नको असलेली गर्भधारणा रोखण्यासाठी हे आहेत उपाय.. (Stop unwanted Pregnancy)

Medical Author – डॉ. सतीश उपळकर
© हेल्थ मराठी डॉट कॉम

नको असलेली गर्भधारणा (Unwanted Pregnancy) :

गर्भवती होऊ नये यासाठी कंडोम, कॉपर टी, व्हजायनल रिंग, हार्मोन्सच्या गर्भनिरोधक गोळ्या असे अनेक पर्याय उपलब्ध आहेत. अनेकवेळा योग्य ती खबरदारी न घेतल्याने म्हणजे, सेक्सच्यावेळी कंडोमचा वापर न करणे किंवा कंडोम फाटणे, गर्भनिरोधक गोळ्या खाणे विसरणे यामुळे नको असलेली गर्भधारणा होण्याची शक्यता असते. याला नको असलेली गर्भधारणा (Unwanted Pregnancy) असे म्हणतात. अशावेळी गर्भधारणा होऊ नये म्हणून काय करावे, कोणते उपाय करावेत याची माहिती येथे दिली आहे.

अनावश्यक गर्भधारणा होऊ नये म्हणून हे करा उपाय..

असुरक्षित सेक्स म्हणजे कंडोम न वापरणे किंवा सेक्सच्यावेळी कंडोम फाटणे किंवा गर्भनिरोधक गोळ्या खाण्यास विसरणे यामुळे नको असलेली गर्भधारणा (unwanted pregnancy) होण्याची शक्यता असते. अशावेळी होणारी गर्भधारणा टाळण्यासाठी इमर्जन्सी कॉन्ट्रासेप्टिव्ह गोळ्यांचा लवकरात लवकर वापर करावा लागतो.

यासाठी इमर्जन्सी कॉन्ट्रासेप्टिव्ह पिल्सची गोळी सेक्सनंतर शक्य तितक्या लवकर म्हणजे 72 तासांच्या आत घेणे आवश्यक असते. यामुळे नको असलेली गर्भधारणा रोखण्यास मदत होते.

सेक्सनंतर केवळ 72 तासांच्या आत ही गोळी घेतल्यासचं यांचा उपयोग होतो. मात्र जर आधीच गर्भधारणा झालेली असल्यास, पोटात गर्भ वाढत असल्यास या गोळ्यांचा काहीही उपयोग होत शकत नाही. ‎इमर्जन्सी कॉन्ट्रासेप्टिव्ह गोळ्यांविषयी अधिक माहिती जाणून घेण्यासाठी येथे क्लिक करा.

(ह्या साईटवरील माहिती कॉपी पेस्ट करू नये. तसेच Youtube video बनवू नये. कॉपीराईट सूचना वाचा..)

गर्भधारणा रोखण्याचे आणखी कोणते उपाय आहेत..?

गर्भधारणा होऊ नये यासाठी पुरुष किंवा स्त्रिया कंडोमचा वापर करू शकतात. याशिवाय स्त्रियांच्या गर्भाशयात कॉपर-टी (तांबी) बसवता येते, तसेच स्त्रिया यासाठी नियमित घेण्याच्या हार्मोनल गर्भनिरोधक गोळ्या घेऊ शकतात. या गोळ्या 28 दिवस घेणे आवश्यक असते.

कायमस्वरूपी गर्भधारणा होऊ नये यासाठी पुरुषांत नसबंदी शस्त्रक्रिया किंवा स्त्रियांत टाक्याचे, बिनटक्याचे ऑपरेशन केले जाते. गर्भधारणा रोखण्यासाठी असे सर्व सुरक्षित उपाय उपलब्ध आहेत

Stop unwanted pregnancy details information in Marathi.