न्युमोनिया आजाराची माहिती मराठीत (Pneumonia in marathi)

132
views

Pneumonia in Marathi, Pneumonia treatments in Marathi, Pneumonia Symptoms, Causes, Diagnosis & Treatments in Marathi

न्युमोनिया म्हणजे काय..?
Pneumonia information in Marathi
न्युमोनिया हा फुफ्फुसांचा (Lungs) एक संसर्गजन्य रोग आहे. ह्यामध्ये फुफ्फुसांच्या आतील अल्विओली म्हणजे श्वसनसंस्थेच्या अगदी बारीक नलिका ज्या फुफ्फुसांमध्ये हवेच्या हस्तांतरणाचे काम करतात त्या न्युमोनियाकोकस जीवाणूच्या संसर्गास बळी पडतात आणि परिणामी फुफ्फुसांमध्ये कफसारखा द्रव साठू लागतो. ह्या द्रवामुळे फुफ्फुसांची कार्यक्षमता कमी होते. न्युमोनियामध्ये एक किंवा दोन्ही फुफ्फुसांना संसर्ग होऊ शकतो. न्युमोनिया आजाराविषयी मराठीत माहिती, न्युमोनिया होण्याची कारणे, न्युमोनियाची लक्षणे, न्युमोनिया उपचार जसे औषधे, आयुर्वेदिक, होमिओपॅथी उपचार, न्युमोनिया घरगुती उपाय, योग्य आहार, पथ्य अपथ्य, लहान मुलांना होणारा न्युमोनिया आजार या सर्वांची मराठीमध्ये माहिती खाली दिली आहे.

न्यूमोनिया होण्याची कारणे :
Pneumonia causes in Marathi, न्यूमोनिया कशामुळे होतो..?
न्यूमोनिया हा आजार न्युमोनियाकोकस जीवाणूमुळे तसेच काही विषाणू आणि बुरशी यामुळे होतो. जेंव्हा हे रोगकारक सूक्ष्मजीव श्वसनावाटे फुफ्फुसात जाऊन अल्विओली नावाच्या बारीक नलिकामध्ये जातात. तेथे ते सूक्ष्मजीव आपली संख्या वाढवितात आणि त्या ठिकाणी इन्फेक्शन होऊन फुफ्फुसांमध्ये द्रवपदार्थ साठू लागतो. ह्या द्रवामुळे फुफ्फुसांची कार्यक्षमता कमी होते.

ही माहिती कॉपी पेस्ट करू नका :
ही माहिती आपणास कॉपी पेस्ट करून वापरता किंवा शेअर करता येणार नाही. तसा प्रकार आढळल्यास कायदेशीर कारवाई करण्यात येईल. – हेल्थमराठी डॉट कॉम © कॉपीराईट सूचना.

न्यूमोनिया होण्याचा धोका कोणाला..?
Pneumonia risk factors in Marathi
फुप्फुसाचा आधीच काही आजार असेल तर हा न्यूमोनिया होण्याची शक्यता असते. याशिवाय प्रामुख्याने लहान मुले, वृद्ध व्यक्ती, गर्भवती महिला, गंभीर आजाराचे रुग्ण, हॉस्पिटलमधील व्हेंटिलेटरवर ठेवलेले रुग्ण आणि रोगप्रतिकारकशक्ती कमकुवत असलेल्या लोकांना न्यूमोनिया होण्याचा धोका जास्त असतो.

न्यूमोनिया कसा पसरतो..?
न्यूमोनिया रुग्णाच्या खोकला व शिंकेच्‍या माध्‍यमातून तो एका व्‍यक्‍तीकडून दुसऱ्या व्‍यक्‍तीपर्यंत पसरत असतो.

न्यूमोनियाची लक्षणे :
Symptoms of Pneumonia in Marathi information
जीवाणूमुळे झालेल्या न्यूमोनियाची लक्षणे ही व्हायरसमुळे होणाऱ्या न्यूमोनियापेक्षा लवकर दिसून येतात.
• खोकला, बेडके पडणे.
• ‎सर्दी आणि फ्लूची लक्षणे दिसून येतात.
• ‎ताप येणे, थंडी वाजून येणे.
• ‎श्वास घेण्यास त्रास होणे, रुग्ण श्वास जलदपणे घेत असतो.
• ‎छातीत दुखणे, अंगदुखी, स्नायू दुखणे, अशक्तपणा जाणविणे ही लक्षणे दिसू लागतात.
काही रुग्णाच्या खोकल्यातून रक्तही येत असते.

