गर्भावस्थेची लक्षणे

803
views

तुम्ही गर्भवती आहात हे कसे ओळखाल..?
गर्भावस्था ही स्त्रीच्या आयुष्यातील महत्वाची अवस्था आहे. गर्भावस्थेतूनच नविन जीवाचा जन्म होत असतो म्हणून स्त्री आयुष्यमध्ये गर्भावस्थेचे अनन्यसाधारण महत्व असते.

गर्भधारणा होऊनही सुरवातीच्या दिवसापर्यंत काही महिलांना गर्भधारणा झाल्याची माहितीही होत नाही किंवा त्या गर्भधारणेच्या लक्षणांना ओळखू शकत नाही. त्यामुळे अशा महिलांमध्ये गर्भावस्थासंबधी समस्या उद्भवू शकतात. कारण जर गर्भधारणा झालेली असतानाही गर्भावस्थेची कल्पना त्या स्त्रीमध्ये आली नसल्यास आहारविहारासंबधी विशेष काळजी घेतली जात नाही. बहुधा गर्भधारणेची लक्षणं ही तीन आठवडयांनी लक्षात येऊ लागतात.

मासिकपाळी चुकली म्हणजे गर्भावस्थेची चाहूल लागते. त्यानंतर सकाळी मळमळणे व उलटया सुरु होतात. एखादया वेळी चक्करही येते. पहिल्या गरोदरपणी हा त्रास जास्त होतो. पहिले तीन महिने हा त्रास होऊ शकतो. काही स्त्रियांना हा त्रास कमी होतो तर काहींना जास्त होतो. या काळात वारंवार लघवीला जावेसे वाटते. स्तनांची वाढ होऊ लागते आणि ओटी पोटात दुखते, मासिक पाळी चुकल्यानंतर काही दिवसांत वरील लक्षणे दिसू लागल्यास ती स्त्री गरोदर आहे असे ओळखावे.

 

गर्भावस्थेसंबंधी सर्व माहिती 'प्रेग्नन्सी मराठी' ह्या पुस्तकात दिली आहे. हे पुस्तक डाउनलोड करण्यासाठी खलील बटन क्लिक करा.

गर्भावस्थेची सुरवातीची लक्षणे :

  • मासिक पाळी न होणे,
  • सकाळी उठल्यावर मळमळणे, उलटी होणे – गर्भ रूजत असतांनाच्या पहिल्या काही आठवडात तुम्हाला उलटया होऊ शकतात.
  • अन्नावरची वासना उडते. पण अन्न हे घेतलेच गेले पाहिजे. सतत थोडया थोडया अंतराने अन्न घेत राहणे चांगले. अधिक उलटया होत असल्यास डॉक्टरांचा सल्ला घेणे अधिक चांगले.
  • वारंवार लघवीला होते,
  • मलावरोध, पोट जड वाटणे, पोट दुखणे,
    डोकेदुखणे,
  • स्तनामध्ये परिवर्तन होणे, स्तन जड वाटणे, वेदना होणे, स्तनाचा आकार व रंगामध्ये बदल जाणवणे,
  • अशक्तपणा व थकवा येणे – गर्भारपणाच्या पहिल्या 8 ते 10 आठवडात तुम्हाला अधिक जाणवतो. तुमच्या शरीरात चाललेल्या झपाटाच्या बदलाने हा थकवा अधिक जाणवत असतो. तुमचे शरीर दिवसरात्र गर्भ रूजवण्याच्या व वाढवण्याच्या कार्यात गुंतले असल्यामुळे साधारण 12 आठवडापर्यंत हा थकवा सकाळी जाणवतो. ह्यालाच मॉर्निंग सिकनेस म्हणतात. सामान्यतः ही लक्षणे गर्भावस्थेच्या सुरवातीला जाणवतात.

वरीलपैकी कोणतीही लक्षणे जर तुम्हाला दिसत असतील, तर तुम्ही गर्भवती असू शकाल. याची योग्य खात्री करून घेण्यासाठी गर्भारपणाची चाचणी करून घ्या. गर्भधारणा झाली आहे की नाही हे कळण्यासाठी पुर्वी इंजेक्शन द्यावे लागत असे मात्र आत्ता अत्यंत सुलभ असे तंत्र आले आहे. याद्वारे लघवीची तपासणी करुन गर्भधारणा असल्याची किंवा नसल्याची खात्री फक्त पाच मिनिटातच करता येते.

तुम्हाला तुमच्या नजीकच्या दवाखान्यातून गर्भारपणाची चाचणी करता येऊ शकेल किंवा औषध विक्रेत्यांकडून घरीसुद्धा करता येईल असे ‘प्रेग्नसी टेस्ट किट’ विकत घेऊ शकता. याद्वारे लघवीची तपासणी करुन गर्भधारणा असल्याची किंवा नसल्याची खात्री फक्त पाच मिनिटातच करता येते.

Early signs of pregnancy in Marathi. Pregnancy Signs symptoms in Marathi



प्रतिक्रिया द्या :