गरोदरपणात थकवा येणे व दम लागणे :
गर्भवती असताना थकल्यासारखे वाटणे ही अगदी सामान्य गोष्ट आहे. विशेषतः गर्भधारणेच्या पहिल्या काही आठवड्यांमध्ये आणि शेवटच्या आठवड्यात गरोदर स्त्रियांना दम लागणे, थकवा जाणवणे असे त्रास होत असतात.
प्रेग्नन्सीमध्ये थकवा किंवा अशक्तपणा का जाणवतो..?
गर्भावस्थेत पहिल्या तिमाहीत गर्भ रुजत असताना होणारे हार्मोनल बदल, प्लेसेंटाची होणारी निर्मिती यामुळे रक्तातील साखर (ब्लड शुगर) आणि रक्तदाब कमी होऊ शकतो. त्यामुळे आपणास खूप थकवा व दम लागत असतो. तसेच हिमोग्लोबिनचे प्रमाण कमी असल्याने ऍनिमिया होऊनही थकवा जाणवू शकतो.
गरोदरपणात दम लागणे यावरील उपाय :
1) योग्य आहार घ्या..
थकवा जाणवत असल्यास पौष्टिक आहार घ्यावा. आपल्या आहारामध्ये विविध प्रकारचे फळ आणि भाज्या तसेच लोह, प्रथिने आणि कॅल्शियम असणारे पदार्थ समाविष्ट करा. अधिकवेळ उपाशी राहू नये.
2) हलका व्यायाम करा..
प्रेग्नन्सीमध्ये हलका व्यायाम करणे आवश्यक असते. यासाठी मोकळ्या हवेत थोडे फिरायला जावे. यामुळे आपणास फ्रेश वाटेल आणि रात्री आपल्याला झोपसुद्धा चांगली येईल.
3) पुरेशी विश्रांती घ्या..
गर्भावस्थेत जड वस्तू उचलणे यासारखी थकवा आणणारी कामे करणे टाळावे. थकवा जाणवत असल्यास पुरेशी विश्रांती घ्यावी. दुपारच्या वेळीही थोडा आराम करावा.
4) लोहाच्या गोळ्या नियमित घ्या..
गरोदरपणात हिमोग्लोबिनचे प्रमाण कमी असल्याने ऍनिमिया होऊनही थकवा जाणवत असतो. अशावेळी थकवा जाणवत असल्यास हिमोग्लोबिनचे प्रमाण तपासून घ्यावे. गरोदरपणात ऍनिमिया होऊ नये यासाठी लोह व फॉलिक ऍसिडच्या गोळ्या दिल्या जातात त्या नियमित घ्याव्यात.
लेखक हे वैद्यकिय तज्ञ आणि आरोग्य क्षेत्रात कार्यरत आहेत. माहिती आवडल्यास आमचे YouTube चॅनल Subscribe करा.
हे सुद्धा वाचा..
गरोदरपणात घ्यावयाची काळजी याविषयी माहिती जाणून घेण्यासाठी येथे क्लिक करा.
Fatigue during pregnancy in Marathi. Article written by Dr. Satish Upalkar.
प्रेग्नेंसी, डिलिव्हरी आणि बालसंगोपन विषयक मराठी pdf पुस्तक मोफत डाऊनलोड करण्यासाठी खालील फॉर्मद्वारे संपर्क साधा. Pdf मोफत पुस्तक WhatsApp Number वर पाठवण्यात येईल.