Dr Satish Upalkar’s article about remove Chickenpox Scars in Marathi.
कांजण्यांचे डाग – Chickenpox Scars :
कांजण्या म्हणजेच चिकनपॉक्स या त्रासात त्वचेवर पाणी व खाज असणारे फोड येतात. हे फोड थोड्या दिवसात जात असतात. मात्र कांजण्याच्या त्रासात आलेले फोड गेल्यानंतर तेथे डाग राहतात. हे डाग पुढील अनेक दिवस त्वचेवर राहत असतात. यासाठी कांजण्यांंचे डाग घालवण्यासाठी कोणते घरगुती उपाय करावे तसेच अशावेळी कोणती क्रीम लावावी याची माहिती या लेखात डॉ सतीश उपळकर यांनी दिली आहे.
कांजण्यांंचे डाग जाण्यासाठी घरगुती उपाय –
1) कांजण्यांंचे डाग जाण्यासाठी त्वचेला कोरफडीचा गर लावावा.
कोरफडमुळे त्वचेच्या अनेक तक्रारी कमी होतात. ताज्या कोरफडीचा गर त्वचेवर त्वचेवर घासल्याने कांजिण्यांंचे डाग लवकर जाण्यासाठी मदत होते.
2) कांजिण्या डाग घालवण्यासाठी त्वचेला मध लावावा.
मधामध्ये अँटिसेप्टिक गुणधर्म असतात. कांजण्यांंचे डाग असलेल्या ठिकाणी दिवसातून दोनवेळा मध लावावा. यामुळेही कांजण्यांचे डाग लवकर निघून जातात.
3) कांजण्या डाग कमी करण्यासाठी तेथे कडुनिंबाची पेस्ट लावा.
कांजिण्यांंचे डाग असलेल्या ठिकाणी दिवसातून दोनवेळा कडुनिंबाच्या पानांची पेस्ट लावावी. यामुळेही कांजण्यांचे डाग लवकर निघून जातात. कारण कडुनिंबमध्ये अॅन्टीबॅक्टेरियल गुणधर्म असतात.
कांजण्या आजाराची माहिती जाणून घेण्यासाठी येथे क्लिक करा.
4) कांजण्यांंचे डाग जाण्यासाठी डागांवर खोबरेल तेल लावावे.
खोबरेल तेल सुध्दा आपल्या त्वचेसाठी उपयुक्त असते. कांजण्यांंच्या डागांवर काही दिवस खोबरेल तेल लावून हलका मसाज केल्यास आलेले डाग लवकर कमी होतात.
कांजण्या डाग घालवण्यासाठी क्रीम –
कांजण्यांंचे डाग जाण्यासाठी Mederma सारख्या Scar removal creams उपलब्ध आहेत. त्यांचा वापर आपण डॉक्टरांच्या सल्ल्याने करू शकता. किंवा 30 SPF असलेली सनस्क्रीन आपण कांजण्यांंच्या डागांवर लावू शकता. यामुळेही कांजण्यांंचे डाग लवकर जाण्यासाठी मदत होते.
हे सुध्दा वाचा –
कांजण्या झालेल्यांना काही काळाने नागीण म्हणजेच herpes zoster हा त्रास होऊ शकतो. नागीण विषयी अधिक माहिती जाणून घेण्यासाठी येथे क्लिक करा.
In this article information about Chickenpox scar removal home remedies tips and creams in Marathi language. This health article is written by Dr Satish Upalkar.