Dr Satish Upalkar’s article about Throat irritation home remedies in Marathi.

घसा खवखवणे याची कारणे व उपाय article by Dr Satish Upalkar

घसा खवखवणे – Throat irritation :

अनेक कारणांमुळे घसा खवखवत असतो. वातावरण बदलामुळे विशेषतः हिवाळ्यात आणि पावसाळ्यात घसा खवखवण्याचा त्रास अधिक होत असतो. तसेच सर्दी किंवा खोकला येण्यापूर्वीही घशामध्ये खवखवत किंवा टोचत असते. या लेखात घसा खवखवत असल्यास कोणते उपाय करावेत याविषयी माहिती सांगितली आहे.

घसा खवखवणे याची कारणे –

घशामधील इन्फेक्शनमुळे तसेच सर्दी, खोकला यासारख्या त्रासामुळे घसा खवखवत असतो.

घसा खवखवणे यावर घरगुती उपाय –

घसा खवखवत असल्यास मिठाच्या पाण्याने गुळण्या केल्याने घशाला आराम मिळतो. यामुळे घसा खवखवणे ही समस्या दूर होते. त्याचप्रमाणे आल्याचा तुकडा खाणे , मध खाणे, काळी मिरी खाणे, हळद घातलेले गरम दूध पिणे हे घरगुती उपाय घसा खवखवणे यावर उपयोगी पडतात.

1) मिठाच्या पाण्याच्या गुळण्या करा.
घसा खवखवत असल्यास ग्लासभर गरम पाण्यात मीठ घालून त्या पाण्याने गुळण्या कराव्यात. यामुळे घशाला आलेली सूज कमी होते व घसा खवखवणे ही समस्या दूर होते.

2) मधाबरोबर आल्याचा तुकडा खावा.
घसा खवखवत असल्यास आल्याचा तुकडा मधाबरोबर चावून खावा. यामुळे घसा खवखवणे कमी होण्यास मदत होते. आले आणि मधामध्ये अँटीबॅक्टेरिअल गुण असतात. त्यामुळे घशामधील इन्फेक्शन कमी होण्यास मदत होते. याशिवाय यासाठी तुम्ही कपभर पाण्यात आले घालून ते पाणी उकळून, त्या पाण्यात मध मिसळून ते मिश्रण पिऊ शकता. या उपायाने सुध्दा घशाला आराम मिळतो.

3) मिरी आणि खडीसाखर खावी.
घसा खवखवत असल्यास खडीसाखर आणि मिरी एकत्रित चावून खावी. यामुळेही घसा खवखवणे हा त्रास कमी होतो.

4) गरम द्रव्यपदार्थ प्यावेत.
पाण्यात काळी मिरी, आले, वेलदोडे, लवंग टाकून पाणी उकळून घ्यावे. हे मिश्रण थोडे थंड झाल्यावर प्यावे. या उपायाने घसा खवखवणे कमी होते.

5) हळद घालून गरम दूध प्यावे.
घसा खवखवत असल्यास गरम दुधात हळद घालून ते दूध प्यावे. या घरगुती उपायाने सुध्दा घशाला आराम आराम मिळतो.

हे सुध्दा वाचा – घसा बसल्यास कोणते उपाय करावेत ते जाणून घ्या..

In this article information about Throat irritation Home remedies in Marathi language. This health article is written by Dr Satish Upalkar (Certified physician and Healthcare expert).

Medically Reviewed By - Dr. Satish Upalkar
Dr. Satish Upalkar is a Healthcare counsultant. He has completed his Bachelors in Medical Degree from Maharashtra University of Health Science, Nashik and is also a member of the Medical Council of Indian Medicine, Mumbai.
Qualification: Bachelor of Ayurveda Medicine and Surgery (B.A.M.S.)
Medical Council Registration number: I-72800-A
Contact details -[email protected]
Follow - LinkedIn | Facebook | Twitter | YouTube

Leave a comment

Your email address will not be published. Required fields are marked *