डोळे लाल होण्याचा त्रास आणि उपाय (Red eye Problem)

How to treat red eyes in Marathi, Redness in eyes marathi causes, symptoms & treatments information.

डोळे लाल होणे :
आपल्यातील अनेकांना डोळे लाल होण्याचा त्रास होत असतो. वाढलेले प्रदूषण व धुळीमुळे डोळे लाल होण्याच्या त्रासाने आज अनेकजण त्रस्त झालेले आहेत.
डोळ्यातील हा लालसरपणा संपूर्ण डोळ्यावर किंवा डोळ्याच्या अगदी कडेला असू शकतो.
डोळे लाल होणे, डोळ्यातून सारखे पाणी येणे, डोळ्यात आग होणे, खाज सुटणे, डोळ्यांच्या चारही बाजूंनी सूज येणे, डोळे दुखणे आणि प्रकाश सहन न होणे यासारखी लक्षणे या त्रासामध्ये दिसून येतात.

डोळे लाल होण्याची कारणे :
का डोळे लाल होतात..?
हा त्रास प्रामुख्याने कडक उन्हाळा, प्रदूषण, धूळ-धूर यांच्या संपर्कात आल्यामुळे, तसेच डोळ्यातील जंतुसंसर्ग आणि अँलर्जी यांमुळे होत असतो.
एखादी बाहेरील वस्तू (फॉरन बॉडी) डोळ्यात गेल्यामुळेही बऱ्याचदा डोळे लालसर होतात.
स्मार्टफोन, लॅपटॉप, टीव्ही यांचा अतिवापर करणे, स्मार्टफोनवर सातत्याने डोळे फाडून व्हिडीओ, गेम्स बघत राहणे. ही आजच्या डिजिटल काळातील डोळे लाल होण्याची, डोळ्याचे आरोग्य बिघडवणारी प्रमुख कारणे आहेत.  

दुर्लक्ष नको :
डोळे लाल होण्याचा त्रास हा वरवर जरी साधा वाटत असला तरीही त्याकडे दुर्लक्ष करू नका. शरीरात छुप्या स्वरूपात (Silent Killer) असलेल्या हाय ब्लडप्रेशरमुळेही डोळे लाल होण्याचा त्रास होत असतो. अशा स्थितीत डोळ्यात रक्तवाहिन्या फुटून रक्तस्राव होण्याची शक्यता असते.
तसेच काचबिंदूसारख्या (Gaulcoma) विकारात अचानकपणे डोळ्याच्या बुब्बुळाभोवतीचा भाग लाल होतो. डोळ्याच्या ठिकाणी तीव्र वेदना होतात, नजर अस्पष्ट होते. प्रसंगी अंधत्वही येऊ शकते. डोळे लाल होण्याच्या छोट्याशा लक्षणाकडे दुर्लक्ष केल्यास असे गंभीर दुष्परिणाम भोगावे लागू शकतात. त्यामुळे जर डोळे लाल होत असतील तर ते नेमके कशामुळे होत आहेत? हे पाहण्यासाठी नेत्ररोगतज्ज्ञांना दाखवून घ्या.

डोळे लाल होण्याच्या त्रासावर हे करा घरगुती उपाय :
• डोळे किमान दिवसातून तीन ते चार वेळा स्वच्छ पाण्याने धुवा.
• ‎प्रदूषण व फॉरन बॉडीजपासून डोळ्यांचा बचाव करण्यासाठी दर्जेदार गॉगलचा वापर करा.
• ‎नेहमी डोळ्यांची अधुनमधून उघडझाप करा. डोळ्यांचा व्यायाम करा. (डोळ्यांचा व्यायाम कसा करावा हे आपल्या नेत्ररोगतज्ज्ञ डॉक्टरांकडून जाणून घ्या)
• ‎स्मार्टफोनचा मर्यादित वापर करा.
• ‎जास्त वेळ लॅपटॉप किंवा संगणकासमोर काम केल्यावर थोडावेळ डोळे मिटून शांत बसा. कॉम्प्युटर आणि तुमच्या डोळ्यांमधील अंतर योग्य प्रमाणात म्हणजेच 3 फुटांचे आहे की नाही याची खात्री करुन घ्या.
हे सर्व उपाय करूनदेखील जर डोळ्यांतील लालसरपणा कमी न झाल्यास आपल्या नेत्ररोगतज्ज्ञ डॉक्टरांचा सल्ला घ्या.

डॉक्‍टरांच्या सल्ल्यानेच औषधे घ्या :
अनेकजण अचानकपणे डोळे लाल दिसायला लागले की मेडिकलमधून परस्पर डॉक्टरांच्या सल्ल्याशिवाय आयड्रॉप्स आणि औषधे घेतात. मात्र असे करणे डोळ्यांच्या आरोग्यासाठी अपायकारक ठरू शकते. परिणामी अंधत्व येण्याचाही धोका असतो. त्यामुळे आपल्या नेत्ररोगतज्ञ डॉक्‍टरांच्या सल्ल्यानेच नेहमी औषधे घ्या.

डोळ्यांच्या खालील आजारांचीही मराठीत माहिती जाणून घ्या..
कायमची दृष्टी हिरावून घेणारा ‘काचबिंदू’ आजार म्हणजे काय..?
मोतीबिंदूची कारणे, लक्षणे आणि उपचार

– डॉ. सतीश उपळकर
CEO, हेल्थ मराठी नेटवर्क

© कॉपीराईट विशेष सूचना : वरील माहिती आपणास कॉपी पेस्ट करून अन्य ठिकाणी वापरता येणार नाही. अधिक माहितीसाठी येथे क्लिक करा व सूचना वाचा.

Red eye problem solution in marathi, Eyes problems in Marathi, Dolyanche vikar, Dole lal hone, dole dukhane.


आपली प्रतिक्रिया द्या :
वरील माहिती आपणास कशी वाटली? किंवा आपल्या काही आरोग्य विषयक समस्या, प्रश्न असल्यास आम्हाला कळण्यासाठी येथे क्लिक करा. आमचे तज्ञ डॉक्टर आपल्या विविध प्रश्नांचे निश्चितच समाधान करतील.