त्वचा कोरडी पडणे :

त्वचा कोरडी पडण्याच्या समस्येने अनेकजण त्रस्त असतात. हिवाळ्यात त्वचा कोरडी पडण्याची समस्या जास्त होते. येथे त्वचा कोरडी पडणे याची कारणे व त्यावरील घरगुती व आयुर्वेदिक उपाय यांची माहिती दिली आहे.

त्वचा कोरडी पडण्याची कारणे :

हिवाळ्यातील वाढत्या थंडीमुळे त्वचा कोरडी पडते. याशिवाय खालील कारणेही जबाबदार ठरतात.

  • पाणी कमी पिण्याची सवय,
  • जास्त गरम पाण्याने अंघोळ करणे,
  • केमिकल्स युक्त साबणाचा अतिवापर,
  • सोरायसिस सारखे त्वचाविकार यामुळे त्वचा कोरडी पडत असते.

त्वचा कोरडी पडणे यावर हे उपाय करा..

त्वचा कोरडी पडण्याची समस्या असल्यास त्वचेवर खोबरेल तेल किंवा बदाम तेल, जोजोबा ऑईल यापैकी कोणतेही तेल लावणे उपयुक्त असते. याशिवाय आपण मधाचाही वापर करू शकता. यामुळे त्वचेतील कोरडेपणा दूर होण्यास मदत होते.

त्वचा कोरडी पडणे यावरील घरगुती उपाय :

खोबरेल तेल –
कोरड्या त्वचेला सकाळी व रात्री झोपण्यापूर्वी खोबरेल तेल लावावे. यामुळे आपली त्वचा मऊ, मुलायम आणि तजलेदार बनते. चेहरा कोरडा पडत असल्यास त्यावरही हा उपाय फायदेशीर ठरतो.

जोजोबा तेल –
कोरड्या त्वचेवर थोडे कोमट केलेले जोजोबा तेल लावून हलका मसाज करावा. यामुळे त्वचेचा कोरडेपणा कमी होतो.

बदाम तेल –
कोरड्या त्वचेवर बदाम तेल लावून मसाज करणेही उपयुक्त ठरते. यासाठी रोज रात्री झोपण्यापूर्वी त्वचेला थोडे बदाम तेल लावावे. यामुळे त्वचा मऊ, मुलायम बनते.

मध –
कोरड्या त्वचेवर मध लावल्यानेही त्वचा कोरडी पडण्याची समस्या दूर होते. आठवड्यातून एक वेळा हा उपाय आपण करू शकता.

Written by - डॉ. सतीश उपळकर
लेखक हे वैद्यकिय तज्ञ आणि आरोग्य क्षेत्रात कार्यरत आहेत. माहिती आवडल्यास येथे क्लिक करून आमचे YouTube चॅनल Subscribe करा.

हे सुद्धा वाचा..
चेहरा सुंदर होण्यासाठीचे उपाय जाणून घेण्यासाठी येथे क्लिक करा.

माहिती आवडल्यास आमचे YouTube चॅनल जरूर Subscribe करा.


सूचना : या साईटवरील माहिती कॉपी-पेस्ट करून ती वेबसाईट किंवा सोशल मीडियावर प्रसिद्ध करू नये ही विनंती.

Dr. Satish Upalkar is the Founder and CEO of HealthMarathi.com. He is a Healthcare counsultant Doctor. He has completed his Bachelors in Medical Degree from Maharashtra...