ओकारी येणे यावरील घरगुती उपाय जाणून घ्या..

ओकारी येणे :

ओकारी येत असल्यास उलटी झाल्यासारखे वाटत असते. ओकारीमुळे काहीही खाण्याची इच्छा होत नाही. तसेच त्यामुळे मळमळ व अस्वस्थता वाटू लागते. पचनक्रियेसंबंधित हा त्रास असून प्रामुख्याने पित्त वाढणे, डोकेदुखी, अर्धशिशी, गर्भावस्था, प्रवास यामुळे ओकारी येऊ शकते.

ओकारी येत असल्यास हे करा घरगुती उपाय :

आले –
आल्याचा तुकडा सैंधव मीठ लावून खाल्यास ओकारी येणे थांबते. आले थोड्या पाण्यात घालून उकळून घ्यावे आणि त्या पाण्यात मध घालून पिण्यामुळेही ओकारी कमी होण्यासाठी मदत होते.

लिंबू रस –
लिंबूरसाच्या वासाने ओकारी कमी होते. ओकारी जाणवत असल्यास लिंबू रसात मध घालून मिश्रण तयार करावे व त्याचे चाटण करावे.

जिरे –
ओकारी येत असल्यास थोडे जिरे चावून खावेत. ओकारी थांबण्यास मदत होते.

बडीशेप –
ओकारीवर थोडी बडीशेप चावून खावी. बडीशेपमध्ये अनेक बायोऍक्टिव्ह घटक असतात त्यामुळे ओकारी कमी होते.