गरोदरपणात अपचन व पोटात गॅस होणे :

गरोदरपणात गॅसेसची समस्या होणे ही अगदी सामान्य बाब आहे. प्रेग्नन्सीतील हार्मोन्समधील बदलांमुळे, पोटात वाढणाऱ्या गर्भाचा दबाव पोट आणि आतड्यावर पडल्यामुळे पचनक्रिया थोडी कमी झालेली असते त्यामुळे गॅसेसची समस्या होत असते.

गरोदरपणात पोटात गॅसेस होऊ नये यासाठी करायचे उपाय –

1) योग्य आहार घ्या..
सहज पाचेल असा हलका आहार घ्या. एकाचवेळी भरपेट जेवण्यापेक्षा दिवसातून 3 ते 4 वेळा थोडेथोडे खावे. आहारात हिरव्या पालेभाज्या, फळभाज्या, फळे, गाजर, मनुका, नाचना, कोशिंबीर, मोड आलेली कडधान्ये यासारखे हाय-फायबर्सयुक्त पदार्थ खावेत.

2) अयोग्य आहार टाळा..
बेकरी प्रोडक्ट म्हणजे मैद्याचे पदार्थ, बिस्किटे, केक, मिठाई खाणे टाळा. पचनास जड असणारे पदार्थ, मांसाहार वारंवार खाणे टाळावे. सोडायुक्त कोल्ड्रिंक्स, चहा, कॉफी पिणे टाळावे.

3) पुरेसे पाणी प्या..
प्रेग्नन्सीमध्ये दिवसभरात पुरेसे म्हणजे साधारण 8 ग्लास पाणी प्यावे. याशिवाय शहाळ्याचे पाणी, लिंबूपाणी यांचाही समावेश करू शकता.

4) व्यायाम करा..
व्यायाम केल्याने पचनक्रिया वाढण्यास मदत होते. यासाठी गरोदरपणातही हलका व्यायाम करावा. विशेषतः चालण्याचा व्यायाम करावा. सकाळी किंवा संध्याकाळी थोडावेळ बागेत किंवा मोकळ्या हवेत फिरायला जावे. यामुळे पचन व्यवस्थित होऊन गॅसेस व पोटफुगी यासारख्या समस्या दूर होतात.

गरोदरपणात पोट साफ होण्यासाठी कोणते उपाय करावेत ते जाणून घ्या.

Read Marathi language article about Gas and bloating during pregnancy. Last Medically Reviewed on February 18, 2024 By Dr. Satish Upalkar.