संधिवात – सांधेदुखी माहिती मराठीत (Arthritis in Marathi)

5938
views

Arthritis in Marathi, Arthritis Causes, Symptoms, Types, Diagnosis test, Treatments in Marathi. Sandhedukhi Sandhivat Upchar in Marathi.

संधिवात (ओस्टियो-आर्थराइटिस) :
Arthritis information in Marathi.
संधिवात याला Osteoarthritis किंवा सांधेदुखी असेही म्हटले जाते. आपल्या सांध्यामध्ये कूर्चा (कार्टीलेज) नावाचा घटक असतो. या कार्टीलेजमुळे सांध्यांची हालचाल योग्यरीत्या होत असते. मात्र जेंव्हा कोणत्याही कारणास्तव कार्टीलेजची झीज झाली असता, सांध्यांमधील हाडे एकमेकांना घासतात त्यामुळे सांध्यात वेदना आणि सूज येऊ लागते या स्थितीस ओस्टियोआर्थराइटिस असे म्हणतात.

साधारणपणे वाढत्या वयानुसार कार्टीलेजची झीज होत असते त्यामुळे संधीवाताचे प्रमाण वृद्ध व्यक्तींमध्ये जास्त आहे. सांधे दुखणे, सांध्यांची हलचाल योग्य प्रकारे न होणे, चालताना, वाकताना, उठताना-बसताना त्रास होणे, जिना चढणे-उतरणे त्रासदायक होणे ही सर्व लक्षणे उतारवयात उत्पन्न होणारी लक्षणे आहेत मात्र बदलती जीवनशैलीमुळे आज तरुणांमध्ये सुद्धा सांधे दुखण्याचे प्रमाण वाढत आहे. संधिवात किंवा सांधेदुखी आजाराची माहिती, संधिवात म्हणजे काय, सांधेदुखीची कारणे, संधिवात प्रकार, संधिवातात लक्षणे कोणती जाणवतात, सांधेदुखीवर उपचार, जसे आयुर्वेदिक औषधे, होमिओपॅथी उपचार, संधिवातावर घरगुती उपाय, संधिवात आहार, पथ्य अपथ्य, व्यायाम या सर्वांची माहिती ह्या ठिकाणी मराठीमध्ये दिली आहे.

संधीवाताची कारणे :
Arthritis Causes in Marathi.
अनेक कारणांमुळे सांधेदुखीचा त्रास होत असतो.
• वाढत्या वयामुळे संधीवाताचा त्रास होऊ शकतो. साधारण 60 वर्षानंतरच्या व्यक्तींमध्ये संधीवात होण्याचे प्रमाण जास्त आहे.
• ‎लठ्ठपणामुळे संधिवात होण्याचे प्रमाण वाढले आहे. वाढलेल्या वजनाचा अतिरिक्त भार आपल्या गुडघ्यावर, खुभ्याच्या सांध्यांवर पडत असतो. त्यामुळे लठ्ठपणामुळे अगदी कमी वयातही संधिवात होण्याचे प्रमाण वाढले आहे.
• ‎व्यायामाचा अभावामुळे.
• ‎हाडांचे फ्रॅक्चर झाल्याने किंवा सांध्याच्या ठिकाणी आघात झाल्याने.
• ‎Joint dislocation मुळे ही स्थिती होऊ शकते. यामध्ये सांधे हे त्यांच्या मुळ ठिकाणापासुन निसटतात.
• ‎शरीरातील हार्मोनल बदल, रजोनिवृत्ती यांमुळे कॅल्शियमची कमतरता होत असल्याने पुरुषांपेक्षा स्त्रियांमध्ये ओस्टियोआर्थराईटिस होण्याची जास्त शक्यता असते.
• ‎कुटुंबातील व्यक्तींना संधिवात असल्यास अनुवंशिकतेमुळेही संधिवात होण्याचा धोका अधिक असतो.

संधिवाताची लक्षणे :
Arthritis Symptoms in Marathi.
संधिवाताच्या प्रकारानुसार आणि रोगाच्या स्वरुपानुसार लक्षणे असू शकतात. संधिवातात प्रामुख्याने आढळणारी लक्षणे पुढीलप्रमाणे आहेत.
• सांधे दुखतात.
• ‎सांध्यांवर सूज येणे, सांधा बाहेरुन लाल होणे.
• ‎सांध्यास स्पर्श केल्यास गरम लागणे त्यावेळी वेदना अधिक जाणवणे.
• ‎सांध्यांची हालचाल योग्य प्रकारे न होणे.
• ‎सांधे जखडणे, अवघडणे. विशेषतः सकाळी झोपेतून उठल्यावर सांधे अवघडल्यासारखे होणे.
• ‎सांध्यातील कार्टीलेजची झीज झाल्यामुळे, हाडे एकमेकांवर घासल्यामुळे त्यातून कट-कट असा आवाज येऊ शकतो.
• ‎सांध्यात पाणी होणे.
• ‎खूप दिवसांचा संधिवात असला तर सांधे वेडीवाकडी होणे यासारखी लक्षणे संधिवातामध्ये प्रामुख्याने आढळतात.

