प्रेग्नन्सीतील अंगदुखी : गर्भावस्थेत अंग दुखत असल्यास हे करा उपाय..

गर्भावस्थेतील अंगदुखी :

गरोदरपणात अंग दुखणे हे तसे सामान्य असते. बहुतांश स्त्रियांना प्रेग्नन्सीमध्ये अंगदुखी होण्याची तक्रार असते. गरोदरपणात हार्मोनल बदलामुळे थकवा येत असतो त्यामुळे थोडेजरी काम केले तरी अंगदुखी होत असते.

गरोदरपणात अंग दुखत असल्यास हे करा उपाय :

• प्रेग्नन्सीमध्ये अंगदुखत असल्यास थोडावेळ आराम करावा.
• गरोदरपणात डॉक्टरांनी सांगितलेला हलका व्यायाम नियमित करावा. सकाळच्या कोवळ्या उन्हात चालण्याचा व्यायाम करावा.
• अधिकवेळ एकचठिकाणी बसणे किंवा उभे राहणे टाळावे.
• जड वस्तू उचलणे, जास्त श्रमाची कामे करणे टाळावे.
• दुखणाऱ्या ठिकाणी आयुर्वेदिक वेदनाहर औषधांनी मालीश करावी.
• अंग अधिक दुखत असल्यास डॉक्टरांच्या सल्ल्याने सुरक्षित वेदनाशामक औषध घ्यावे.

प्रेग्नन्सीमध्ये अंग दुखत असल्यास गोळ्या औषधे खावीत का..?

अंगदुखीसाठी वेदना कमी करणारी अनेक औषधे ही गरोदरपणात घेणे सुरक्षित नसतात. त्यामुळे आपल्या डॉक्टरांच्या सल्ल्याशिवाय अशी कोणतीही वेदनाशामक औषधे अंगदुखीवर खाऊ नयेत. अंगदुखी असल्यास paracetamol या औषधाचा वापर डॉक्टरांच्या सल्ल्याने करू शकता. मात्र aspirin किंवा ibuprofen असणारी वेदनाशामक औषधे वापरू नयेत.

Whole body pain during pregnancy in Marathi information.