गरोदरपणात रक्त वाढीसाठी उपाय :

गरोदरपणामध्ये रक्ताल्पता (ऍनिमिया) होण्याची संभावना असते. रक्तातील हिमोग्लोबीनचे प्रमाण कमी झाल्याने रक्ताल्पता होत असते. गरोदरपणात रक्ताचे खूप महत्वाचे कार्य असते. गर्भाचे पोषण आईच्या रक्तातूनच नाळेमधून होत असते. त्यामुळे गरोदरपणात आईच्या शरीरात पुरेसे रक्त वाढणे आवश्यक असते. यासाठी येथे गरोदरपणात रक्त वाढवण्यासाठी काय खावे, गर्भावस्थेत हिमोग्लोबिन वाढीसाठी काय करावे, कोणता आहार घ्यावा याविषयी माहिती दिली आहे.

प्रेग्नन्सीत गरोदर स्त्रीमध्ये रक्त कमी असल्यास होणाऱ्या समस्या :

प्रेग्नन्सीमध्ये रक्त किंवा हिमोग्लोबिन कमी असल्यास अनेक गुंतागुंत होत असते. यामुळे ऍनिमियाची स्थिती निर्माण होऊ शकते. त्यामुळे गरोदर स्त्रीला गर्भारपणात जास्त थकवा जाणवतो, चक्कर येऊ शकते तसेच मुदतपूर्व प्रसुती होणे, बाळाची वाढ कमी होणे, अशक्त बाळ जन्माला येणे, बाळाची जन्मानंतरची वाढ मंदगतीने होणे अशा समस्या होत असतात. याशिवाय प्रसुतीदरम्यान अतिजास्त रक्तस्राव होऊन स्त्रीला अपाय होऊ शकतो. प्रसुतीनंतर नैराश्य येते. अपंग, मतिमंद बाळ जन्माला येऊ शकते. त्यामुळे रक्त वाढीचे महत्त्व गर्भावस्थेत असते.

गरोदरपणात रक्त वाढीसाठी असा असावा आहार :

गरोदरपणात रक्त वाढवण्यासाठी लोहयुक्त आहार घेणे आवश्यक असते. लोहाच्या कमतरतेमुळे रक्ताल्पता किंवा रक्तपांढरी (अॅनिमिया) होत असतो. त्यामुळे गरोदरपणात लोहयुक्त आहार घेतल्यास हिमोग्लोबिन आणि रक्ताचे प्रमाण वाढण्यास मदत होत असते.

गर्भावस्थेत रक्त वाढवण्यासाठी काय खावे..?

गरोदरपणात पालक, ब्रोकोली ह्या हिरव्या पालेभाज्या तसेच मटण, अंडी, मासे, तीळ, खजूर, गूळ यांचा आहारात समावेश करावा. यामध्ये लोहाचे (आयर्नचे) मुबलक प्रमाण असते. त्याबरोबरच व्हिटॅमिन-C असणारी संत्री, मोसंबी, आवळा अशी फळेहो खावीत. व्हिटॅमिन-C मुळे आहारातील लोह शरीरात अवशोषित होण्यास मदत होते.

याशिवाय गरोदरपणात लोह आणि फॉलिक ऍसिडच्या गोळ्या दिल्या जातात. गरोदर स्त्रीने त्या गोळ्या खाल्या पाहिजेत. अशाप्रकारे गरोदरपणात रक्त वाढण्यास मदत होते.

हे सुद्धा वाचा..


प्रेग्नेंसी, डिलिव्हरी आणि बालसंगोपन विषयक मराठी pdf पुस्तक मोफत डाऊनलोड करण्यासाठी खालील फॉर्मद्वारे संपर्क साधा. Pdf मोफत पुस्तक WhatsApp Number वर पाठवण्यात येईल.

गरोदरपणात कोणता आहार घ्यावा याची माहिती जाणून घेण्यासाठी येथे क्लिक करा.

Hemoglobin increase food during pregnancy details information in Marathi.

Written by - डॉ. सतीश उपळकर
लेखक हे वैद्यकिय तज्ञ आणि आरोग्य क्षेत्रात कार्यरत आहेत. माहिती आवडल्यास येथे क्लिक करून आमचे YouTube चॅनल Subscribe करा.

माहिती आवडल्यास आमचे YouTube चॅनल जरूर Subscribe करा.


सूचना : या साईटवरील माहिती कॉपी-पेस्ट करून ती वेबसाईट किंवा सोशल मीडियावर प्रसिद्ध करू नये ही विनंती.

Dr. Satish Upalkar is the Founder and CEO of HealthMarathi.com. He is a Healthcare counsultant Doctor. He has completed his Bachelors in Medical Degree from Maharashtra...