आठ महिन्याच्या बाळाचा आहार, वजन आणि घ्यायची काळजी : डॉ सतीश उपळकर

Dr Satish Upalkar’s article about 8 months baby care tips in Marathi.

आठ महिन्यांचे बाळ :

बाळाच्या जन्मापासूनच ते बाळ थोडे मोठे होईपर्यंत विशेष काळजी घेणे आवश्यक आहे. या लेखात आठ महिन्याच्या बाळाला कोणता आहार द्यावा, त्याला काय खाऊ घालायचे तसेच या महिन्याच्या बाळाची काळजी कशी घ्यावी याविषयी माहिती डॉ सतीश उपळकर यांनी सांगितली आहे.

आठ महिन्याच्या बाळाचे वजन आणि उंची :

प्रत्येक बाळाचा शारीरिक विकास वेगवेगळा असतो.
बालकाचे (baby boy) चे वजन 7.0 ते 10.5 किलो आणि उंची 73 सेमी पर्यंत इतकी असू शकते.
तर बालिकेचे (baby girl) चे वजन साधारण वजन 6.3 ते 10.0 किलो असते आणि उंची सुमारे 70 सेमी पर्यंत असू शकते. वयानुसार बाळाचे वजन व उंची किती असावी ते जाणून घ्या..

आठ महिन्यांच्या बाळातील विकासाचे टप्पे :

• आठव्या महिन्यात आधाराशिवाय बाळ बसायला शिकतात.
• बाळ रांगण्याचा प्रयत्न करते.
• खेळण्यांनी खेळायला रस दाखवतात.
• आवडीचा आहार पाहून किंवा अंघोळीसाठी जाताना आनंद व्यक्त करतात.
• बाळाला त्याच्या नावाने हाक मारल्यास त्याकडे ते लक्ष देऊ शकतात.
• एका हातातून दुसऱ्या हातात खेळणे घेते.
• खेळणी तोंडात घालते.
• आपण बोललेली अक्षरे ते स्वतः बोलण्याचा प्रयत्न करते.

  • आठ महिन्याच्या बाळाचा आहार तक्ता असा असावा :

    या वयातील बाळांसाठी दिवसातून तीन ते चारवेळा स्तनपान किंवा फॉर्म्युला दूध द्यावे. याबरोबरचं दिवसातून तीन ते चार वेळा मऊ आहार बाळास खाऊ घालावा.

    • कुस्करलेली डाळ भात वरण, कुस्करलेली भाजी खायला द्यावी.
    • भात, नाचणी, ओट्स ही धान्ये व डाळी शिजवून थोडे मऊ करून बाळास खायला द्यावे.
    • दहीभात, वरणभातात तूप घालून खाऊ घालावे.
    • मऊ शिरा किंवा उपमा, खिचडी बाळास भरवावी.
    • गाजर, भोपळा, बटाटा, मटार, रताळे, सफरचंद यासारख्या भाज्या किंवा फळे चांगल्याप्रकारे उकडून, मऊ लगदा करून बाळास भरवावा.
    • बाळाच्या आहारात तूप, लोणी असे दुधाचे पदार्थ समाविष्ट करावेत.
    • केळे, आंबा, टरबूज, चिक्कू या फळांचा गर कुस्करून बाळास खाऊ घालावा.

    आठ महिन्याच्या बाळाची झोप :

    8 महिन्यांमधील बाळ 24 तासांत 12 ते 14 तास झोपू शकतात. बाळाची वाढ आणि विकासासाठी पुरेशी झोप घेणे आवश्यक असते.

    आठव्या महिन्यात बाळाच्या विकासासाठी हे करा :

    या महिन्यात बाळ बसायला शिकते. त्यानंतर ते रांगायला शिकत असते. यासाठी बाळ बसलेले असल्यास त्याच्यासमोर रंगीबेरंगी खेळणी ठेवावीत. जेणेकरून ते खेळणी घेण्यासाठी रांगत जाण्याचा प्रयत्न करतात. याशिवाय,

    • अंघोळ घालण्यापूर्वी बाळाला मालिश करावी.
    • बाळाला रंगीबेरंगी खेळणी आणून द्यावीत.
    • बाळाबरोबर खेळण्यांनी खेळावे.
    • पुस्तकातील रंगीत चित्रे दाखवावी.
    • बाळाला झोपवताना छान छान अंगाई गीते म्हणावीत.

    डॉक्टरांकडे कधी जावे..?

    बाळाला ताप, अतिसार, उलट्या, सर्दी, खोकला असे त्रास झाल्यास बाळाला डॉक्टरांकडे घेऊन जावे.

    हे सुध्दा वाचा – 9 महिन्याच्या बाळाची काळजी कशी घ्यावी ते जाणून घेण्यासाठी येथे क्लिक करा.

    Written by - Dr. Satish Upalkar
    लेखक हे वैद्यकिय तज्ञ आणि आरोग्य क्षेत्रात कार्यरत आहेत. माहिती आवडल्यास आमचे YouTube चॅनल Subscribe करा.
    

    In this article information about 10 months baby care, weight and diet plan in Marathi language. This health article is written by Dr Satish Upalkar (Certified physician and Healthcare expert).

    Related

    
    प्रेग्नेंसी, डिलिव्हरी आणि बालसंगोपन विषयक मराठी pdf पुस्तक मोफत डाऊनलोड करण्यासाठी खालील फॉर्मद्वारे संपर्क साधा. Pdf मोफत पुस्तक WhatsApp Number वर पाठवण्यात येईल.
    

    First Name(required)

    Email(required)

    WhatsApp Number(required)

    Submit

    सूचना : या साईटवरील माहिती कॉपी-पेस्ट करून ती वेबसाईट किंवा सोशल मीडियावर प्रसिद्ध करू नये ही विनंती.