ऑस्टिओपोरोसिस (हाडांची ठिसुळता) मराठीत माहिती – Osteoporosis in Marathi

5783
views

Osteoporosis in Marathi information, Osteoporosis causes and symptoms in Marathi, Osteoporosis diagnosis in Marathi. Osteoporosis Treatment in Marathi.

ऑस्टिओपोरोसिस म्हणजे काय..?
Osteoporosis information in Marathi
ऑस्टियो म्हणजे हाड आणि ऑस्टियोपोरोसिस म्हणजे ठिसुळ झालेले हाड. वय वाढेल तसे हाडांच्या पातळ होत जाणार्‍या क्रियेला ऑस्टियोपोरोसिस म्हटले जाते. ऑस्टिओपोरोसिस हा तसा सर्वसामान्यपणे कोणालाही होणारा आजार आहे. बदलत्या जीवनशैलीमुळे कित्येक जणांना या आजाराला सामोरं जावं लागतं. यामध्ये हाडे कमकुवत व नाजुक होत जातात, इतकी की एक हलकासा धक्काही त्यांना तोडु शकतो. अगदी लहानशा मुरगळण्यामुळे किंवा जड वस्तू उचलल्यामुळेदेखील हे फ्रॅक्चर होऊ शकतं.

बालवयातच आपल्या हाडांची वाढ होते. तर तरुणपणात ही हाडांची घनता वाढून ती कणखर बनतात. वय जसे वाढत जाते तसे शरीराची झीज होत जाते. तसेच आपल्या हाडांचेही असते, आपण योग्य ती काळजी न घेतल्यास वयाच्या तिशीनंतर हळूहळू प्रामुख्याने हाडांची घनता कमी होण्याचं प्रमाण अधिक वाढतं आणि ऑस्टियोपोरोसिसचा विकार उद्भवतो. हाडे ठिसूळ कशामुळे होतात, हाडे ठिसूळ होणे, हाडांची झीज का होते, हाडांचे दुखणे म्हणजे काय, हाडे का वाजतात, हाडे मजबूत करण्यासाठी आयुर्वेदिक उपाय, कॅल्शियम पुरवणारे पदार्थ, आहार, व्यायाम या सर्वांची मराठीमध्ये माहिती खाली दिली आहे.

कसे ओळखाल..?
हा आजार कित्येक वर्ष आपल्या शरीरात लपून बसलेला असतो. अनेकांना हे माहित ही नसते की त्यांना ऑस्टियोपोरोसिस आहे. मात्र दडून बसलेला हा आजार हळूहळू आपल्या हाडांना क्षती करत राहतो. यात जोपर्यंत पहिले फॅक्चर होत नाही तोपर्यंत ऑस्टियोपोरोसिस असल्याचे लक्षातचं येत नाही. त्यामुळे या आजाराला ‘सायलंट किलर’ असेहीे म्हंटले जाते. वॄध्दावस्थेमध्ये मणका, मणगट किंवा कमरेतील हाडांचे फॅक्चर ऑस्टियोपोरोसिस मुळे होऊ शकते.

ऑस्टियोपोरोसिसची लक्षणे :
Osteoporosis symptoms in Marathi
• कंबर, हात व मणगटाच्या हाडांमध्ये वेदना असणे,
• ‎मानेमध्ये वेदना, पाठीच्या खालच्या बाजुला वेदना,
• ‎उंची कमी होणे व बाक येणे,
• ‎कंबर, मणका व मनगटामध्ये फॅक्चर बहुतांशवेळा न पडता-झडता होणे,
• ‎हाडे कमकुवत व नाजुक होतात व लहानशा मुरगळण्यामुळे किंवा जड वस्तू उचलल्यामुळेदेखील हे फ्रॅक्चर होऊ शकतं.

