पित्तामुळे डोके दुखणे –

पित्तामुळे अनेकांचे डोके दुखत असते. प्रामुख्याने वारंवार तिखट, तेलकट व मसालेदार पदार्थ खाण्याची सवय, बाहेरचे पदार्थ, चहा-कॉफीचा अतिरेक, अपुरी झोप, तणाव, वेदनाशामक गोळ्यांचा अतिवापर अशा अनेक कारणांनी पित्ताचा त्रास व त्यामुळे डोके दुखू लागते. यासाठी पित्तामुळे डोके दुखणे यावरील घरगुती उपाय याविषयी माहिती डॉ. सतीश उपळकर यांनी येथे दिली आहे.

पित्तामुळे डोके दुखणे यावरील उपाय याची माहिती Dr Satish Upalkar यांनी येथे दिली आहे.

पित्तामुळे डोके दुखण्याची कारणे –

  • वरचेवर तिखट, तेलकट, मसालेदार, आंबट, खारट पदार्थ खाण्याची सवय, मांसाहार, लोणची, पापड, आंबवलेले पदार्थ म्हणजे आंबट दही, इडली, डोसा, ब्रेड यासारखे पदार्थ अधिक खाणे,
  • चहा, कॉफीचे अतिप्रमाण,
  • उपवास करणे, जेवणाच्या वेळा न पाळणे किंवा बराच वेळ उपाशी राहणे,
  • तंबाखू, सिगरेट, गुटखा, मद्यपान यासारखी व्यसने,
  • मानसिक तणाव, राग,
  • वरचेवर डोके किंवा अंगदुखीच्या वेदनाशामक गोळ्या घेणे,
  • अपुरी झोप किंवा अतिजागरण करणे यांमुळे पित्ताचा त्रास प्रामुख्याने होत असतो.

अशा विविध कारणांनी पित्त वाढते व त्यामुळे डोके दुखणे, ऍसिडिटी, छातीत जळजळ होणे, अल्सर यासारखे त्रास होऊ लागतात.

पित्तामुळे डोके दुखणे यावर घरगुती उपाय –

  • पित्तामुळे डोके दुखत असल्यास आल्याचा तुकडा घेऊन तो चांगला चावून खावा.
  • वेखंड, सुंठ किंवा दालचिनीची पेस्ट करून ती कपाळावर लावल्यानेही पित्तामुळे डोके दुखणे कमी होते.
  • पित्तामुळे डोके दुखत असल्यास काही वेळ झोप घ्यावी. यामुळेही आराम मिळून डोके दुखणे थांबते.
  • पित्तामुळे डोके दुखत असल्यास पुरेसे पाणी प्यावे. शरीरात पाणी कमी झाल्यामुळेही अनेकदा डोके दुखते.
  • कपाळाला बर्फाचा शेक दिल्यामुळेही पित्तामुळे डोके दुखत असल्यास आराम मिळतो.

असे घरगुती उपाय पित्तामुळे डोके दुखणे यावर उपयोगी ठरतात.

हे सुध्दा वाचा – अर्धे डोके दुखणे याची कारणे व उपचार जाणून घेण्यासाठी येथे क्लिक करा.

पित्तामुळे डोके दुखू नये यासाठी काय करावे ..? –

  • ‎मसालेदार पदार्थ, तेलकट-तिखट-खारट पदार्थ, फास्टफूड ह्यासारखे पदार्थ वारंवार खाणे टाळावे.
  • ‎चहा-कॉफी वारंवार पिणे टाळा.
  • संतुलित आहार घ्यावा. आहारात हिरव्या पालेभाज्या, फळभाज्या यांचा समावेश करा.
  • वेळेवर जेवण घ्या. अधिक वेळ उपाशी राहू नका.
  • ‎दिवसभरात पुरेसे पाणी म्हणजे किमान 7 से 8 ग्लास पाणी प्यावे.
  • दररोज सकाळी उठल्यावर उपाशीपोटी तांब्याच्या भांड्यातील ग्लासभर पाणी प्यावे.
  • ‎स्मार्टफोन, काम्प्युटर, टीव्हीसमोर सतत बसू नका.
  • ‎जागरण करणे टाळा. दररोज किमान 6 ते 7 तासांची झोप आवश्यक असते. पुरेशी झोप घ्यावी.
  • ‎नियमित व्यायाम करावा. मोकळ्या हवेत फिरायला जावे.
  • ‎मानसिक ताणतणाव, चिंता यापासून दूर रहा. मनशांत ठेवण्यासाठी योगा, प्राणायाम, ध्यानधारणा करावी.
  • ‎तंबाखू, गुटखा, सिगरेट, बीडीचे व्यसन करणे टाळा.
  • ‎वारंवार डोके दुखत असल्यास उठसुठ वेदनाशामक गोळ्या घेणे टाळा.

अशी काळजी घेतल्यास पित्ताचा त्रास होत नाही. त्यामुळे पित्त आटोक्यात राहिल्याने डोके दुखत नाही.

Written by - डॉ. सतीश उपळकर
लेखक हे वैद्यकिय तज्ञ आणि आरोग्य क्षेत्रात कार्यरत आहेत. माहिती आवडल्यास येथे क्लिक करून आमचे YouTube चॅनल Subscribe करा.

हे सुध्दा वाचा – अंगावर पित्त उठणे याची कारणे व उपचार जाणून घेण्यासाठी येथे क्लिक करा.

3 Sources

Pitta headache remedy in Marathi. Article written by Dr Satish Upalkar.

माहिती आवडल्यास आमचे YouTube चॅनल जरूर Subscribe करा.


सूचना : या साईटवरील माहिती कॉपी-पेस्ट करून ती वेबसाईट किंवा सोशल मीडियावर प्रसिद्ध करू नये ही विनंती.

Dr. Satish Upalkar is the Founder and CEO of HealthMarathi.com. He is a Healthcare counsultant Doctor. He has completed his Bachelors in Medical Degree from Maharashtra...