केस गळण्याच्या समस्येवर मात करण्यासाठी कांदा हा खूप उपयुक्त ठरतो. कांद्याच्या रसात सल्फरचे प्रमाण अधिक असते. यांमुळे टिश्यूतील कोलेजनच्या निर्मितीस मदत होऊन केसांची वाढ होते तसेच केस मजबूतही होतात. यासाठी केस गळतीवर घरगुती उपाय म्हणून कांदा हा खूप गुणकारी ठरतो.
2002 मध्ये केलेल्या संशोधनानुसार, केस गळती रोखण्यासाठी कांद्याचा रस उपयुक्त ठरू शकत असल्याचे दिसून आले आहे.
कांद्याचा रस केसांसाठी कसा फायदेशीर ठरतो?
कांद्यामध्ये मोठ्या प्रमाणात सल्फर असते. केराटिन हे प्रथिन केसांच्या वृद्धीसाठी आवश्यक असते आणि त्यामध्ये भरपूर प्रमाणात सल्फर असते. सल्फर हा घटक अमिनो आम्ल मध्ये आढळतो. तसेच कांद्यामधील सल्फर घटकामुळे कोलॅजन तयार होण्यास देखील मदत होते. कोलॅजन हे केस वाढीसाठी आणि निरोगी त्वचा निर्माण करण्यासाठी आवश्यक असते.
केसांवर आणि टाळूवर कांद्याचा रस लावल्यावर, केसांना अतिरिक्त सल्फर मिळते. त्यामुळे केस मजबूत आणि दाट होण्यास मदत होते. तसेच त्यामुळे टाळूवरील Blood circulation सुधारते. पर्यायाने केसांची मुळे मजबूत होतात. अशाप्रकारे कांदा रसाचा वापर केल्याने केस गळती रोखून केसांची वाढ होण्यास चालना मिळते.
यासाठी कसा करावा कांद्याचा वापर?
केसांच्या समस्येसाठी उपाय म्हणून कांदा वापरताना शक्यतो लाल कांदा वापरावा.
1) कांद्याचा रस –
केस गळती असल्यास कांद्याचा रस टाळूवर 10 ते 15 मिनिटांसाठी लावावा. अर्ध्या तासानंतर केस सौम्य शैम्पूने धुवावेत. यांमुळे केसांची मुळे बळकट होऊन केस गळण्याची समस्या दूर होते.
2) कांद्याची पेस्ट –
ग्राइंडरमधून कांद्याची पातळ पेस्ट तयार करून ती पेस्ट केसांना लावावी. अर्ध्या तासानंतर केस सौम्य शैम्पूने धुवावेत. आठवड्यातून दोनदा हा उपाय आपण करू शकता.
3) कांदा आणि बीटरूट –
केस गळतीची समस्या दूर करण्यासाठी व आपले केस मजबूत करण्यासाठी कांदा आणि बीट उपयोगी पडते. यासाठी, ग्राइंडरमध्ये कांदा आणि बीट बारीक करून त्याची पेस्ट बनवावी. या मिश्रणात 2 चमचे मध किंवा दही घालावे व या सर्व मिश्रणाची जाड पेस्ट आपल्या संपूर्ण केसांवर आणि केसांच्या मुळाशी चांगल्या प्रकारे लावावी. अर्ध्या तासानंतर केस सौम्य शैम्पूने धुवावेत. असे केल्याने केस गळण्याची समस्या दूर होण्यास मदत होईल.
4) कापलेला कांदा –
कांद्याचा रस काढणे किंवा पेस्ट बनवणे त्रासाचे वाटत असल्यास आपण केवळ कांदा कापूनही तो आपल्या टाळूवर चोळू शकता. ह्यामुळेही काही दिवसात आपले केस गळणे थांबेल.
This article Last Medically Reviewed By Dr. Satish Upalkar on March 11, 2024.