धोका कुणाला..?
Osteoporosis risk factors in Marathi
स्त्रीयांमध्ये ऑस्टियोपोरोसिसशी संबधातील फॅक्चर होण्याची शक्यता पुरुषांपेक्षा चार पट अधिक आहे. स्त्रीयांमध्ये या आजाराचं प्रमाण अधिक आढळतं. कारण स्त्रीयांना 50 वर्षानंतर किंवा रजोनिवृत्तीनंतर हा त्रास उद्भवण्याचा धोका अधिक असतो. तीनपैकी एका स्त्रीला आणि आठपैकी एक पुरुषाला हा आजार झालेला दिसून येतो.
पुरुषामध्ये 60 ते 70 वर्षे वयानंतर हाडांची झीज जोराने होते. भारतात जवळपास 65 दशलक्ष लोक ऑस्टियोपोरोसिस विकाराने पिडीत आहेत.

ऑस्टियोपोरोसिसची कारणे :
Osteoporosis causes in Marathi
• अनुवंशिक कारणामुळे, कुटुंबामध्ये कुणाला ऑस्टियोपोरोसिस झालेला असणे,
• ‎आहारात कॅल्शीयमची कमतरता असणे,
• ‎अयोग्य आहारामुळे जसे जंकफूड-फास्टफूड आणि मैद्याचे पदार्थांचे अधिक सेवन करणे,
• ‎शारिरीक व्यायामाचा अभाव, बैठी जीवनशैली, शारीरिक हालचालींचा अभावामुळे,
• ‎‘ड’ जीवनसत्त्वाची कमतरता,
• ‎मद्यपान, धुम्रपान व तंबाखुजन्य पदार्थांचे सेवन,
• ‎हाडांचा कर्करोगामुळे,
• ‎कॉर्टिको स्टेरॉयडस, मुत्रल औषधांच्या दुष्परिणामांमुळे,
• ‎वयानुसार लवकर रजोनिवॄत्ती येण्यामुळे तसेचं ज्या स्त्रीयांचे बीजग्रंथी शस्त्रक्रियेने काढ्लेले आहेत अशा स्त्रियांमध्ये ऑस्टियोपोरोसिस होण्याची अधिक शक्यता असते.

ऑस्टियोपोरोसिसचे निदान :
Osteoporosis diagnosis test in Marathi
आधुनिक वैद्यकीय तंत्रज्ञानामुळे आज अनेक आजारांचे निदान वेळेत होऊ शकते. ज्या प्रमाणे हाडांचे फॅक्चर एक्सरेने ओळखले जाऊ शकते, तसेच हाडांची ठिसुळता व पुढे फॅक्चर होण्याची संभावना आज ओळखता येते.
डेक्झा स्कॅन, बोन डेन्सिटोमेट्री चाचणी, ज्या ठिकाणी दुखापत झाली आहे असा भाग उदाहरणार्थ मणका किंवा पार्श्वभागाचा एक्सरे, सिरम कॅल्शिअम, व्हिटॅमिन डी, तसेच टी3, टी4 टीएसएच, एस इस्ट्रोजन, टेस्टोटेरॉन यांसारख्या काही रक्तचाचण्यांद्वारेदेखील हा आजार झाल्याचं कळू शकतं.

आधुनिक डेक्झा स्कॅन –
हाडांची ठिसुळता अचुकपणे दर्शविणारे अत्याधुनिक डेक्झा स्कॅनद्वारे हाडांची खनिज घनता मोजली जाते. डेक्झा स्कॅन हे तंत्रज्ञान सुरक्षित, जलद, अचुक, वेदनारहित असुन ऑस्टियोपोरोसिसच्या निदानाकरिता अत्यंत उपयुक्त आहे. हाडांची खनिज घनता मोजण्यासाठी अन्य कोणत्याही पध्दतीपेक्षा हे तंत्रज्ञान सर्वोत्तम आहे. ह्याचा रिपोर्ट संगणकाद्वारे पुर्णपणे इमेज व ग्राफिकद्वारे दर्शविला जातो. यामध्ये फक्त हाडांची घनताच नव्हे तर शरिरातील चरबी व मांसपेशीचे प्रमाणही दर्शविले जाते. हाडांची ठिसुळता फार आधीच जाणुन घेऊन पुढील दहा वर्षापर्यंत होऊ शकणार्‍या संभाव्य फॅक्चरचे अनुमान केले जाते. याच्या माहितीवरुन डॉक्टरांना तुमचे कोणते हाड ठिसुळ झाले आहे व ऑस्टियोपोरोटिक फॅक्चर कुठे होऊ शकते हे वर्तविता येते.

