बद्धकोष्ठता – पोट साफ न होणे (Constipation in marathi)

Constipation in marathi, Read all information of Constipation symptoms, treatments, causes, tests & preventions in marathi

बद्धकोष्ठता किंवा पोट साफ न होणे म्हणजे काय..?
Constipation information in marathi
बद्धकोष्ठता किंवा कॉन्स्टीपेशन, मलावष्टंभ या आजाराचे मूळ म्हणजे घेतलेला आहार व्यवस्थितरीत्या पचन न होणे किंवा चुकीच्या पध्दतीने आहार घेणे, बैठे काम, व्यायामाचा अभाव, अवेळी खाणे, अवेळी झोपणे इत्यादी अनेक कारणे नैसर्गिकपणे, नियमित होणाऱ्या मलविसर्जनात अडथळा आणतात. यामुळे शौचास वेळेवर होत नाही, किंवा पोट साफ होत नाही, कधी कधी घट्ट शौचास होते आणि जोर देऊन शौचास झाल्याने मूळव्याधीसारख्या व्याधी जडण्याची शक्‍यता असते. मूळव्याधविषयी सर्व माहिती, उपचार मराठीत जाणून घेण्यासाठी येथे क्लिक करा..

बद्धकोष्ठता या त्रासाची मराठीत माहिती, पोट साफ न होणे याची कारणे, लक्षणे कोणती जाणवतात, संडास साफ न होण्याच्या त्रासावर कोणते उपचार उपलब्ध आहेत जसे पोट साफ होण्यासाठी औषधे, गोळ्या, संडासला पातळ होण्यासाठी घरगुती उपाय (home remedies), आयुर्वेदिक, होमिओपॅथी उपचार, योगासने, पथ्य अपथ्य, योग्य आहार, व्यायाम या सर्वांची माहिती ह्या ठिकाणी मराठीमध्ये दिली आहे.


बद्धकोष्ठता लक्षणे :

Constipation symproms in marathi
• बद्धकोष्ठतेची लक्षणे म्हणजे अनियमित मलविसर्जन. कधी कधी दोन-तीन दिवस शौचास न होणे. नियमित पोट साफ न होणे.
• ‎शौचास होताना त्रास होणे, कधी कधी खडा तयार होऊन रोग्याला शौचास जोर द्यावा लागतो.
• ‎पोट गच्च होणे, सतत ढेकर येणे, पोटात गॅस होणे (Gas problems), तोंडाचा उग्र वास येणे, छातीवर दाब पडण्यासारखा वाटणे, डोके दुखणे, अस्वस्थता, भूक मंदावणे, रक्तदाब वाढणे,
• ‎मानसिक ताण-तणाव वाढून रुग्ण चिडचिडा होतो.

बद्धकोष्ठतेची कारणे – दररोज पोट साफ न होण्याची कारणे :
Constipation causes in marathi
पचनशक्तीच्या कार्यामध्ये झालेला बिघाड यापासून हा रोग होतो. बैठे काम किंवा सेडेंटरी लाईफ स्टाईल या लोकांमध्ये याचे प्रमाण जास्त आढळते.

अयोग्य आहारामुळे होते बद्धकोष्ठता –
मांसाहार, तळलेले पदार्थ, मैदायुक्त पदार्थ, मसालेदार पदार्थ जास्त प्रमाणात सेवन करणे, अवेळी खाण्याची सवय यामुळे अवरोध किंवा बद्धकोष्ठता बळावते. कमी पाणी पिणे, चुकीच्या खाण्याच्या पध्दती अवलंबणे जसे पटपट खाणे, भरपेट खाणे इ. तसेच विविध प्रकारची पेये, अति आंबवलेले व तळलेले पदार्थ यामुळे आतड्याची क्रिया मंदावते परिणामी बद्धकोष्ठता होते.

चुकिच्या सवयीमुळे होते बद्धकोष्ठता –
शौचास लागलेली असतानासुद्धा न जाणे आणि वारंवार जुलाबाची औषधे घेणे यामुळे बद्धकोष्ठता बळावते. तंम्बाखु, दारू या व्यसनांमुळे आतड्याच्या कार्यावर प्रतिकूल परिणाम होऊन बद्धकोष्ठता निर्माण होते.

हे करा..
नियमित पोट साफ होण्यासाठीचे उपाय मराठीत..

Constipation treatment in marathi
• नेहमी अन्न चावून बारीक करून खावे.
• ‎पाणी भरपूर प्यावे. दिवसातून किमान 8 ग्लास पाणी प्या.
• ‎साधा आणि नैसर्गिक आहार हाच बद्धकोष्ठतेवरचा उत्तम उपचार आहे.
• ‎भरपूर ताजी फळे, सर्व प्रकारच्या फळभाज्या, तसेच पालेभाज्या, कोशिंबीर, दही, ताक यांचा आहारात समावेश करावा. हिरव्या पालेभाज्यांमध्ये फायबरचे प्रमाण जास्त असून ते पोट साफ ठेवण्यास मदत करते.
‎नियमित व्यायाम आणि योगासने करावीत.
• ‎बैठी कामे असलेल्या लोकांनी रोज कमीत कमी अर्ध्या तासासाठी चालणे, पायऱ्या चढणे-उतरणे, सायकलिंग यासारखे व्यायाम केल्याने पोटाचे स्नायू बळकट होतात आणि बद्धकोष्ठता टाळता येते.
• ‎तळलेले, मसालेदार, मैदायुक्त पदार्थ टाळावेत.
• ‎गडबडीत, पटपट खाणे टाळावे.
• ‎सर्व प्रकारची व्यसने टाळावीत.

बद्धकोष्ठता संबंधित खालील आजारांविषयीसुद्धा मराठीत माहिती वाचा..
मुळव्याधीचा त्रास व उपाय
भगंदर, फिशर यासारखे गुदमार्गाचे आजार
पोट साफ न झाल्याने होणारा पित्ताचा त्रास व त्यावरील उपाय
मायग्रेन डोकेदुखी, अर्धशिशीचा त्रास व उपाय

– डॉ. सतीश उपळकर
CEO, हेल्थ मराठी नेटवर्क

© कॉपीराईट विशेष सूचना : वरील माहिती आपणास कॉपी पेस्ट करून अन्य ठिकाणी वापरता येणार नाही. अधिक माहितीसाठी येथे क्लिक करा व सूचना वाचा.

Pot saap n hone in marathi mahiti, Gases karne, lakshne, test, gharguti upay, home remedies, upchar marathi


आपली प्रतिक्रिया द्या :
वरील माहिती आपणास कशी वाटली? किंवा आपल्या काही आरोग्य विषयक समस्या, प्रश्न असल्यास आम्हाला कळण्यासाठी येथे क्लिक करा. आमचे तज्ञ डॉक्टर आपल्या विविध प्रश्नांचे निश्चितच समाधान करतील.