उचकी लागणे – Hiccup :

अचानक कधीही उचकी येत असते. उचकी लागल्यावर अस्वस्थता होते. कधीकधी सारख्या उचक्या येत असतात अशावेळी त्यांना रोखणेही अवघड असते.

उचक्या का व कशामुळे लागतात..?

आपल्या फुफ्फुसाच्या खाली असणारी डायफ्राम नावाची मांसपेशी (मसल्स) अचानक अकुंचन पावल्याने सारख्या उचक्या येऊ लागतात.

उचकी लागण्याची कारणे –

उचकी लागण्यास अनेक कारणे जबाबदार असतात. यामध्ये भरपेट जेवणे, तिखट-मसालेदार जेवण खाण्यामुळे, पोटफुगी झाल्यामुळे, दारूचे व्यसन, मानसिक तणाव अशा अनेक कारणामुळे उचकी लागू शकते.

उचकी लागणे यावर घरगुती उपाय –

1) थंड पाणी प्यावे.
उचकी लागल्यास ग्लासभर थंड पाणी प्यावे यामुळे उचकी रोखण्यास मदत होईल. यावेळी नाक बंद करत थोडे पाणी प्यावे.

2) लिंबू रस व मधाचे चाटण करावे.
उचकी लागल्यावर एक चमचा लिंबू रसात एक चमचा मध घालून मिश्रणाचे चाटण केल्यासही उचकी वर आराम मिळतो. एक चमचा मध खाल्ल्यासही उचकी कमी होण्यासाठी मदत होते.

3) साखर आणि मिठाचे पाणी प्यावे.
उचकी आल्यावर साखरेच्या पाण्यात थोडं मीठ घालून ते पाणी थोडे-थोडे प्यावे. उचकी लागणे यावर हा घरगुती उपाय खूप फायदेशीर आहे.

4) खडीसाखर व काळे मिरे चावून खावे.
उचकी लागल्यानंतर तीन ते चार काळे मिरे आणि खडीसाखर तोंडात धरून चावत राहावी. त्यावर एक ते दोन घोट पाणी प्यावे.

5) उलटे अंक मोजा.
उचकी लागल्यावर 100 ते 1 असे उलटे अंक मोजल्याने उचकी बंद होण्यासाठी मदत होते.

जेवताना उचक्या लागत असल्यास हे करा :

अनेकदा घाईघाईत जेवताना उचकी लागते. त्यामुळे उचकी लागल्यावर पाणी प्यावे लागते. पर्यायाने जेवण पूर्ण होण्याआधीच पाण्याने पोट भरते. यासाठी जेवताना उचकी लागू नये म्हणून जेवताना सावकाश, एक-एक घास चावत गिळावे आणि भरपेट जेवणेही टाळावे.

उचकी येत असल्यास डॉक्टरांकडे कधी जावे..?

उचकी येणे सामान्य गोष्ट आहे मात्र जर घरगुती उपाय केल्यानंतरही उचकी बंद होत नसल्यास किंवा सारख्या उचक्या लागत असल्यास डॉक्टरांचा सल्ला घेणे गरजेचे असते.

हे सुध्दा वाचा – ढेकर येणे यावरील उपाय जाणून घ्या..

Read Marathi language article about Hiccups Causes and Home remedies. Last Medically Reviewed on February 28, 2024 By Dr. Satish Upalkar.

Dr. Satish Upalkar, obtained his bachelor’s degree in medicine and surgery from Maharashtra University of Health Sciences, Nashik, India in 2010. He is also a member of the Medical Council of Indian Medicine, Mumbai. He is working as a General Physician and Healthcare Consultant. Since 2012, he has had extensive experience in writing on various medical topics for the general public. After medical graduation, he has also completed diploma in diet and nutrition as well as yoga.

Leave a comment

Your email address will not be published. Required fields are marked *