बाळाला होणारे आईच्या दुधाचे फायदे (Benefits of Breastfeeding)

The Benefits of Breastfeeding for Both Mother and Baby in Marathi.

आईच्या दुधाचे महत्त्व मराठीत माहिती :
आपल्या बाळास स्तनपान करण्यामुळे नवजात बाळ आणि आई या दोहोंस आरोग्याच्या दृष्टीने विशेष लाभ होत असतात. स्तनपानाचे महत्व हे पोषणाचा एक स्रोत म्हणण्यापेक्षाही कितीतरी अधिक आहे. लहान बाळाचा प्रमुख आहार हा आईचे दूध हेच असून बाळाला पहिल्या सहा महिन्यांपर्यंत केवळ स्तनपान करवणे आवश्यक असते.

आईच्या दुधामुळे बाळास होणारे फायदे :
• आईच्या दुधामुळे बालकाचे पोषण होते. आईचे दुध पचायला सोपं असतं आणि बध्दकोष्ठता होत नाही. त्यामुळं बाळाच्या आतड्यांची प्रतिकारशक्ती वाढते, बाळाच्या पचनाशी निगडीत समस्यांपासून संरक्षण मिळतं.
• मातेच्या दुधामध्ये अनेक पोषक घटकद्रव्ये असतात. त्यामुळे बालकाचे शारीरीक, बौद्धिक, मानसिक विकास होण्यास स्तनपानामुळे मदत होते.
• रोगप्रतिकारक घटकांनी युक्त असे आईचे दुध असल्याने बालकाचे अनेक रोगांपासून रक्षण होते. शिवाय त्याची रोग प्रतिकारक क्षमता वाढते. त्याचे साथीचे रोग, दमा आणि कानाच्या संक्रमण, एलर्जीसारख्या अनेक रोगांपासून रक्षण होते.
• स्तनपान करवलेल्या बाळांना नंतरच्या वयात लठ्ठपणा येत नाही असं संशोधनात आढळून आलं आहे. कारण बाळांना भूक लागते तेव्हाच ते अन्न घेतात त्यामुळं पहिल्यापासूनच अतिरीक्त वजन वाढण्याची शक्यता नसते.
• बालवयात होणारा रक्तपेशीचा कर्करोग, टाईप-एक मधुमेह आणि नंतरच्या आयुष्यात उच्च रक्तदाब टाळण्याशी देखील स्तनपानाचा संबंध आहे.
• बौद्धिक विकास होतो. मेंदू तल्लख बनतो, स्मरणशक्ती वाढते यासाठी नवजात बालकांस पहिल्या 6 महिन्यापर्यंत मातेचे दुधच द्यावे.

अंगावर पाजणाऱ्या आईला होणारे फायदे :
• बाळास स्तनपान करवणाऱ्या नवमातांचं वजन नंतर लवकर कमी होतं. त्याचप्रमाणं प्रसुतीनंतरचा तणाव आणि रक्तस्त्राव कमी करायला त्यामुळं मदत होते.
• प्रसुतीनंतर नियमितपणे बाळास स्तनपान करवल्यास स्तन आणि गर्भाशयाच्या कर्करोगाची शक्यता कमी करता येते.
• आई आणि बाळ यांच्यात एकप्रकारचे भावनिक नातं निर्माण होतं.

आपल्या बाळाच्या उत्तम आरोग्यासाठी खालील उपयुक्त माहितीही वाचा..
स्तनपानसंबंधित नावमातांना पडणारे प्रश्न व त्यांची तज्ञांनी दिलेली उत्तरे...
आईला पुरेसे दूध येत नसल्यास कोणते उपाय करावेत?
नवजात बाळाची काळजी कशी घ्यावी?
बाळाचा वरचा आहार कसा असावा?
बाळाची वाढ कशी होते ते जाणून घ्या.

– डॉ. सतीश उपळकर
CEO, हेल्थ मराठी नेटवर्क

© कॉपीराईट विशेष सूचना : वरील माहिती आपणास कॉपी पेस्ट करून अन्य ठिकाणी वापरता येणार नाही. अधिक माहितीसाठी येथे क्लिक करा व सूचना वाचा.

Mothers milk importance for baby in Marathi, Breastfeeding tips Marathi.


आपली प्रतिक्रिया द्या :
वरील माहिती आपणास कशी वाटली? किंवा आपल्या काही आरोग्य विषयक समस्या, प्रश्न असल्यास आम्हाला कळण्यासाठी येथे क्लिक करा. आमचे तज्ञ डॉक्टर आपल्या विविध प्रश्नांचे निश्चितच समाधान करतील.