व्यायामाची मराठीत माहिती – वर्कआउट टिप्स (Exercise tips in Marathi)

Exercise tips in Marathi, workout tips in marathi.

व्यायाम सुरू कसा करावा..?
नियमित व्यायाम करण्याचे अनेक फायदे आहेत. आपले वजन आटोक्यात राहते, शरीर मजबूत आणि निरोगी बनते. असे असूनही व्यायाम करताना योग्य ती काळजी घेणे आवश्यक असते. त्यामुळे योग्य काळजी न घेता केलेल्या व्यायामाने होणारे नुकसान टाळता येईल. व्यायाम कसा करावा? किती प्रमाणात करावा? योग्य व्यायाम प्रकार कसा निवडावा? यासंबंधी अनेक प्रश्न निर्माण होतात. यासाठी येथे महत्वाच्या फिटनेस टिप्स सल्ला वर्कआऊट टिप्स मराठीत दिल्या आहेत.

व्यायाम करताना ही काळजी घ्या..
• कोणता व्यायाम आपण करू शकतो, व्यायाम किती वेळ करावा, किती जोमाने करावा, कसा करावा या सर्व गोष्टी आपल्या डॉक्टरांच्या मार्गदर्शनाने समजून घेऊनच व्यायाम सुरू करावा.
• ‎नियमित व्यायाम, योगासने करावित. दररोज किमान 30 ते 45 मिनिटे व्यायाम करावा.
• व्यायाम सुरु करताना सुरवातीस कमी प्रमाणात करुन दररोज थोडा-थोडा व्यायाम वाढवत जावे.
• ‎एकाच दिवशी जास्त प्रमाणात व्यायाम करु नये.
• ‎जेवणानंतर 10 मिनिटे व्यायाम करू नका. नाही तर हृदयावर आणि पचनसंस्थेवर जास्त ताण पडतो.
• ‎उन्हाळ्यात व्यायाम करताना काळजी घ्यावी. जास्त उन्हात हे व्यायाम केल्याने उष्माघातासारखे विकार होऊ शकतात. शरीरातील पाण्याचं प्रमाण कमी होऊ शकतं, गोळे येऊ शकतात, तुमची त्वचा गरम, लाल आणि शुष्क होऊ शकते. तेव्हा सकाळी 10 ते दुपारी 2 या वेळात उन्हात व्यायाम करणं टाळा.
• ‎व्यायामाआधी साधारण 20 मिनिटं ग्लासभर थंड पाणी प्या. व्यायाम चालू असतानादेखील दर 10 ते 20 मिनिटांनी थोडे थोडे पाणी पीत राहा.
• ‎व्यायाम करताना सुती, तलम आणि सैल कपडे घाला. सलग 45 मिनिटं व्यायाम केल्यास 10 मिनिटांची सक्तीची विश्रांती घ्या.
• ‎सीमेंट किंवा डांबरी रस्त्यावर चालणार असाल, धावणार असाल तर चांगले बूट वापरावे.

नव्याने व्यायाम सुरू करण्यापूर्वी डॉक्टरांचा सल्लाही घ्या..
• तुम्ही बरीच वर्षे व्यायाम केला नसेल आणि तुमची लाइफस्टाइल बैठी असल्यास,
• ‎तुमचं शारीरिक वजन जास्त असल्यास,
• ‎तुम्हाला हृदय विकार, मधुमेह, रक्तदाब, सांधेदुखीचा त्रास असल्यास,
• ‎तुम्हाला धाप लागत असल्यास,
• ‎धूम्रपान, मद्यपानाचे व्यसन असल्यास व्यायामास सुरुवात करण्यापूर्वी आपल्या डॉक्टरांकडून वैद्यकीय तपासणी करून त्यांच्या सल्ल्याने व्यायामाचे नियोजन करावे. यामुळे योग्य काळजी न घेता केलेल्या व्यायामाने होणारे नुकसान टाळता येईल.

पोहण्याचा व्यायाम मराठीत माहिती –
पोहण्याचा व्यायाम कसा करावा, स्विमिंगमुळे होणारे फायदे, पोहण्याचा व्यायाम कोणी करावा व कोणी करू नये आणि पोहण्याचा व्यायाम करताना कोणती काळजी घ्यावी यासाठीची सर्व मराठीत माहिती जाणून घेण्यासाठी येथे क्लिक करा..

हे सुद्धा वाचा..
व्यायामाचे विविध प्रकार व व्यायामामुळे होणारे फायदे
वजन कमी करण्यासाठी स्मार्ट टिप्स
लठ्ठपणा म्हणजे काय? त्याची कारणे व होणारे दुष्परिणाम

– डॉ. सतीश उपळकर
CEO, हेल्थ मराठी नेटवर्क

© कॉपीराईट विशेष सूचना : वरील माहिती आपणास कॉपी पेस्ट करून अन्य ठिकाणी वापरता येणार नाही. अधिक माहितीसाठी येथे क्लिक करा व सूचना वाचा.

Body fitness tips in Marathi, Mens gym exercise tips in Marathi, Exercise for weight loss.


आपली प्रतिक्रिया द्या :
वरील माहिती आपणास कशी वाटली? किंवा आपल्या काही आरोग्य विषयक समस्या, प्रश्न असल्यास आम्हाला कळण्यासाठी येथे क्लिक करा. आमचे तज्ञ डॉक्टर आपल्या विविध प्रश्नांचे निश्चितच समाधान करतील.