Dry throat causes and home remedies in Marathi.

ghashala korad padane upay in marathi article by Dr Satish Upalkar

घशात कोरड पडणे – Dry throat :

बऱ्याचदा घशाला कोरड पडत असते. याची अनेक कारणे असू शकतात. घशाला कोरड पडल्याने घसा सुकतो. या लेखात डॉ सतीश उपळकर यांनी घशाला कोरड पडणे याची कारणे व त्यावरील उपाय याविषयी माहिती सांगितली आहे.

घशाला कोरड पडण्याची कारणे –

  • शरीरातील पाण्याचे प्रमाण कमी झाल्याने डिहायड्रेशन झाल्यामुळे घशाला कोरड पडू शकते. कारण डिहायड्रेशनमुळे घशात पुरेशी लाळ निर्माण होत नाही. त्यामुळे घशाला कोरड पडते.
  • उन्हाळ्याच्या दिवसात उकड्यामुळे घशाला कोरड पडत असते.
  • तोंड उघडे ठेवून झोपण्याची सवय असल्यास त्यामुळेही घशाला कोरड पडते. कारण तोंड उघडे ठेवून झोपल्यामुळे घशातील लाळ व अद्रता सुकते.
  • सर्दीमुळे नाक गच्च झालेले असल्यास तोंडाने श्वास घ्यावा लागतो. अशावेळीही घशात कोरड पडत असते.
  • तापासारख्या आजारात सुद्धा घशाला कोरड पडते.
  • सिगारेट, तंबाखू, मद्यपान अशा व्यसनांमुळे सुद्धा घशाला कोरड पडते.
  • काही औषधांच्या दुष्परिणामामुळे घशाला कोरड पडू शकते.

घशाला कोरड पडणे यावर घरगुती उपाय :

दिवसभरात साधारण 8 ते 10 ग्लास पाणी प्यावे. पुरेसे पाणी पिण्यामुळे घशाला कोरड पडत नाही. याशिवाय शहाळ्याचे पाणी, रसदार फळे, लिंबूपाणी, सरबत असे द्रवपदार्थ देखील प्यावेत.

तोंड उघडे ठेवून झोपल्यामुळे घशातील लाळ व अद्रता सुकते. त्यामुळे घशाला कोरड पडत असतो. यासाठी तोंड बंद करूनच झोपावे.

घशाला कोरड पडत असल्यास कोमट पाण्यात चमचाभर मध मिसळून ते पाणी प्यावे.

घशाला कोरड पडल्यास तीन ते चार काळ्या मिरी चावून खाव्यात. यामुळे तोंड व घशामधील लाळग्रंथी क्रियाशील होण्यास मदत होते. या उपायाने घशामध्ये पुरेशी लाळ निर्माण होते त्यामुळे घशाला कोरड पडत नाही.

घशाला कोरड पडल्यास वेलदोडे व खडीसाखर एकत्रित करून चघळत राहावी. यामुळे घशातील लाळग्रंथी क्रियाशील होतात.

घशाला कोरड पडू नये यासाठी घ्यायची काळजी :

  • पुरेसे पाणी प्यावे. दिवसभरात किमान आठ ग्लास पाणी प्यावे.
  • तोंड बंद करूनच झोपावे.
  • तोंडाने श्वास घेणे टाळावे.
  • दररोज दात घासताना तोंडाची स्वछताही करावी.
  • कोमट पाण्याने गुळण्या कराव्यात.
  • स्मोकिंग, तंबाखू, अल्कोहोल अशा व्यसनांपासून दूर राहावे.
Written by - डॉ. सतीश उपळकर
लेखक हे वैद्यकिय तज्ञ आणि आरोग्य क्षेत्रात कार्यरत आहेत. माहिती आवडल्यास येथे क्लिक करून आमचे YouTube चॅनल Subscribe करा.

हे सुध्दा वाचा – घशात दुखणे यावरील उपाय जाणून घ्या..

In this article information about Dry throat or ghashala korad padane Causes and Home remedies in Marathi language. This health article is written by Dr Satish Upalkar (Certified physician and Healthcare expert).

माहिती आवडल्यास आमचे YouTube चॅनल जरूर Subscribe करा.


सूचना : या साईटवरील माहिती कॉपी-पेस्ट करून ती वेबसाईट किंवा सोशल मीडियावर प्रसिद्ध करू नये ही विनंती.

Dr. Satish Upalkar is the Founder and CEO of HealthMarathi.com. He is a Healthcare counsultant Doctor. He has completed his Bachelors in Medical Degree from Maharashtra...

Leave a comment

Your email address will not be published.