ओठ काळे पडण्याची कारणे व त्यावरील घरगुती उपाय – Dark lips treatments in Marathi

Medical Author – डॉ. सतीश उपळकर
© हेल्थ मराठी डॉट कॉम

ओठ काळे पडणे – Dark lips :

आपल्या सुंदर ओठांमुळे चेहऱ्याचे सौंदर्य खुलत असते. मात्र काहीवेळा आपले ओठ काळे पडू लागतात. ओठ काळे होण्याची अनेक कारणे असतात. यातील काही कारणे ही वैद्यकीय तर काही जीवनशैली संबंधित असू शकतात.

ओठ काळे पडण्याची कारणे – Causes of dark lips :

ओठ काळे होणे हे प्रामुख्याने त्वचेमध्ये जास्त प्रमाणात मेलेनिनची निर्मिती होत असल्यास, हायपरपीगमेंटेशनमुळे होत असते. याशिवाय खालील कारणेही यासाठी जबाबदार ठरतात.
• उन्हात अधिक फिरणे,
• कमी पाणी पिणे,
• ऍनिमियामुळे,
• व्हिटॅमिन्स व पोषकघटकांची कमतरता,
• सिगारेट धूम्रपानाचे व्यसन,
• चहा, कॉफी वारंवार पिण्याची सवय,
याशिवाय टूथपेस्ट, लिपस्टिक इत्यादीतील घटकांचा ओठांच्या त्वचेवर ऍलर्जीक परिणाम होत असल्यास ओठ काळे पडत असतात.

ओठ काळे पडल्यावर हे करा घरगुती उपाय – Dark lips home remedies :

लिंबू –
लिंबात असणारे सायट्रिक ऍसिड हे मेलेनिनवर इनहिबिटरप्रमाणे कार्य करते. त्यामुळे ओठ काळे पडण्याच्या समस्येवर लिंबाचा वापर उपयोगी ठरतो. यासाठी रोज रात्री झोपण्यापूर्वी लिंबाची फोड आपल्या ओठांवर हळुवार चोळावी. हा घरगुती उपाय नियमित 30 दिवस करणे आवश्यक आहे.

लिंबू आणि साखर –
रोज रात्री झोपण्यापूर्वी लिंबाच्या फोडीवर थोडी साखर लावून त्या लिंबाने ओठांना मसाज करावा. दुसर्‍या दिवशी सकाळी, ओठ कोमट पाण्याने स्वच्छ धुवावेत. काळे ओठ गुलाबी होण्यासाठी हा नैसर्गिक उपाय उपयुक्त आहे.

लिंबाचा रस आणि मध –
दीड चमचा लिंबाच्या रसात 1 चमचा मध मिसळून मिश्रण तयार करावे. हे मिश्रण रोज रात्री झोपण्यापूर्वी आपल्या ओठांना लावावे व दुसऱ्या दिवशी सकाळी, ओठ कोमट पाण्याने स्वच्छ धुवावेत.

हळद –
हळदसुद्धा अँटी-मेलेनिन गुणधर्माची असते. थोड्याशा हळदीमध्ये चमचाभर दूध घालून पातळ पेस्ट तयार करावी. ही पेस्ट आपल्या बोटांनी ओठांवर लावून थोडावेळ मसाज करावा. त्यानंतर थंड पाण्याने ओठ स्वच्छ धुवावेत. काळे ओठ गुलाबी होण्यासाठी हा आयुर्वेदिक उपाय उपयोगी आहे.

(ह्या साईटवरील माहिती कॉपी पेस्ट करू नये. तसेच Youtube video बनवू नये. कॉपीराईट सूचना वाचा..)

कोरपडीचा गर –
ओठ काळे पडणे यावर कोरपडीचा गरसुद्धा उपयुक्त ठरतो. यासाठी ताजा कोरपडीचा गर घेऊन त्याने ओठांवर मसाज करावा.

मध आणि गुलाबजल –
सहा ड्रॉप्स मधामध्ये 2 ड्रॉप्स गुलाबजल घालून मिश्रण तयार करावे. हे मिश्रण दिवसातून तीन वेळा आपल्या ओठांना लावावे.

हे सुद्धा वाचा..
चेहरा सुंदर दिसण्यासाठी कोणते उपाय करावेत ते जाणून घेण्यासाठी येथे क्लिक करा.

वरील माहिती आपणास आवडल्यास आमचे Youtube चॅनेल subscribe जरूर करा. असेच उपयुक्त माहितीपूर्ण आरोग्यविषयक व्हिडिओ आपणास मोफत उपलब्ध होतील. यासाठी खालील YouTube बटनावर क्लिक करा..