कापणे व प्राथमिक उपाय :
काहीवेळा कात्री, सुरी यासारख्या धारदार वस्तू हाताळताना कापण्याची शक्यता असते. त्यामुळे जखम होऊन रक्तस्त्राव होऊ लागतो. अशावेळी जखम लहान असो वा मोठी रक्तस्त्राव थांबवण्यासाठी काही उपाय करणे आवश्यक असते. यासाठी येथे कापल्यानंतर कोणते घरगुती प्राथमिक उपाय करावेत याची माहिती दिली आहे.
कापल्यावर जखम झाल्यास करावयाचे प्राथमिक उपाय :
- कट किंवा जखमेच्या ठिकाणी पाण्याने स्वच्छ धुवावे.
- जखमेतून रक्त येत असल्यास जखमेवर अँटीसेप्टिक मलम, पावडर किंवा डेटॉल लावावे. अँटीसेप्टिक मलम वैगेरे नसल्यास जखमेवर हळद लावावी.
- त्यानंतर जखमेवर ड्रेसिंग पॅड, बँडेज किंवा स्वच्छ कापड बांधून मलमपट्टी करावी.
- जखम मोठी असल्यास जवळच्या दवाखान्यात जावे किंवा 108 ह्या नंबरवर फोन करून रुग्णवाहिका बोलावून घ्यावी.
