केस जाड होण्यासाठी घरगुती उपाय (Thick Hair Tips in Marathi)

– डॉ. सतीश उपळकर
CEO, हेल्थ मराठी नेटवर्क

Thick Hair Tips in Marathi, hair tips for thick hair in Marathi.

केसांचा आकार पातळ होण्याची अनेक कारणे असतात. जसे शारीरिक आजार, मानसिक तणाव, हार्मोन्समधील असंतुलन, पोषकतत्वांची कमतरता, प्रदूषण, एलर्जी, अयोग्य ब्यूटी प्रोडक्टचा अतिवापर, केसांची देखभाल न करणे यांमुळे केसांचा आकार पातळ होऊ शकतो.

पातळ झालेले केस कमजोर होऊन सहज तुटतही असतात. याशिवाय केसांचा आकार पातळ झाल्यामुळे केस गळतीचे प्रमाणही वाढते. अशावेळी केसांचा आकार जाड होण्यासाठी उपाय करणे आवश्यक असते. यासाठी याठिकाणी केस जाड होण्यासाठी उपाय येथे दिले आहेत. यामुळे आपले केस जाड, दाट आणि मजबूत होण्यास मदत होईल.

केस जाड होण्यासाठी काय करावे..?

हेअर प्रॉडक्ट्सचा अतिवापर टाळावा..
केमिकलयुक्त हेअर प्रॉडक्ट, स्ट्रेटनर्स, शॅम्पू, कलर्स यांचा अतिवापरामुळे केस डॅमेज होत असतात. दररोज केसांना शॅम्पू केल्यामुळे केसांच्या मुळातील (स्कैल्पमधील) नॅचरल ऑइल निघून जात असते. वास्तविकता केसांच्या मुळात असणारे ऑइल हे केसांच्या आरोग्यासाठी खूप उपयोगी असते. त्यामुळे दररोज केसांना शॅम्पू करू नये. आठवड्यातून 3 ते 4 वेळाच सौम्य किंवा हर्बल शॅम्पूचा वापर करावा. तसेच शॅम्पू केल्यानंतर केस तुटू नयेत यासाठी कंडिशनर जरूर करावे.

केस धुताना काळजी घ्या..
केस वारंवार धुण्यामुळे केसातील नॅचरल ऑइल निघून जात असते. त्यामुळे केस रुक्ष, कोरडे व कमजोर होत असतात. यासाठी केस दररोज न धुता आठवड्यातून 3 ते 4 वेळाच धुवावेत. केस धुण्यासाठी जास्त गरम पाणी वापरणे टाळावे.

तेल मालिश करावी..
केसांच्या मुळांशी तेल मालिश केल्याने त्याठिकाणी रक्त संचरण (blood circulation) व्यवस्थित होण्यास खूप मदत होते. तेलामुळे केसांना आवश्यक पोषकघटक मिळतात आणि केसांचं खोलवर पोषण होऊन केसांचे आरोग्य सुधारते. तेल मालिशमुळे केसांची रोमछिद्र (folicles) मोकळी होतात त्यामुळे पातळ झालेले केस जाड होण्यास मदत होते. केसांची तेल मालिश करण्यासाठी खोबरेल तेल, ऑलिव्ह तेल किंवा बदाम तेलाचा वापर करावा. यासाठी वरील कोणतेही तेल कोमट करून ते केसांच्या मुळांशी लावून मालीश करावी.

केस जाड होण्यासाठी काय खावे..?

केसांच्या आरोग्यासाठी योग्य आणि हेल्दी आहार घेणेही आवश्यक असते. यासाठी प्रोटिन्स, ओमेगा 3 फैटी एसिड, व्हिटॅमिन्स, खनिजे यांनी भरपूर असणारा आहार घ्यावा. विशेषतः पुरेसा प्रोटीनयुक्त आहार न खाल्यामुळे केस पातळ होऊन गळण्याच्या तक्रारी अधिक वाढतात. यासाठी प्रोटीनयुक्त आहार म्हणजे दूध व दुधाचे पदार्थ, अंडी, मांस, मासे, सुखामेवा, मोड आलेली कडधान्ये खावीत. याशिवाय आहारात पालेभाज्या, फळभाज्या, विविध फळे यांचाही समावेश असावा.

केस जाड होण्यासाठी घरगुती उपाय :

अंड्याचा हेअरमास्क –
केसांना जाड, मजबूत आणि घनदाट होण्यासाठी प्रोटीनची आवश्यकता असते. अंडी हे प्रोटिन्सचा उत्तम स्त्रोत असून यासाठी उपयुक्त ठरते. यासाठी दोन अंडे फोडून त्यातील पिवळा भाग काढून टाकावा. अंड्यातील पांढऱ्या भागाचा थर केसांना लावावा. 30 मिनिटांनी केस धुवून घ्यावेत. यामुळे केस जाड, मजबूत व घनदाट ही होतात. अंड्याच्या हेअर मास्कचा वापर आठवड्यातून एकदा करावा.

ऑलिव्ह ऑइल –
ऑलिव्ह ऑइल केसांसाठी हेअर टॉनिक प्रमाणे कार्य करत असून यामुळे केस जाड, मजबूत व घनदाट होतात. रात्री झोपण्यापूर्वी ऑलिव्ह ऑइल थोडे कोमट करून ते केसांच्या मुळांशी लावून मसाज करावा. त्यानंतर दुसऱ्या दिवशी अंघोळ करताना केस धुवावेत. आठवड्यातून एक ते दोनवेळा हा उपाय करू शकता.

मेथीच्या बिया –
रात्रभर मेथीच्या बिया पाण्यात भिजत घालाव्यात. सकाळी उठल्यावर भिजलेल्या मेथी बिया बारीक वाटून त्यांची पातळ पेस्ट करून केसांना लावावी आणि 15 मिनिटांनंतर अंघोळ करताना केस धुवावेत. यांमुळेही केस जाड व मजबूत होण्यास मदत होते. आठवड्यातून एक ते दोनवेळा हा उपाय करू शकता.

आवळा –
आवळा पावडर आणून ती कोमट केलेल्या खोबरेल तेलात मिसळून एका स्टीलच्या डब्यात साठवून ठेवावी. हे आवळा असलेले तेल रोज रात्री झोपण्यापूर्वी केसांच्या मुळांशी लावून मसाज करावा. यांमुळेही केस जाड व मजबूत होण्यास मदत होते.

Web title – Thick Hair Tips in Marathi – How To Get Thicker Hair Naturally At Home.

© Healthmarathi.com
कॉपीराईट विशेष सूचना -
वरील माहिती कॉपी-पेस्ट करू नये. ही माहिती कॉपी करून शेअर किंवा video तयार करू नये. अधिक माहितीसाठी येथे क्लिक करा व DMCA कॉपीराईट सूचना वाचा.