यूरिक ऍसिडचा त्रास आणि त्यावरील उपचार –
Uric acid treatments in Marathi :

युरिक अॅसिडच्या त्रासात सांध्यांच्या ठिकाणी सूज येते व अतिशय वेदना होत असतात. प्रामुख्याने आपल्या रक्तात यूरिक एसिडचे प्रमाण अधिक वाढल्यामुळे युरिक अॅसिडचे स्फटिक सांध्यामध्ये जमा होऊन त्याठिकाणी सूज, वेदना होऊन सांधेदुखी होत असते. या सांधेदुखीला गाऊट असेही म्हणतात.

युरिक अॅसिडचा त्रास पायाच्या अंगठ्याच्या सांध्यात अधिकतेने झालेला आढळतो. याशिवाय गुडघा, पाय, हात, मनगट किंवा कोपराच्या जॉइन्ट्समध्येही हा त्रास होऊ शकतो.

युरिक अॅसिड कशामुळे वाढते..?

आपल्या शरीरातील purine ह्या घटकापासून युरिक ऍसिड तयार होत असते. तसेच मांसाहारी पदार्थ, मासे, झिंगा, मटार, दारू-बियर सारखे अल्कोहोलिक मादक द्रव्ये, कोल्ड्रिंक्स यासारख्या पदार्थात purine घटकाचे प्रमाण अधिक असते. असे पदार्थ वारंवार खाल्यानेही शरीरात युरिक ऍसिडचे प्रमाण अधिक वाढत असते.

सामान्यतः किडणीद्वारे रक्तातील युरिक ऍसिड लघवीवाटे बाहेर काढून टाकले जाते. मात्र जर शरीरात अधिक प्रमाणात युरिक ऍसिड तयार होत असल्यास रक्तातील युरिक ऍसिड काढून टाकण्यास मर्यादा येतात. अशावेळी रक्तात युरिक ऍसिड जास्त प्रमाणात वाढू लागते. त्यानंतर अधिक प्रमाणात वाढलेल्या युरिक ऍसिडचे स्फटिक सांध्यामध्ये जमा होऊन त्या सांध्यांच्या ठिकाणी सूज व वेदना होते.

यूरिक ऍसिडच्या त्रासावसरील आयुर्वेदिक उपचार :

यूरिक ऍसिड किंवा गाऊटच्या त्रासावर वेळीच योग्य न केल्यास हा त्रास पुढे वाढतच जातो. वाढलेले युरिक ऍसिड कमी करण्यासाठी आयुर्वेदात यावर अनेक उपयुक्त औषधे आहेत.

Written by - डॉ. सतीश उपळकर
लेखक हे वैद्यकिय तज्ञ आणि आरोग्य क्षेत्रात कार्यरत आहेत. माहिती आवडल्यास येथे क्लिक करून आमचे YouTube चॅनल Subscribe करा.

माहिती आवडल्यास आमचे YouTube चॅनल जरूर Subscribe करा.


सूचना : या साईटवरील माहिती कॉपी-पेस्ट करून ती वेबसाईट किंवा सोशल मीडियावर प्रसिद्ध करू नये ही विनंती.

Dr. Satish Upalkar is the Founder and CEO of HealthMarathi.com. He is a Healthcare counsultant Doctor. He has completed his Bachelors in Medical Degree from Maharashtra...