घशात खवखव होत असल्यास हे करा घरगुती उपाय – Throat irritation treatment in Marathi

Medical Author – डॉ. सतीश उपळकर
© हेल्थ मराठी डॉट कॉम

घसा खवखवणे – Itchy Throat :

अनेक कारणांमुळे घसा खवखवत असतो. वातावरण बदलामुळे विशेषतः हिवाळ्यात आणि पावसाळ्यात घशात खवखव होण्याचा त्रास अधिक होत असतो. तसेच सर्दी किंवा खोकला येण्यापूर्वीही घशात खवखवत किंवा टोचत असते. यासाठी घशाची खवखव दूर करण्यासाठी घरगुती उपायांची माहिती खाली दिली आहे.

घशात खवखवणे ह्यावरील घरगुती उपाय :

मिठाच्या पाण्याच्या गुळण्या –
घसा खवखवत असल्यास ग्लासभर गरम पाण्यात मीठ घालून त्या पाण्याने गुळण्या कराव्यात. यामुळे घशाला आलेली सूज कमी होते व घसा खवखवणे दूर होते.

आले आणि मध –
घसा खवखवत असल्यास आल्याचा तुकडा मधाबरोबर चावून खावा. यामुळे घशात खवखवणे कमी होण्यास मदत होते. आले आणि मधामध्ये अँटीबॅक्टेरिअल गुण असतात. त्यामुळे घशातील इन्फेक्शन कमी होण्यास मदत होते. याशिवाय कपभर पाण्यात आले घालून ते पाणी उकळावे. त्यानंतर त्या पाण्यात मध मिसळून ते मिश्रण पिल्यामुळेही घस्याच्या समस्या दूर होतात.

(ह्या साईटवरील माहिती कॉपी पेस्ट करू नये. तसेच Youtube video बनवू नये. कॉपीराईट सूचना वाचा..)

खडी साखर आणि कात –
घशात खवखव होत असल्यास खडी साखर आणि विडे करताना वापरतात ती चिमूटभर कात जिभेवर ठेवून चघळावी. यामुळेही घशातील खवखव दूर होते.

गरम द्रव्यपदार्थ प्यावे –
घशात खवखवत असल्यास काळी मिरी, आले, वेलदोडे, लवंग पाण्यात टाकून उकळावे. त्या उकळलेल्या पाण्यात चहापावडर घालून चहा करून गरम असतानाच प्यावा. गरम दुधात हळद घालून पिल्यानेही घशाला आराम मिळून खवखव कमी होते.

घसा बसल्यास कोणते उपाय करावेत ते जाणून घेण्यासाठी येथे क्लिक करा.