Dr Satish Upalkar’s article about Gongura Leaves in Marathi.

अंबाडा भाजी खाण्यामुळे होणारे फायदे व नुकसान

अंबाडा भाजी – Gongura Leaves :

आंबट चवीची अंबाडीची भाजी ही चविष्ट तर असतेच शिवाय अनेक पोषकतत्त्वांनीही परिपूर्ण असते. अंबाड्याच्या भाजीत आयर्न (लोह), व्हिटॅमिन-C, व्हिटॅमिन-A, व्हिटॅमिन-B6, folate, कॅल्शियम, झिंक आणि अँटीऑक्सिडंट यासारखे अनेक पोषकतत्वे भरपूर प्रमाणात असतात. या लेखात डॉ सतीश उपळकर यांनी अंबाडी भाजी खाण्यामुळे होणारे फायदे व तोटे याविषयी माहिती सांगितली आहे.

अंबाडीच्या भाजीची इतर नावे :

शास्त्रीय नाव – Hibiscus cannabinus
इंग्लिश नाव – Gongura Leaves
हिंदी नाव – गोंगुरा के पत्ते

अंबाडी भाजी खाण्याचे फायदे :

अंबाडा भाजी खाण्यामुळे रक्तदाब नियंत्रित राहण्यास मदत होते. तसेच यामुळे वजन आटोक्यात राहते, डोळ्यांचे आरोग्य सुधारते, हाडे मजबूत होण्यासाठी मदत होते, केसांचे आरोग्य चांगले राहते, हिमोग्लोबिन वाढते आणि लघवीच्या तक्रारी दूर होण्यास मदत होते. आरोग्यासाठी असे विविध फायदे अंबाडी भाजी खाल्ल्याने होतात.

आरोग्यासाठी अंबाडा भाजी फायदेशीर कशी ठरते..?

1) रक्तदाब नियंत्रित ठेवते..
अंबाडीची भाजी वाढलेला रक्तदाब कमी करून नियंत्रित ठेवण्यासाठी मदत करते. अंबाडा भाजीत अँटीऑक्सिडंट्स मोठया प्रमाणात असतात त्यामुळे वाईट कोलेस्टेरॉल कमी होते व रक्तदाब नियंत्रित होतो. हाय ब्लडप्रेशरची माहिती वाचा..

2) वजन कमी करते..
अंबाडी हा लो कॅलरीज डायट असून अनेक पोषकतत्वे, व्हिटॅमिन, फायबर्स यामध्ये असतात त्यामुळे वजन कमी करण्यासाठी आहारात या भाजीचा समावेश करू शकता.

3) डोळ्यांच्या आरोग्यासाठी..
अंबाड्याच्या भाजीत व्हिटॅमिन-A, आयर्न, झिंक मुबलक प्रमाणात असल्याने डोळ्यांच्या आरोग्यासाठी ही भाजी उपयुक्त असते.

4) केसांच्या आरोग्यासाठी..
अंबाड्याच्या भाजीत अनेक पोषकघटक, व्हिटॅमिन आणि प्रोटीन मुबलक असते त्यामुळे केसांच्या आरोग्यासाठी उपयुक्त असून केस गळणे, तुटणे या समस्या कमी होतात.

5) हाडांच्या मजबुतीसाठी..
अंबाड्याच्या भाजीत हाडांच्या मजबुतीसाठी आवश्यक असणारा कॅल्शिअम हा घटक भरपूर असतो. त्यामुळे ऑस्टिओपोरोसिस यासारख्या आजाराला दूर ठेवते. येथे क्लिक करा व जाणून घ्या ऑस्टिओपोरोसिस या आजाराची माहिती..

6) हिमोग्लोबिन वाढवते..
या भाजीत लोहाचे प्रमाण जास्त असल्याने हिमोग्लोबिन कमी असणाऱ्यानी ही भाजी आहारात घ्यावी. रक्तल्पता किंवा ऍनिमिया आजारात ह्या भाजीचे सेवन करावे.

7) लघवीच्या तक्रारी दूर करते..
अंबाडा हा diuretic गुणांचा असल्याने लघवीला जळजळ होणे, उन्हाळे लागणे यावर ही भाजी उपयुक्त ठरते.

अंबाडीची भाजी कोणी ही भाजी खाऊ नये..?

अंबाड्याच्या भाजीत Oxalic Acid चे प्रमाण जास्त असते त्यामुळे जास्त प्रमाणात हा घटक शरीरात गेल्यास किडनी स्टोन (मुतखडा) होण्याची शक्यता असते. त्यामुळे जर तुम्हाला मुतखड्याचा त्रास असल्यास अंबाडीची भाजी खाऊ नका.

अंबाडा भाजी खाण्याचे नुकसान :

अंबाडीची भाजी खाल्यामुळे पोटातील आम्लाचे प्रमाण वाढून छातीत जळजळ होणे, आंबट ढेकर येणे, ऍसिडिटी होणे, पित्ताचा त्रास होऊ शकतो. त्यामुळे पित्ताचा त्रास, त्वचारोग आणि अल्सर असणाऱ्यांनी ही भाजी खाणे टाळावे. गरोदरपणातही स्त्रियांनी ही भाजी खाणे टाळावे.

अंबाडीची भाजी करताना कोणती काळजी घ्यावी..?

अंबाडीची भाजी ही तांब्याची भांडी, बीडाची भांडी (ओतीव लोखंड – कास्ट आयर्न) किंवा अल्युमिनियमची भांडी यामध्ये करू नये कारण अंबाड्याच्या भाजीत Oxalic Acid चे प्रमाण जास्त असते त्यामुळे रासायनिक प्रक्रिया होऊन अपायकारक घटक तयार होत असतो. यासाठी ही भाजी नॉनस्टिक भांडी किंवा स्टेनलेस स्टीलच्या भांड्यात करावी.

Written by - डॉ. सतीश उपळकर
लेखक हे वैद्यकिय तज्ञ आणि आरोग्य क्षेत्रात कार्यरत आहेत. माहिती आवडल्यास येथे क्लिक करून आमचे YouTube चॅनल Subscribe करा.

हे सुद्धा वाचा..
मेथीची भाजी खाण्याचे फायदे जाणून घ्या..

In this article information about Gongura Leaves (Ambada bhaji) health benefits and side effects in Marathi language. This health article is written by Dr Satish Upalkar (Certified physician and Healthcare expert).

माहिती आवडल्यास आमचे YouTube चॅनल जरूर Subscribe करा.


सूचना : या साईटवरील माहिती कॉपी-पेस्ट करून ती वेबसाईट किंवा सोशल मीडियावर प्रसिद्ध करू नये ही विनंती.

Dr. Satish Upalkar is the Founder and CEO of HealthMarathi.com. He is a Healthcare counsultant Doctor. He has completed his Bachelors in Medical Degree from Maharashtra...

Leave a comment

Your email address will not be published.