सहा महिन्याच्या बाळाचा आहार, वजन आणि घ्यायची काळजी : डॉ सतीश उपळकर

• बाळाचे दात येण्यास सुरवात होते.
• खेळणी तोंडात घालू लागते.
• खेळणी पकडणे, फेकणे.
• आवाज काढू लागते.
• सहाव्या महिन्यात पाठीला आधार दिल्यास बाळ बसण्यास शिकते.

सहा महिन्याच्या बाळाचा आहार तक्ता असा असावा :

या वयातील बाळांसाठी दिवसातून चार ते पाचवेळा स्तनपान किंवा फॉर्म्युला दूध द्यावे. याबरोबरचं दिवसातून दोन ते तीन वेळा पातळ आहार बाळास खाऊ घालावा. आहार चावता येत नसल्याने बाळाला दात येईपर्यंत थोडा पातळ आहार देणे आवश्यक असते. यासाठी आहारात,

• तांदूळ किंवा नाचणीपासून दूध घालून बनवलेली पौष्टिक खीर बाळाला खायला द्यावी.
• डाळ शिजवून पातळ करून बाळास खाऊ घालावे.
• मऊ शिरा किंवा उपमा, पातळ खिचडी बाळास भरवावी.
• केळे, चिक्कू या फळांचा गर कुस्करून बाळास खायला द्यावी.
• सहा महिन्यांपासून बाळांना फिल्टरचे किंवा उकळवून थंड केलेले थोडे थोडे पाणी पाजू शकता.

सहा महिन्याच्या बाळाची झोप :

सहा महिन्याचे बाळ 18 ते 10 तास झोप घेत असते. बाळाची वाढ आणि विकासासाठी पुरेशी झोप घेणे आवश्यक असते.

सहाव्या महिन्यात बाळाच्या विकासासाठी हे करा :

सहाव्या महिन्यातही बाळाला काही वेळ पोटावर झोपवावे व त्याच्या समोर खेळणी ठेवावी. त्यामुळे बाळ आपले डोके व खांदे वर उचलतात. त्यामुळे त्याची मान, पाठ खांदा येथील मांसपेशी मजबूत होतात व बाळाची मान धरते तसेच बाळ पालथे होण्यास शिकते. तसेच पाठीचे स्नायू मजबूत झाल्याने बाळास बसण्यास मदत होत असते. याशिवाय,

• उशीचा आधार देऊन बाळाला काहीवेळ बसवावे.
• अंघोळ घालण्यापूर्वी बाळाला मालिश करावी.
• बाळाला रंगीबेरंगी खेळणी आणून द्यावीत.
• बाळाबरोबर खेळण्यांनी खेळावे.
• पुस्तकातील रंगीत चित्रे दाखवावी.
• बाळाला झोपवताना छान छान अंगाई गीते म्हणावीत.

डॉक्टरांकडे कधी जावे..?

सहाव्या महिन्यात बाळ दूध पीत नसल्यास किंवा त्याला ताप, अतिसार, उलट्या, सर्दी, खोकला असे त्रास झाल्यास बाळाला डॉक्टरांकडे घेऊन जावे.

हे सुध्दा वाचा – 7 महिन्याच्या बाळाची काळजी कशी घ्यावी ते जाणून घेण्यासाठी येथे क्लिक करा.

In this article information about 6 months baby care, weight and diet plan in Marathi language. This health article is written by Dr Satish Upalkar (Certified physician and Healthcare expert).