हिरड्या सुजणे यावर घरगुती उपाय : Dr Satish Upalkar

Dr Satish Upalkar’s article about hirdya sujane upay in Marathi.

हिरड्या सुजणे –

बऱ्याचदा आपल्या हिरड्या सुजत असतात. हिरड्या सुजल्यामुळे त्या दुखत देखील असतात. विशेषतः ब्रश करताना किंवा अन्नपदार्थ चावताना हिरड्याजवळ अतिशय वेदना होत असते. या लेखात डॉ सतीश उपळकर यांनी हिरड्या सुजण्याची कारणे व त्यावरील उपाय याची माहिती सांगितली आहे.

हिरड्या सुजणे याची कारणे :

• हिरड्यामध्ये इन्फेक्शन झाल्यामुळे हिरड्या सुजतात.
• दातांवर प्लाक जमल्याने हिरड्या सुजतात.
• दात हलत असल्यास त्यामुळे हिरड्या सुजू शकतात.
• जखम झाल्यामुळे हिरड्या सूज सुजतात.
• गरोदरपणातील हार्मोनमधील बदलांमुळे हिरड्या सुजतात.

हिरड्या सुजणे यावर घरगुती उपाय –

हिरड्या सुजल्यास कोमट पाण्यात मीठ मिसळून त्या पाण्याने गुळण्या कराव्यात. यामुळे हिरड्याला आलेली सूज कमी होते.

हिरड्या वर सूज असल्यास दातात लवंग धरून ठेवावी. यामुळे हिरड्यातील सूज व वेदना कमी होतात.

आल्याच्या पेस्टमध्ये मीठ मिसळून ती पेस्ट सूज आलेल्या हिरड्यावर लावावी. दहा मिनिटांनी चूळ भरून तोंड धुवावे. यामुळे हिरड्याची सूज कमी होते.

हिरड्या सुजल्यास तेथे थोडासा बेकिंग सोडा लावावा. या घरगुती उपायाने हिरड्याची सूज कमी होते.

हिरड्या सुजल्यास तेथे कोरपडीचा गर लावावा. यामुळे हिरड्यातील सूज व वेदना कमी होतात.

मोहरीच्या तेलात थोडी हळद मिसळून त्याचा लेप सुजलेल्या हिरड्यावर लावावा. यामुळेही हिरड्याची सूज कमी होते.

हिरड्या सुजु नयेत यासाठी घ्यायची काळजी –

• तोंडाची स्वच्छता ठेवावी. यासाठी नियमित दात घासावेत.
• सकाळी व रात्री असे दोनदा दात घासावेत.
• दात घासताना हिरडीस इजा होणार नाही याची काळजी घ्यावी.
• मऊ ब्रिसल्स असलेला टूथब्रश वापरावा.
• तंबाखू, पानमसाला, गुटखा, धूम्रपान अशा व्यसनांपासून दूर राहा.
• घरगुती उपायांनी हिरड्यामधील सूज व वेदना कमी न झाल्यास डेटींस्टकडे जावे.

हे सुध्दा वाचा – हिरड्या बळकट करण्याचे उपाय जाणून घ्या..

In this article information about Swollen Gums or hirdya sujane causes and Home remedies in Marathi language. This health article is written by Dr Satish Upalkar (Certified physician and Healthcare expert).