गॅस्ट्रो आजार मराठीत माहिती (Gastro in Marathi)

Gastro in Marathi, Gastroenteritis Symptoms, Causes & Treatments in Marathi

गॅस्ट्रोची साथ (गॅस्ट्रोएन्ट्रायटिस) माहिती :
Gastro information in Marathi
गॅस्ट्रो अर्थात गॅस्ट्रोएन्ट्रायटिस हा पचनसंस्थेचा जीवाणूमुळे होणारा एक संसर्गजन्य रोग आहे. साधारणपणे ताप, उलटी, अतिसार आणि पोटात मुरडा मारून वेदना होणे ही लक्षणे या रोगाशी संबंधित आहेत. यालाच अन्न विषबाधा असेही म्हणतात. विशेषतः पावसाळ्यात गॅस्ट्रोची साथ येण्याचे प्रमाण अधिक असते. गॅस्ट्रोएन्ट्रायटिसचा त्रास अधिक वाढल्यास डीहायड्रेशनचा धोका संभवतो.

गॅस्ट्रोची कारणे :
Gastro causes in Marathi
पोटातील आतड्यांना सूज येऊन त्यामुळे जुलाब व उलट्या होणे म्हणजे गॅस्ट्रोचा विकार.
• सॅल्मोनेला, शिंगेला, स्टॅफीलोकोकस यासारखे बॅक्टेरिया आणि रोटा, अॅडेनो व्हायरस यांच्या इन्फेक्शनमुळे गॅस्ट्रोची लागण होत असते.
• ‎दूषित पाण्यामुळे या रोगाचा फैलाव फार मोठ्या प्रमाणत होतो.
• ‎दूषित आहार, उघड्यावरचे अन्न खाल्ल्याने, पाणी न गाळता, न उकळता, न झाकलेले पाणी पिल्याने तसेच स्वच्छतेच्या अभाव, अस्वच्छ परिसर ही गॅस्ट्रो होण्यामागील सर्वसाधारण कारणे आहेत.

ही माहिती कॉपी पेस्ट करू नका :
ही माहिती आपणास कॉपी पेस्ट करून वापरता किंवा शेअर करता येणार नाही. तसा प्रकार आढळल्यास कायदेशीर कारवाई करण्यात येईल. – हेल्थमराठी डॉट कॉम © कॉपीराईट सूचना.

गॅस्ट्रोची लक्षणे :
Gastro symptoms in Marathi
• पोट दुखणे, जुलाब व उलटया होणे, वारंवार पातळ संडास होणे.
• ‎जुलाब व उलटया झाल्यामुळे डीहायड्रेशन होते (शरीरातील पाणी कमी होणे).
• ‎भूक न लागणे, ताप, डोकेदुखी, ओटीपोटात दुखणे, पोटात मुरडा पडणे, चक्कर येणे तसेच अशक्तपणा वाटू शकतो.
• ‎शौचामधून रक्तजात असल्यास अमिबा, सॅल्मोनीला, शिंगेला तसेच इकोलाय या बॅक्टेरियाचा संसर्ग झाल्याची शक्यता असते.
• ‎गॅस्ट्रोमुळे लहान मुले अधिक प्रभावित होतात. लहान मुलांची टाळू खोल जाने, डोळे खोल जाणे, उलट्या आणि जुलाब होऊन डीहायड्रेशन होते. लहान मुलांचे तोंड कोरडे पडणे वजनात घट होणे.
यासारखी लक्षणे गॅस्ट्रोमध्ये दिसून येतात.

गॅस्ट्रो प्रतिबंधात्मक उपाय :
गॅस्ट्रोची लागण होऊ नये म्हणून करावयाच्या उपाययोजना –
Gastro prevention tips in Marathi
• पाणी उकळून व गाळून पिणे.
• ‎जेवण योग्य पद्धतीने शिजवून योग्य पद्धतीने साठवून ठेवले पाहिजे.
• ‎एखादा पदार्थ खराब झाल्याची शंका असल्यास ते खाऊ नये.
• ‎जेवण्याआधी तसेच बाथरुमला जाऊन आल्यानंतर दोन्ही हात साबणाने स्वच्छ धुवावेत.
• ‎घरातील व आजूबाजूच्या परिसरातील स्वच्छता राखावी.

गॅस्ट्रो उपचार व उपाय माहिती :
Gastro treatment in Marathi गॅस्ट्रो घरगुती उपाय माहिती
जुलाब तसेच उलट्यांमधून शरीरातील पाण्याची होणारी झीज भरून काढणे गरजेचे ठरते. दवाखान्यात जाऊन डॉक्टरांकडून उपचार करून घ्यावेत.
• डिहायड्रेशन कमी प्रमाणात असले तर पाणी तसेच इतर द्रवपदार्थ भरपूर प्यावेत. जलसंजीवनी (इलेक्ट्रोलाइट इ.) द्यावी.
• ‎जुलाब होत असल्याने अनेकजण खाणे टाळतात. पण पोट रिकामे ठेवणे अजिबात योग्य नाही.
• ‎नवजात मुलांना गॅस्ट्रो असल्यासही स्तनपान सुरू ठेवा. मुलांना डॉक्टरांकडे तात्काळ घेऊन जावे.
• ‎जीवाणूसंसर्गामुळे जुलाब आणि अतिसार होत असल्यास अॅण्टिबायोटिक्स दिल्या जातात.

हे सुद्धा वाचा..
टायफॉईड (Typhoid fever in Marathi)
कॉलरा आजार (Cholera in Marathi)
अतिसार, जुलाब होणे (Diarrhoea in Marathi)
कावीळ (Jaundice in Marathi)
मलेरिया, हिवताप (Malaria in Marathi)
डेंग्यू ताप (Dengue fever in Marathi)

– डॉ. सतीश उपळकर
CEO, हेल्थ मराठी नेटवर्क

© कॉपीराईट विशेष सूचना : वरील माहिती आपणास कॉपी पेस्ट करून अन्य ठिकाणी वापरता येणार नाही. अधिक माहितीसाठी येथे क्लिक करा व सूचना वाचा.

Gastro rog upay, gastro lakshane, karne, upchar, nidan marathi mahiti, gastro var upchar gharguti upay in marathi


आपली प्रतिक्रिया द्या :
वरील माहिती आपणास कशी वाटली? किंवा आपल्या काही आरोग्य विषयक समस्या, प्रश्न असल्यास आम्हाला कळण्यासाठी येथे क्लिक करा. आमचे तज्ञ डॉक्टर आपल्या विविध प्रश्नांचे निश्चितच समाधान करतील.