स्वाईन फ्लू विषयी जाणून घ्या

371
views

स्वाईन फ्लू (Swine Flu) :
हा एक अतिशय संसर्गजन्य असा विकार असून याचा संसर्ग स्वाईन फ्लू विषाणू (H1N1) पासून होतो. स्वाईन फ्लूमध्ये साधारण सर्दी, खोकला, ताप यासारखी लक्षणे असतात. तर कधी कधी या साधारण दिसणाऱ्या लक्षणांमधूनही स्वाईन फ्लू मुळे मृत्युही येऊ शकतो.

कसा पसरतो स्वाईन फ्लू –
स्वाईन फ्लूचे विषाणू हवेत 8 तास जीवंत राहू शकतात.
स्वाईन फ्लूचा संसर्ग डुकरांकडून मनुष्यामध्ये होत असतो. तसेच बाधीत व्यक्तीकडून स्वस्थ व्यक्तीमध्येही याचा संसर्ग होत असतो.
स्वाईन फ्लूचे विषाणू बाधीत व्यक्तीच्या खोकण्याने किंवा शिंकण्यातून हवेमध्ये पसरत असतात. ह्या विषाणूंचा स्वस्थ व्यक्तीच्या नाक, तोंड, डोळे, त्वचा ह्यांचेशी संपर्क झाल्यास विषाणूंचे संक्रमण होते.

स्वाईन फ्लू लक्षणे –
लक्षणे प्रामुख्याने सामान्य फ्लू सारखीच असतात.
◦ ताप येणे,
◦ थंडी वाजूण येणे,
◦ सर्दी, नाक वाहणे,
◦ खोकला,
◦ अंगदुखी,
◦ डोके दुखणे,
◦ घशात दुखणे,
◦ पोटात दुखणे,
◦ मळमळणे,
◦ उलटी होणे,
◦ अतिसार यासारखी लक्षणे असू शकतात.

गर्भावस्थेसंबंधी सर्व माहिती 'प्रेग्नन्सी मराठी' ह्या पुस्तकात दिली आहे. हे पुस्तक डाउनलोड करण्यासाठी खलील बटन क्लिक करा.

स्वाईन फ्लू पासून बचाव कसा कराल –
इतरांच्या खोकण्यातून किंवा शिंकाद्वारे विषाणू हवेच्या माध्यमातून आपल्यामध्ये येऊ नये यासाठी,
◦ तोंडावर मास्कचा वापर करावा.
◦ वारंवार आपले हाथ साबणाने धुवावेत.
◦ जर आपली तब्येत ठिक नाही असे वाटत असेल तर, घरीच थांबावे. गर्दिच्या ठिकाणी जाऊ नये.
◦ जर श्वास घेण्यास त्रास होत असेल किंवा साधारण फ्लू असेल किंवा उलट्या, चक्कर येत असेल तर तात्काळ दवाखाण्यात जावे.



प्रतिक्रिया द्या :