निदान आणि तपासणी :
Pneumonia Diagnosis and test in Marathi
पेशंटमधील असलेली लक्षणे आणि रुग्ण तपासणी करून, स्टेथोस्कोपद्वारे श्वासाचा आवाज तपासून याचे निदान केले जाते. पल्स ऑक्सिमीटर या यंत्राने रुग्णाच्या रक्तातील ऑक्सिजनचे प्रमाण तपासले जाते. त्यानुसार त्याला ऑक्सिजन किंवा व्हेंटिलेटरची गरज आहे का, हे डॉक्टर निश्चित करतात.
याशिवाय छातीचा एक्स-रे, सीटी स्कॅन तपासणी, रक्त परीक्षण, बेडक्याची तपासणी, ब्रोंकोस्कोपी आणि  ब्राँकोएलव्हीओलरलवॉज या तापसणीद्वारेही न्यूमोनियाचे निदान केले जाते.

रक्ताच्या वेगवेगळ्या तपासण्यांतून फुप्फुसाचा संसर्ग रक्तात किती प्रमाणात पसरले आहे आणि त्याचा दुसऱ्या अवयवांवर किती परिणाम झाला आहे काय हे निश्चित केले जाते. थुंकी आणि बेडक्याची तापासणीमुळे कोणत्या जिवाणूंमुळे न्यूमोनिया झाला आहे ते कळते त्यानुसार योग्य ते अँटिबायोटिक औषध दिले जाते.
छातीच्या एक्स- रे किंवा सीटी स्कॅनद्वारे न्यूमोनिया किती प्रमाणात पसरलेला आहे, फुप्फुसात पाणी झाले आहे काय, याचे निदान करता येते.

महाहेल्थ अॅप..
ही सर्व माहिती 'महाहेल्थ' ह्या स्मार्टफोन अॅपमध्ये दिली आहे. या मोफत अॅपमध्ये सर्व आरोग्यविषयक माहिती ऑफलाईनसुध्दा वाचता येईल. हे अॅप डाउनलोड करण्यासाठी खालील बटन क्लिक करा.

न्यूमोनिया उपचार माहिती मराठीत :
Pneumonia treatment in Marathi Pneumonia home remedies in Marathi
जिवाणूंमुळे होणारा न्यूमोनिया दोन ते चार आठवडय़ांत बरा होतो. पण, विषाणूंमुळे होणारा न्यूमोनिया बरा होण्यास अधिक कालावधी लागतो. उपचारामध्ये डॉक्टर अँटिबायोटिक औषधे, ऑक्सिजन थेरपी यांचा वापर करतात.

लसीकरण आणि न्यूमोनिया –

Immunization and Pneumonia details in Marathi
लसीकरणाद्वारे न्यूमोनिया होण्यापासून रक्षण करता येते. न्यूमोनिया टाळण्यासाठी लस उपलब्ध आहे. लहान मुले, गरोदर स्त्रिया, वृद्ध व्यक्ती, गंभीर आजारी रुग्ण किंवा प्रतिकारशक्ती कमी असलेल्या व्यक्तींना त्याचा फायदा होऊ शकतो.

न्यूमोनियासंबंधित खालील आजारांचीही माहिती जाणून घ्या..
दमा (अस्थमा) कारणे, लक्षणे व उपाय
डांग्या खोकला
क्षयरोग (TB) मराठीत माहिती

– डॉ. सतीश उपळकर
CEO, हेल्थ मराठी नेटवर्क

© कॉपीराईट विशेष सूचना : वरील माहिती आपणास कॉपी पेस्ट करून अन्य ठिकाणी वापरता येणार नाही. अधिक माहितीसाठी येथे क्लिक करा व सूचना वाचा.

Pneumonia in marathi mahiti, Pneumonia karne, lakshne, test, gharguti upay, home remedies, upchar marathi disease meaning


आपली प्रतिक्रिया द्या :
वरील माहिती आपणास कशी वाटली? किंवा आपल्या काही आरोग्य विषयक समस्या, प्रश्न असल्यास आम्हाला कळण्यासाठी येथे क्लिक करा. आमचे तज्ञ डॉक्टर आपल्या विविध प्रश्नांचे निश्चितच समाधान करतील.