स्त्री आरोग्य समस्या

स्त्रियांचे आरोग्य :

कौटुंबिक जबाबदारी यामुळे बऱ्याच स्त्रिया स्वतःच्या आरोग्याकडे दुर्लक्ष करतात. याशिवाय चुकीचा आहार, मानसिक ताणतणाव, बैठी जीवनशैली यामुळे महिलांमध्ये आरोग्याच्या विविध समस्या होत असल्याचे दिसून येते.

स्त्रियांमध्ये मासिक पाळी, गर्भावस्था, मेनोपॉज (रोजोनिवृती) अशा वेगवेगळ्या टप्प्यांवर काही आरोग्याच्या तक्रारी होत असतात. ब्रेस्ट कॅन्सर, गर्भाशय मुखाचा कर्करोग यासारख्या कॅन्सरचे प्रमाणही स्त्रियांमध्ये अधिक आहे. पुरुषांच्यामानाने स्त्रीयांमध्ये पित्ताशयातील खडे, अर्धशिशी (Migraine), संधिवात, अनीमिया, मुत्राशयाचा संसर्ग होण्याचे प्रमाण अधिक आहे.

स्त्री आरोग्यविषयक खालील लेख वाचा..

• मासिक पाळी विषयी माहिती
• महिलांसाठी आवश्यक वैद्यकीय तपासण्या
• स्त्री वंध्यत्व – कारणे, निदान व उपचार
• PCOS आणि PCOD समस्या माहिती व उपचार
• श्‍वेतपदर (अंगावरून पांढर जाणे)
• स्तनाचा कर्करोग – ब्रेस्ट कॅन्सर
• गर्भाशयमुखाचा कँसर – सर्वायकल कँसर
• रजोनिवृत्ती – मेनोपॉज म्हणजे काय
• गर्भावस्था टीप्स
• सौंदर्य विषयक टीप्स

स्त्रीयांना आजार होण्याची प्रमुख कारणे :

• पोषणतत्वरहित आहाराचे सेवन करणे. हिरव्या पालेभाज्या, फळभाज्या, विविध ताजी फळे यांचे अपुऱ्‍या सेवनाने.
• ‎अधिक तेलकट पदार्थ, चरबीयुक्त पदार्थांच्या सेवन केल्याने. चहा, कॉफी यांच्या अतिरेकामुळे विकारांची उत्पत्ती होते.
• ‎स्वतःच्या आरोग्याकडे दुर्लक्ष करण्यामुळे.
• ‎शारीरिक श्रमाचा अभाव, बैठी जीवनपद्धत्तीमुळे.
• ‎सौंदर्यासंबंधीच्या चुकिच्या संकल्पनेमुळे.
• उशिरा होणारी लग्ने, आज मुलींत तिशीच्या आसपास लग्न करण्याचे प्रमाण वाढले आहे. म्हणजेच वयात आल्यापासून लग्न होईपर्यंतचा टप्पा चांगलाच लांबला आहे. या कालावधीत महिलांना आरोग्याशी संबंधित विविध बाबींना तोंड द्यावे लागते. वैद्यकीय कारणांनुसार 20 ते 30 वर्ष हे वय प्रसूतीसाठी योग्य असते.
• ‎मानसिक ताणतणावामुळे.
• ‎आरोग्याच्या पायाभूत महितीअभावी
• ‎डॉक्टरांच्या सुचनेशीवाय घेतलेल्या गर्भनिरोधक गोळ्यांच्या अतिवापरामुळे स्त्रीयांमध्ये प्रामुख्याने विविध विकारांची उत्पत्ती होते.

कोणत्या रोगांविषयी स्त्रीयांनी विशेष दक्ष रहावे..?

स्तनाचा कैन्सर, सर्वायकल कँसर, हृद्यविकार, डिम्बग्रंथीचा कैन्सर, मलाशयाचा कैन्सर, मधुमेह, उच्चरक्तदाब, अस्थिपोकळ होणे (Osteoporosis) हे रोग अत्यंत कमी लक्षणे जाणवतात आणि हे रोग कधी गंभीर होऊन मृत्युस कारण ठरतात हे कळत नाही. शरीरात छुप्या स्वरुपात राहत असल्यामुळे या रोगांना ‘Silent killer diseases’ असे म्हणतात. या छुप्या स्वरुपातील रोगांपासून रक्षण करण्यासाठी दक्ष असावे लागते. वरील रोग नसल्याची खात्री वैद्यकिय तपासणींच्याद्वारे वेळोवेळी करुन घेणे गरजेचे असते.

Read Marathi language article about Women’s health. Last Medically Reviewed on February 26, 2024 By Dr. Satish Upalkar.