हे करा..
ऑस्टियोपोरोसिस होऊ नये म्हणून काय करावे..?

Osteoporosis prevention in Marathi
• हाडांच्या विकासासाठी आणि आयुष्यभर त्यांना बळकट राखण्यासाठी परिपुर्ण कॅल्शीयम व विटामीन-डी चे सेवन करणे अत्यंत आवश्यक आहे.
• ‎योग्य आहार घ्यावा. कॅल्शीयम मिळण्याचे चांगले घटक जसे, दुग्धजन्य पदार्थ, हिरव्या पालेभाज्या, बदाम, समुद्री मासे, अंडी, तीळ, मेथीचे दाणे, पालक, नाचणी अशा पदार्थाचा आहारात समावेश करावा. बकऱ्याच्या पायापासून बनवलेला पाया सूप पिणे उपयुक्त ठरतो.
• ‎विटामीन-डी ची कमतरता भरून काढण्यासाठी दररोज सकाळचे कोवळे उन्हामध्ये शेक घ्या.
‎नियमित व्यायाम आणि योगासने करणे आवश्यक.
• ‎दररोज किमान अर्धा तास पायी चालण्यामुळे हाडे कमजोर होण्यापासुन वाचु शकतात.
• ‎पायऱ्या चढण्यां-उतरण्याचा व्यायाम केल्यास अधिक उपयुक्त.
• ‎ऑस्टियोपोरोसिस झालेल्या लोकांनी वजनदार व्यायाम प्रकार करु नयेत.
• ‎कॅल्शीयमच्या रक्षणासाठी मद्यपान, धुम्रपान करणे टाळा.

सर्वसाधारणपणे आपल्या शरीराला 1000 मिलिग्रॅम कॅल्शिअमची दिवसाला गरज असते. मात्र आपल्याकडच्या चुकीच्या आहारपद्धतीमुळे ती केवळ 300 ते 500 मिलिग्रॅम इतकीच मिळते. ही कमतरता भरून काढण्यासाठी दररोज दीड कप दूध किंवा दही यांचा आहारात समावेश करावा.

हे सुद्धा वाचा..

हाडांच्या पोषणासाठी आवश्यक अशा व्हिटॅमिन D विषयी माहिती जाणून घ्या..
संधीवाताचा त्रास माहिती व उपाय
आमवात मराठीत माहिती व उपचार

– डॉ. सतीश उपळकर
CEO, हेल्थ मराठी नेटवर्क

© कॉपीराईट विशेष सूचना : वरील माहिती आपणास कॉपी पेस्ट करून अन्य ठिकाणी वापरता येणार नाही. अधिक माहितीसाठी येथे क्लिक करा व सूचना वाचा.

Osteoporosis treatment in marathi, Bones health in Marathi, osteopenia, Bone fracture treatment in Marathi, Bones & joints diseases in Marathi


आपली प्रतिक्रिया द्या :
वरील माहिती आपणास कशी वाटली? किंवा आपल्या काही आरोग्य विषयक समस्या, प्रश्न असल्यास आम्हाला कळण्यासाठी येथे क्लिक करा. आमचे तज्ञ डॉक्टर आपल्या विविध प्रश्नांचे निश्चितच समाधान करतील.