Dr Satish Upalkar’s article about Hoarseness in Marathi.

घसा बसणे – Hoarseness :

घसा बसतो म्हणजे आपल्या सामान्य आवाजामध्ये फरक पडून आवाज घोगरा बनत असतो. अनेक कारणांनी घसा बसत असतो. घसा बसणे या त्रासाला english मध्ये Hoarseness या नावाने ओळखले जाते. या लेखात डॉ सतीश उपळकर यांनी घसा बसल्यावर कोणते घरगुती उपाय करावेत याविषयी माहिती सांगितली आहे.

घसा बसण्याची कारणे :

  • बराच वेळ बोलल्यामुळे किंवा ओरडण्यामुळे आपल्या घशातील स्वरयंत्रावर ताण आल्याने घसा बसत असतो.
  • घशात इन्फेक्शन झाल्यामुळे,
  • सर्दी किंवा खोकला झाल्यामुळे,
  • थंडगार पदार्थ खाण्यामुळे घसा बसतो.
  • तेलकट पदार्थ अधिक खाण्यामुळे,
  • सिगारेट, तंबाखू, मद्यपान यासारख्या व्यसनांमुळे,
  • याशिवाय थायरॉईड समस्या किंवा घशाचा कर्करोग यांमुळेही घसा बसू शकतो.

घसा बसणे यावरील घरगुती उपाय –

1) मधाबरोबर आल्याचा तुकडा खावा.
घसा बसल्यास आल्याचा तुकडा मधाबरोबर चावून खावा. घसा बसणे यासाठी हा आयुर्वेदिक उपाय अत्यंत उपयुक्त ठरतो. कारण आले व मधामुळे घशातील कफ, इन्फेक्शन आणि सूज कमी होण्यास मदत होते. यासाठी घसा बसल्यास दिवसातून दोन ते तीन वेळा आले व मध खावे.

2) मधाचे चाटण करावे.
घसा बसणे यावर मध खूप उपयुक्त ठरते. घसा बसल्यावर वरचेवर चमचाभर मधाचे चाटण करावे.

3) मधाबरोबर काळी मिरी खावी.
ग्लासभर गरम पाण्यात दोन चमचे मध व अर्धा चमचा काळी मिरी पावडर घालावी. हे मिश्रण पिण्यामुळे घशाला आराम मिळून घसा बसणे समस्या दूर होते. याशिवाय अर्धा चमचा काळ्या मिरीची पावडर एक चमचा मधाबरोबर एकत्र करून हे मिश्रण चाटण करणेही उपयुक्त ठरते.

4) मिठाच्या पाण्याच्या गुळण्या कराव्यात.
घसा बसल्यावर ग्लासभर गरम पाण्यात मीठ घालून त्या पाण्याने गुळण्या कराव्यात. यामुळे घशाला आलेली सूज कमी होऊन त्रास कमी होतो.

5) मधाबरोबर लिंबाचा रस खावा.
ग्लासभर कोमट पाण्यात अर्धा चमचा लिंबाचा रस व एक चमचा मध घालून ते पाणी प्यावे. यामुळेही घसा बसणे दूर होते. तसेच लिंबू पाण्याच्या गुळण्या करणेही उपयुक्त ठरते.

6) लसूण पाकळी चावून खावी.
घसा बसल्यास एक ते दोन लसूण पाकळी चावून खावी. यामुळेही ही समस्या दूर होते.

घसा बसल्यास काय करावे..?

  • घसा बसल्यास घशाला आराम द्यावा.
  • घशाला ताण देऊन बोलणे टाळावे.
  • थंड पदार्थ खाणे टाळावे.
  • जास्त तेलकट पदार्थ खाऊ नये.
  • घसा बसल्यास तंबाखू, सिगारेट, मद्यपान यासारख्या व्यसनांपासून दूर राहावे.
  • गरम द्रव्यपदार्थ प्यावेत.
  • घसा बसणे यावर घरगुती उपाय करूनही आठवड्यात फरक न पडल्यास आपल्या डॉक्टरांकडून घशाची तपासणी करून योग्य उपचार घ्यावेत.

हे सुध्दा वाचा – घशाला सूज आल्यास करायचे उपाय जाणून घ्या..

Written by - डॉ. सतीश उपळकर
लेखक हे वैद्यकिय तज्ञ आणि आरोग्य क्षेत्रात कार्यरत आहेत. माहिती आवडल्यास येथे क्लिक करून आमचे YouTube चॅनल Subscribe करा.

In this article information about Hoarseness Causes, Treatments and Home remedies in Marathi language. This health article is written by Dr Satish Upalkar (Certified physician and Healthcare expert).

माहिती आवडल्यास आमचे YouTube चॅनल जरूर Subscribe करा.


सूचना : या साईटवरील माहिती कॉपी-पेस्ट करून ती वेबसाईट किंवा सोशल मीडियावर प्रसिद्ध करू नये ही विनंती.

Leave a comment

Your email address will not be published.