कोरड्या त्वचेवर घरगुती उपाय – Dry skin care in Marathi

Dr Satish Upalkar’s article about Dry skin care tips in Marathi.

कोरड्या त्वचेची समस्या – Dry Skin problem:

अनेकांची त्वचा ही तेलकट, सेन्सेटीव्ह असते त्याचप्रमाणे काहीजण हे कोरड्या त्वचेच्या समस्येने त्रस्त असतात. विशेषतः थंडीच्या दिवसात कोरड्या त्वचेची समस्या अनेकांना होत असते. अशावेळी त्वचा अधिक कोरडी झाल्याने त्वचेला खाज येणे, जखमा होणे, त्वचेवर पुरळ उटणे यासारखे त्रासही होऊ शकतात. यासाठी या लेखात कोरड्या त्वचेवर कोणते घरगुती उपाय करावेत याची माहिती डॉ सतीश उपळकर यांनी सांगितली आहे.

कोरड्या त्वचेची समस्या होण्याची कारणे :

• वातावरण बदलामुळे, जसे थंडीच्या दिवसात चेहरा आणि त्वचा कोरडी पडण्याची जास्त शक्यता असते.
• दररोज पुरेसे पाणी न पिण्यामुळे शरीरात पाण्याची कमतरता होत असल्यास त्वचा कोरडी पडू लागते.
• जास्त गरम पाण्याने अंघोळ करण्यामुळे देखील त्वचा कोरडी पडू शकते.
• केमिकल्स युक्त साबणाच्या वापरामुळे त्वचा कोरडी पडू शकते.
• वृद्धावस्थेत त्वचा कोरडी पडते.
• तसेच सोरायसिस, एक्जिमा, सेबोरेरिक डर्माटायटीस यासारखे त्वचाविकार आणि टाइप 2 मधुमेह यामुळेही कोरड्या त्वचेची समस्या होत असते.

कोरड्या त्वचेसाठी घरगुती उपाय :

कोरपडीचा गर (एलोवेरा जेल) –
कोरपडीचा गर रोज रात्री झोपण्यापूर्वी आपल्या त्वचेला लावा. या आयुर्वेदिक उपायाने कोरड्या त्वचेची समस्या दूर होईल. कोरपडीच्या गरात polysaccharide हे उपयुक्त घटक असून त्यामुळे त्वचेतील मॉइस्चर राखण्यास मदत होते. त्यामुळे अनेक क्रीममध्ये कोरपडीचा वापर केला जातो. कोरपडीचा ताजा गर उपलब्ध होत नसल्यास बाजारात मिळणाऱ्या एलोवेरा जेलचा आपण वापर करू शकता.

खोबरेल तेल –
कोरड्या त्वचेला दिवासातून दोन वेळा म्हणजे सकाळी व रात्री झोपण्यापूर्वी खोबरेल तेल लावावे. खोबरेल तेलातील स्निग्ध गुणामुळे कोरड्या त्वचेची समस्या दूर होऊन आपली त्वचा ही मऊ, मुलायम आणि तजलेदार बनते.

जोजोबा ऑयल –
जोजोबा तेल हे केसांसाठी जसे उपयुक्त असते तसेच ते त्वचेच्या आरोग्यासाठीही उपयुक्त असते. कोमट पाण्याने त्वचा ओली करून अर्धा चमचा जोजोबा तेल थोडे थोडे लावावे. थोडया वेळाने सर्कुलर मोशनमध्ये त्वचेवर हलका मसाज करावा यामुळे त्वचेचा कोरडेपणा दूर होण्यास मदत होईल. आठवड्यातून एक वेळा अशाप्रकारे तेल मसाज करू शकता.

बदाम तेल –
रोज रात्री झोपण्यापूर्वी आपल्या त्वचेला थोडेथोडे बदाम तेल लावावे व हलका मसाज करावा. यामुळे त्वचा मऊ, मुलायम बनते. कोरड्या त्वचेसाठी बदाम तेलाचा उपाय खूप फायदेशीर ठरतो.

मध –
दोन चमचे मधामध्ये अर्धा चमचा दालचिनी पावडर घालून मिश्रण तयार करावे. हा मिश्रण त्वचेवर लावावे. 20 मिनिटांनी त्वचा स्वच्छ धुवून काढावी. मधातील पोषकतत्वांमुळे त्वचेतील आद्रता राखली जाते तर दालचिनीमुळे त्वचेतील बंद झालेली छिद्रे मोकळी होतात त्यामुळे कोरड्या त्वचेची समस्या दूर होते. आठवड्यातून एक वेळा हा घरगुती उपाय कोरड्या त्वचेवर करू शकता.

बेसन –
दोन चमचे बेसन, अर्धा चमचा हळद, एक चमचा मध आणि एक चमचा साय यात थोडेथोडे गुलाबजल घालून मिश्रण तयार करावे. हा हे मिश्रण त्वचेवर लावावे. 20 मिनिटांनी त्वचा स्वच्छ धुवून काढावी. बेसनमुळे त्वचेतील धूळ, प्रदूषण, घाम दूर होतो तर मध व साय मुळे कोरडेपणा दूर होतो. आठवड्यातून एक वेळा हा उपाय आपण करू शकता.

कोरड्या त्वचेसाठी काय करावे ?

• थंडीच्या दिवसात चेहरा आणि त्वचेवर मॉइस्चराइजर क्रीम किंवा तेल लावावे.
• रासायनिक साबणापेक्षा मॉइश्चरायझिंग साबण किंवा हार्बल साबण वापरा.
• जास्त गरम पाण्याने आंघोळ करू नये.
• आंघोळीनंतर टॉवेलने जास्त जोराने त्वचा पुसणे टाळावे.
• आंघोळ केल्यानंतर चेहरा व त्वचा टॉवेलने जास्त रगडून पुसू नये.
• त्वचेवर खाजवणे टाळावे.
• पोषकतत्त्वांनी युक्त म्हणजे व्हिटॅमिन, मिनरल्स आणि प्रोटीनयुक्त आहार घ्यावा.
• पुरेसे पाणी प्यावे. त्यामुळे त्वचेतील आद्रता टिकून राहते.

ही काळजी घेतल्यास कोरड्या त्वचेच्या त्रासापासून दूर राहता येईल.

हे सुध्दा वाचा – चेहऱ्यावरील पिंपल्स घालवण्याचे उपाय जाणून घेण्यासाठी येथे क्लिक करा.

4 Sources

In this article information about Dry skin problem Causes and Home remedies in Marathi language. This health article is written by Dr Satish Upalkar.