गरोदरपणात विशेष काळजी केव्हा घ्यावी लागते (High Risk Pregnancy)

High Risk Pregnancy in Marathi, Pregnancy care details in Marathi.

जोखमीचे गरोदरपण :
गरोदरपणात विशेष काळजी केव्हा घ्यावी लागते..?
• गर्भावस्थेची पहिलीच वेळ असल्यास जास्त काळजी घ्यावी लागते.
• ‎मातेचे वय 35 वर्षांहून अधिक असल्यास जास्त काळजी घ्यावी लागते. गरोदर मातेचे वय जर 30-35 च्या पुढे असेल तर गरोदरपण आणि बाळंतपण गुंतागुंतीचे होते. नैसर्गिक प्रसुती न होणे, तातडीच्या शस्त्रक्रियेची जरुरी लागणे असे अनेक प्रश्न निर्माण होतात. यासाठी मूल होण्याचे स्त्रीचे वय 20 ते 30 च्या दरम्यान असावे.
• ‎मातेचे वय 18 वर्षांपेक्षा कमी असल्यासही काळजी घ्यावी लागते. शारीरिक वाढ व मानसिक वाढ पूर्ण झालेली नसल्यामुळे दूधही पुरेसे येत नाही. बाळाला वाढवायलाही अडचणी निर्माण होतात. म्हणून मुलीचे वय जोपर्यंत 18 वर्ष होत नाही, तोपर्यंत मुलीचा विवाह करू नये व तिच्यावर गरोदरपणही लादू नये.
• ‎आधीचे मुल 3 वर्षांपेक्षा लहान असेल तर काळजी घ्यावी लागते.
• ‎तीन मुलांनंतरचे गरोदरपण धोकादायक ठरू शकते. वरचेवर होणाऱ्या बाळंतपणामुळे मातेची तब्येत प्रत्येकवेळी अधिकाधिक ढासळत जाते व बाळंतपणात गुंतागुंत निर्माण होते.
• ‎उंची 4 फुट 10 इंचापेक्षा कमी असेल, वजन 70 किलो पेक्षा जास्त असेल तर,
• ‎जुळे होण्याची शक्यता असेल किंवा मूल आडवे किंवा पायाळू असेल तर,
• ‎पूर्वीचे सिझेरियन झालेले असेल तर,
• ‎आईला काही गंभीर आजार असल्यास,
• ‎मागिल प्रसुतीच्या इतिहासावरुन जसे समस्यापूर्ण प्रसुती झाल्यास, गर्भपात झाल्यास, अकाली प्रसव, अतिपक्व प्रसव किंवा प्रसुतीवेळी बालकाचा मृत्यु होणे असा गर्भिणीचा मागिल इतिहास असल्यास त्यांची विशेष काळजी घेणे आवश्यक ठरते.

अशावेळी गरोदरपण हे जोखमीचे समजले जाते, त्यामुळे अशावेळी विशेष काळजी घ्यावी लागते. तसेच रक्तदाब वाढलेला असणे, अंगावरून अधिक रक्तस्त्राव होणे, पोटात दुखणे, डोके खूप दुखणे, पायावर सूज असणे इ. लक्षणे असतील तरीही अधिक काळजी घ्यावी लागते व लगेच डॉक्टरांकडे जाणे गरजेचे असते.

प्रेग्नन्सीतील तपासण्यासंबंधित खालील उपयुक्त माहितीही वाचा..
घरच्याघरी प्रेग्नन्सी टेस्ट कधी व कशी करावी..?
‎गरोदरपणात कोणत्या तपासण्या कराव्या लागतात
‎कसा असावा गरोदरपणातील आहार
‎गरोदरपणात घ्यावयाची काळजी व महत्वाच्या सूचना
‎प्रत्येक महिन्याला गर्भाची वाढ कशी होते ते जाणून घ्या..
‎कोणती लक्षणे दिसतात तात्काळ जावे डॉक्टरांकडे..?
‎गरोदरपणातील त्रास आणि उपाय
‎डिलिव्हरी किंवा बाळंतपण संबंधीत सर्व काही माहिती जाणून घ्या..

प्रत्येक गरोदर स्त्रीस उपयुक्त असे 'प्रेग्नन्सी मराठी' हे पुस्तक आजच डाउनलोड करण्यासाठी येथे क्लिक करा.

– डॉ. सतीश उपळकर
CEO, हेल्थ मराठी नेटवर्क

© कॉपीराईट विशेष सूचना : वरील माहिती आपणास कॉपी पेस्ट करून अन्य ठिकाणी वापरता येणार नाही. अधिक माहितीसाठी येथे क्लिक करा व सूचना वाचा.