संधिवात निदान :
Arthritis Diagnosis test in Marathi.
पेशंट हिस्ट्री, असलेली लक्षणे आणि शारीरीक तपासणीद्वारे आपले डॉक्टर संधिवाताच्या निदानास सुरवात करतील.
याशिवाय निदानासाठी खालिल वैद्यकीय चाचण्याही करायला सांगतील.
सांध्यांचा एक्स-रे परक्षण, रक्त तपासणीमध्ये CBC चाचणी केली जाते तसेच रक्तातील युरिक एसिडचे प्रमाण तपासले जाते. कधीकधी MRI scan सुद्धा संधिवाताच्या निदानासाठी करणे आवश्यक असते.

संधिवात उपचार मार्गदर्शन :
Arthritis Treatments in Marathi.
सांधेदुखीवर वेळीच योग्य न केल्यास हा त्रास पुढे वाढतच जातो. यासाठी संधिवाताच्या त्रासावर वेळीच योग्य उपचार करणे आवश्यक असते.
संधिवातावरील गुणकारी औषधांची माहिती देणारी उपयुक्त ‘संधिवात उपचार मार्गदर्शन पुस्तिका’आजचं डाउनलोड करा व संधिवाताच्या त्रासापासून सुटका मिळवा. या उपयुक्त पुस्तकातून आपण संधिवातावर औषधोपचार करून घेऊ शकाल.

या पुस्तिकेत तज्ञ डॉक्टरांनी संधिवातावरील गुणकारी आयुर्वेदिक औषधांची माहिती दिली आहे. आयुर्वेदिक औषधे असल्याने कोणताही दुष्परिणाम होत नाही. अनेकांना सांधेदुखीच्या त्रासावर ह्या औषधांचा गुण आला असून त्यांचा त्रास कमी झाला आहे.
संधिवात उपचार मार्गदर्शन पुस्तिका डाउनलोड करण्यासाठी येथे क्लिक करा.

संधीवाताचा त्रास होऊ नये म्हणून कोणती काळजी घ्यावी..?
• संतुलित आहार घ्यावा.
• ‎वजन वाढू देऊ नका. लठ्ठपणामुळे गुडघ्यासारख्या सांध्यावर अधिक ताण येतो. यासाठी वजन आटोक्यात ठेवावे.
• ‎नियमित व्यायाम, योगासने करावीत. यासाठी चालणे, सायकलिगं, पोहणं असे व्यायाम करू शकाल. त्यामुळे स्नायू व सांधे बळकट होतात.
• ‎दररोज किमान 30 मिनिटे चालण्याचा व्यायाम करावा.
• ‎हाडांची झीज भरुन काढण्यासाठी कॅल्शियमयुक्त आहार सेवन करावा. कॅल्शियमचे हाडांपर्यंत शोषण होण्यासाठी ‘ड’ जीवनसत्वाची गरज असते. त्यासाठी सकाळचे कोवळे सुर्यकिरण अंगावर घ्यावे.
• ‎हाडांचे फ्रॅक्चर किंवा सांध्याना आघात होणार नाही याची काळजी घ्या.
• ‎सांधेदुखी हा एक प्रचंड पीड़ादायी असा रोग आहे. त्यामुळे त्याची लक्षणे जाणवू लागताचं योग्य उपचार करून घ्यावे लागतात. यासाठी येथे क्लिक करा व संधिवात उपचार मार्गदर्शन पुस्तिका आजचं डाउनलोड करा.

हे सुद्धा वाचा..
आमवात माहिती व उपचार
वातरक्त – गाऊटचा त्रास व उपचार
गुडघेदुखी माहिती, घरगुती उपाय व उपचार
पायात गोळे येणे व त्यावरील उपाय

– डॉ. सतीश उपळकर
CEO, हेल्थ मराठी नेटवर्क

© कॉपीराईट विशेष सूचना : वरील माहिती आपणास कॉपी पेस्ट करून अन्य ठिकाणी वापरता येणार नाही. अधिक माहितीसाठी येथे क्लिक करा व सूचना वाचा.

Sandhedukhi Sandhivat mahiti karne, lakshne, test, prakar, gharguti upay, upchar Marathi.


आपली प्रतिक्रिया द्या :
वरील माहिती आपणास कशी वाटली? किंवा आपल्या काही आरोग्य विषयक समस्या, प्रश्न असल्यास आम्हाला कळण्यासाठी येथे क्लिक करा. आमचे तज्ञ डॉक्टर आपल्या विविध प्रश्नांचे निश्चितच समाधान करतील.