सुरक्षीत गर्भावस्था : कोणती लक्षणे दिसतात तात्काळ जावे डॉक्टरांकडे..?

135
views

गर्भस्थ बाळाची वाढ जशी होत जाईल तशी माता आणि बाळ यां दोघांच्याही आरोग्याच्या सुरक्षेची जबाबदारी अधिक वाढते आणि अशा अवस्थेत छोटीशी चुक देखिल बाळासाठी घातक ठरु शकते. यासाठी गर्भावस्थेमध्ये आरोग्याच्या बाबतीत विशेष सावधानी घ्यावी लागते.

 

कोणती लक्षणे दिसतात तात्काळ जावे डॉक्टरांकडे..?
खालिल लक्षणे व्यक्त झाल्यास तात्काळ आपल्या डॉक्टरांशी संपर्क साधावा –

गर्भावस्थेसंबंधी सर्व माहिती 'प्रेग्नन्सी मराठी' ह्या पुस्तकात दिली आहे. हे पुस्तक डाउनलोड करण्यासाठी खलील बटन क्लिक करा.

  • गर्भस्थ बाळाची हालचाल कमी झाल्यासारखी वाटणे,
  • योनीतून स्त्राव येणे, पाणी येणे, गरोदरपणामध्ये जर अंगावर रक्त जात असेल तर ही चिंतेची बाब आहे. अशा वेळी पूर्ण आराम करावा, ताबोडतोब डॉक्टरांकडे जावे. आराम व उपचार न केल्यास गर्भपात होऊ शकतो.
  • सतत उलटी होणे,
  • अशक्तपणा जाणवणे,
  • रक्तपांढरी (अॅनेमिया) होणे, ताप येणे, अतिसार होणे,
  • पायावर सूज येणे, रक्तदाब वाढल्यामुळे अशी सूज येऊ शकते. त्यावर उपचार न केल्यास बाळ व आईच्या जीवाला धोका पोहचू शकतो. म्हणून शेवटच्या 4 महिन्यात रुग्णालयात जाऊन नियमित तपासणी करणे आवश्यक आहे. पायावर सूज येत असेल तर मीठ कमी खावे.
    यासारखी लक्षणे व्यक्त झाल्यास तात्काळ आपल्या डॉक्टरांशी संपर्क साधावा त्यामुळे माता आणि बालक यांचे आरोग्य सुरक्षीत राहण्यास मदत होते.


बाळाची हालचाल व स्थिती :

शेवटच्या तीन महिन्यांत बाळ जवळजवळ दुप्पट प्रमाणात वाढते व त्याला आता फारशी हालचाल करायला जागा गर्भाशयामध्ये उरत नाही. सर्वसाधारण सातव्या महिन्यात बाळाची स्थिती निश्चित होते. या वेळी जर डोके किंवा पाय खाली असेल त्याच स्थितीत बाळ प्रसूतिपर्यंत बहुतेक वेळा राहते. सातव्या महिन्यानंतर बाळाच्या फक्त हातापायांची व शरीराची हालचाल तिथल्या तिथेच होते. यामुळे गरोदर स्त्रीला हालचाली कमी झाल्याचे लक्षात येऊन, बाळाला तर काही त्रास नाही ना, अशी चिंता स्वाभाविकपणे वाटते. साधारण 24 तासांत बाळाची हालचाल 13-15 वेळा जाणवली तर काळजी करण्याचे काही कारण नाही. बाळही पोटात असताना काही काळ झोपते. त्यामुळे ही हालचाल 1-2 तास अजिबात होत नाही व अचानक खूप वेळा झाल्यासारखी वाटते. असे झाल्यास अजिबात चिंता करण्याची गरज नाही. हालचाल 10 वेळा पेक्षा खूपच कमी वेळा जाणवल्यास ताबडतोब प्रसूतितज्ञांना नजरेस आणून द्या.



प्रतिक्रिया द्या :