रस्त्यावरील अपघात व प्रथमोपचार मराठीत माहिती (Road accident)

Road accident first aid information in Marathi

रस्त्यावरील अपघात माहिती :
आज प्रचंड प्रमाणात वाढलेल्या वाहतूकीमुळे दररोज रस्त्यावर अपघात होऊन अनेकजण गंभीर जखमी आणि मृत्युमुखी पडत आहेत.

रस्त्यावर अपघात झाल्यास हे करा..
• गंभीर अपघात झाल्यास 108 ह्या नंबरवर फोन करून रुग्णवाहिका बोलवा.
• जर डोक्याला किंवा पाठीच्या कण्याला इजा झाली असेल तर डोके किंवा मान हलवू नका.
• ‎खरचटले किंवा मुरगळले असेल तर तो भाग थंड पाण्यात बुडवा.
• ‎जर अपघातग्रस्त व्यक्तीला वेदना होत असतील तर तिचे हाड मोडलेले असू शकते, इजा झालेला भाग हलवू नका.
• ‎जखमी झालेला अवयव वर उचलून धरा जेणेकरून रक्तप्रवाह कमी होईल.
• ‎रक्त येत असल्यास त्यावर पट्टी बांधा.
• ‎जखमी व्यक्तीला ताबडतोब डॉक्टरांची मदत मिळवून द्या.

वाहतुकीचे साधे नियमही पाळा..
• वाहतुकीचे नियम पाळा.
• ‎गाडीमध्ये प्रथमोपचार पेटी ठेवा.
• ‎मद्यपान करून वाहने चालवू नका. गाडी चालवताना फोनवर बोलू नका. सीटबेल्टचा वापर करा.
• ‎दुचाकी चालविताना हेल्मेटचा वापर करा.
• ‎आपण नेहमी रस्त्याच्या बाजूने वाहतुकीकडे तोंड करून चालले पाहिजे.
• ‎रस्ता ओलांडताना नेहमी पादचार्‍यासाठी असलेल्या पट्ट्यांचा उपयोग करावा.
• ‎मुलांना रस्त्याजवळ खेळू देऊ नका.

माणुसकी हरवत चालली आहे..!
रस्त्यावर अपघात झाल्यास अपघातग्रस्त व्यक्तींना मदत करण्यापेक्षा त्यांचे फोनवर फोटो काढण्याकडेचं लोकांचे लक्ष असते. अनेक नागरिक हे जखमींचे फोटो मोबाईलवर काढून Whatsapp, Youtube, ट्विटरवर अपलोड करून स्वतःला ‘स्मार्ट’ समजत असतात!!
प्रत्येकाच्या बाबतीत असा अपघात होऊ शकतो. आपले पाहिले प्राधान्य हे अपघातग्रस्त व्यक्तींना मदत करणे हे असले पाहिजे. ‎त्यामुळे जखमी व्यक्तीला ताबडतोब डॉक्टरांची मदत मिळवून द्या.

प्रथमोपचार संबंधित खालील उपयुक्त माहितीही वाचा..
प्रथमोपचार पेटीमध्ये कोणते साहित्य असावे..?
साप चावल्यास कोणते प्रथमोपचार करावेत..?
एखाद्यास हार्ट अटॅक आल्यावर कोणते प्रथमोपचार करावेत..?
जखम झाल्यास रक्तस्राव होत असल्यास कोणते प्रथमोपचार करावेत..?
भाजल्यानंतर कोणते प्रथमोपचार करावेत..?
एखादी व्यक्ती पाण्यात बुडल्यास काय करावे..?
एखाद्यास पक्षाघाताचा झटका (लकवा, पॅरालिसिस) आल्यास काय करावे..?
एखादी व्यक्ती फेफरे किंवा फिट येऊन पडल्यास काय करावे..?

– डॉ. सतीश उपळकर
CEO, हेल्थ मराठी नेटवर्क

© कॉपीराईट विशेष सूचना : वरील माहिती आपणास कॉपी पेस्ट करून अन्य ठिकाणी वापरता येणार नाही. अधिक माहितीसाठी येथे क्लिक करा व सूचना वाचा.

आपली प्रतिक्रिया द्या :
वरील माहिती आपणास कशी वाटली? किंवा आपल्या काही आरोग्य विषयक समस्या, प्रश्न असल्यास आम्हाला कळण्यासाठी येथे क्लिक करा. आमचे तज्ञ डॉक्टर आपल्या विविध प्रश्नांचे निश्चितच समाधान करतील.