घसा दुखण्याची कारणे व घरगुती उपाय : Dr Satish Upalkar

Dr Satish Upalkar’s article about Sore throat causes and solutions in Marathi.

घसा दुखणे –

घशात संसर्ग झाल्याने घसा दुखू लागतो. बऱ्याचदा सर्दी व खोकला होण्याआधी सुरवातीला घशात दुखू लागते. घसा ही लक्षणेही असतात. या लेखात डॉ सतीश उपळकर यांनी घसा दुखण्याचे कारण व त्यावरील उपाय याची माहिती सांगितली आहे.

घसा दुखण्याची कारणे –

• सर्दी, खोकला झाल्याने घशात दुखू लागते.
• टॉन्सिल्सला सूज आल्याने घसा दुखतो.
• स्वरयंत्राला सूज (Laryngitis) आल्यामुळे घसा दुखतो.
• घशात इन्फेक्शन झाल्याने घसा दुखू लागतो.
• गालफुगी आजारात घसा दुखू लागतो.
• ॲलर्जी, वायुप्रदूषण, सिगारेटच्या स्मोकिंगमुळे घशात दुखते.
• तसेच घशातील कँसर किंवा घशात जखम झाल्यानेही घशात दुखते.

अशी घसा दुखण्याची विविध कारणे असतात.

घसा दुखण्यावरील घरगुती उपाय –

मीठाच्या पाण्याच्या गुळण्या केल्याने घशातील सूज कमी होऊन घसा दुखणे थांबते. घसा दुखण्यावर हा उपाय खूप उपयोगी पडतो.

घसा दुखू लागल्यास आल्याचा तुकडा मधाबरोबर चावून खावा. यामुळे घशात दुखणे कमी होते. आले आणि मधात अँटीबॅक्टेरिअल गुण असतात. त्यामुळे घशातील संसर्ग कमी होण्यास मदत होते.

घशात सूज आल्याने घसा दुखू लागल्यास हळद घालून ग्लासभर गरम दूध प्यावे. यामुळे देखील घशातील सूज व वेदना कमी होऊन घशाला आराम मिळेतो.

मधाबरोबर दोन ते तीन लवंगा खाल्ल्यास घशात दुखणे कमी होते.

हे सुध्दा वाचा – घसा खवखवणे यावरील उपाय जाणून घ्या..

In this article information about Sore throat Causes and solutions in Marathi language. This health article is written by Dr Satish Upalkar (Certified physician and Healthcare expert).