Dr Satish Upalkar’s article about White hair home remedies in Marathi.
केस पांढरे होणे –
वयानुसार केस पांढरे होणे हे सामान्य आहे. पण आजकाल बरेच तरुण-तरणीही पांढरे केसांच्या समस्येने त्रस्त आहेत. अयोग्य आहार, ताणतणाव, प्रदूषण, रासायनिक हेअर प्रोडक्टचा अतिवापर, मेलेनिनची कमतरता अशा अनेक कारणांनी कमी वयात केस पांढरे होत असतात. या लेखात पांढरे केस काळे होण्यासाठी कोणते घरगुती उपाय करावेत याविषयी माहिती डॉ सतीश उपळकर यांनी सांगितली आहे. यामुळे आपले केस काळे होण्यास मदत होईल.
पांढरे केस काळे करण्यासाठी घरगुती उपाय –
कडीपत्ता –
कडीपत्ता खोबऱ्याच्या तेलात घालून ते उकळावे. तयार केलेले तेल रोज रात्री आपल्या केसांना लावून मसाज करावा. या घरगुती उपायामुळे पांढरे झालेले केस काळे होण्यास मदत होते.
भृंगराज –
भृंगराज किंवा माक्यापासून बनवलेले तेल केसांना लावून मसाज करावा. या घरगुती उपायामुळेही केस पांढरे होण्याची समस्या दूर होण्यास मदत होते.
चहापावडर –
चहा, कॉफी किंवा ब्लॅक टीच्या चोथा पांढरे झालेल्या केसांवर चोळावा आणि थोड्या वेळाने केस धुवावेत. पांढरे केस काळे होण्यासाठी या घरगुती उपायाने मदत होते.
कांदा –
कांद्याची बारीक पेस्ट करुन त्यात लिंबाचा रस घालावा. ही तयार केलेली पेस्ट केसांना लावावी. त्यानंतर अर्ध्या तासाने केस धुवावेत. या घरगुती नैसर्गिक उपयाचाही पांढरे केस काळे होण्यास चांगला उपयोग होतो.
आवळा –
आवळा पावडर किंवा आवळ्याचे छोटे छोटे तुकडे करुन तेलात उकळवावेत. या तेलाने केसांना दररोज रात्री मालिश करावी.
कोरफड –
कोरफडीचा गर काढून त्यामध्ये लिंबाचा रस मिसळून ते मिश्रण केसांना लावावे. काही वेळानंतर केस धुवून टाकावेत. हा घरगुती उपाय केल्यानेही आपले केस काळे होण्यास मदत होईल.
लेखक हे वैद्यकिय तज्ञ आणि आरोग्य क्षेत्रात कार्यरत आहेत. माहिती आवडल्यास आमचे YouTube चॅनल Subscribe करा.
हे सुध्दा वाचा – केसांसाठी ब्युटी टीप्स जाणून घेण्यासाठी येथे क्लिक करा.
In this article information about Home remedies for White hair tips in Marathi language. This health article is written by Dr Satish Upalkar (Certified physician and Healthcare expert).