Dr Satish Upalkar’s article about prickly heat rash solutions in Marathi.

घामोळे येण्याची कारणे :

उन्हाळ्याच्या दिवसात अनेकांच्या त्वचेवर घमोळ्या येतात. उकाड्यामुळे उन्हाळ्यात अधिक घाम येऊ लागतो. अशावेळी जर त्वचेतील घामाच्या ग्रंथीतून घाम बाहेर येत नसल्यास अंगावर पुरळ येऊ लागतात याला घामोळे येणे असे म्हणतात. तसेच काहीवेळा आलेला घाम हा कपड्यात शोषला न गेल्यास, अंगावर अधिक काळ घाम राहिल्यानेही घामोळे येतात. घामोळ्यांचा त्रास प्रामुख्याने ज्यांना घाम जास्त येतो, अशा व्यक्तींना अधिक होत असतो. लहान मुलांपासून ते मोठ्या व्यक्तींपर्यंत हा त्रास कोणालाही होऊ शकतो. या लेखात डॉ सतीश उपळकर यांनी घामोळ्या वरील उपायांची माहिती सांगितली आहे.

घामोळे येण्याची अशी असतात लक्षणे :

घामोळ्या प्रामुख्याने पाठीवर, मानेवर, छातीवर, खांद्यावर, कपाळावर येतात. घमोळ्यामुळे त्वचेला खाज सुटणे व शरीरावर लाल रंगाचे बारीक पुरळ येणे अशी लक्षणे घामोळ्यात असतात. त्यामुळे त्वचेचा मुलायमपणा जाऊन ती खरबरीत लागते.

घामोळे जाण्यासाठी हे घरगुती उपाय करावे..

  • उन्हाळ्याच्या दिवसात घाम आल्यास थंड पाण्यात भिजवलेल्या टॉवेलने अंग पुसून घ्यावे.
  • जंतुनाशक साबणाने अंघोळ करावी.
  • दिवसभरात पुरेसे पाणी प्यावे.
  • उन्हाळ्यात घाम शोषणारी सुती कपडे घालावीत.
  • घामोळ्यावर prickly heat पावडर फवारावी.
  • घामोळ्यांच्या ठिकाणी कडुनिंबाची पाने बारीक वाटून लेप लावल्यास आराम पडतो.
  • घामोळ्यांवर मुलतानी माती, चंदन पावडर किंवा कोरपडीचा गर लावणेही उपयोगी असते.

घामोळ्यावर औषध उपचार :

घामोळ्या साधारण आठवड्याभरात आपोआप कमी होतात. त्यामुळे शरीरावर घामोळे आल्यास त्याठिकाणी खाजवून जखम करू नये. यासाठी घामोळ्याच्या ठिकाणी prickly heat पावडर वापरू शकता. यामुळे त्वचेला होणारी जळजळ किंवा खाज कमी होते, घामामुळे होणाऱ्या बॅक्टेरियाही कमी होतात. याशिवाय अधिक त्रास होत असल्यास आपले डॉक्टर, त्वचेवर लावण्यासाठी कॅलेमाईन लोशन देऊ शकतात. त्यामुळेही घामोळ्याचा त्रास लवकर कमी होईल.

हे सुद्धा वाचा –
उन्हाळ्यात काय खावे व काय खाणे टाळावे ते जाणून घेण्यासाठी येथे क्लिक करा.

Written by - डॉ. सतीश उपळकर
लेखक हे वैद्यकिय तज्ञ आणि आरोग्य क्षेत्रात कार्यरत आहेत. माहिती आवडल्यास येथे क्लिक करून आमचे YouTube चॅनल Subscribe करा.

In this article information about Prickly heat rash home remedies solutions and Treatments in Marathi language. This health article is written by Dr Satish Upalkar (Certified physician and Healthcare expert).

माहिती आवडल्यास आमचे YouTube चॅनल जरूर Subscribe करा.


सूचना : या साईटवरील माहिती कॉपी-पेस्ट करून ती वेबसाईट किंवा सोशल मीडियावर प्रसिद्ध करू नये ही विनंती.