गर्भावस्थेत करावयाच्या वैद्यकीय तपासणी

163
views

बाळंतपण सुखरूप होऊन आई व बाळ यांची तब्येत नीट व्हावी म्हणून नियमितपणे दवाखान्यात तपासणी करणे आवश्यक असते. तपासणीमुळे गर्भाची वाढ नीट होत आहे की नाही हे पाहता येते. गरोदर मातेस काही आजार आहे का? किंवा गरोदरपण जोखमीचे आहे का? ते कळते व तसे असल्यास अधिक काळजी घेता येते.

गरोदरपणात तिसऱ्या महिन्यापासून नियमितपणे दवाखान्यात तपासणी डॉक्टरांकडून अथवा नर्स कडून करून घ्यावी. 7 व्या महिन्यानंतर दर पंधरा दिवसांनी दाखवावे व शेवटच्या महिन्यात दर आठ दिवसांनी दाखवावे हे अतिशय चांगले.
सातव्या, आठव्या आणि नवव्या महिन्यात तर तपासणी खूपच आवश्यक आहे. कारण हे महिने जास्त नाजूक अवस्थेचे असतात.

 

गर्भावस्थेसंबंधी सर्व माहिती 'प्रेग्नन्सी मराठी' ह्या पुस्तकात दिली आहे. हे पुस्तक डाउनलोड करण्यासाठी खलील बटन क्लिक करा.

गरोदरपणातील तपासणी :

  • दवाखान्यात वजन, उंची, रक्त, लघवी, रक्तदाब याची तपासणी करतात. यामुळे गर्भाची वाढ नीटपणे होत आहे की नाही हे कळते. तसेच दवाखान्यात शारीरिक व पोटाची तपासणीही केली जाते.
  • पोटाच्या आकारावरून आणि आईच्या वजनावरून बाळ नीट वाढते की नाही हे समजते. बाळ कमी वजनाचे आहे असे लक्षात आले तर आईला पोषक आहार घेण्यास सुचविले जाते.
  • गरोदरपणात वजन योग्य प्रकारे वाढले पाहिजे. गर्भाशयात मुल वाढते तेव्हा स्त्रीचे वजनसुद्धा वाढत असते. यामुळे बाळाचे वाढ नीट होते आहे किंवा नाही हे लगेच समजते. नऊ महिन्यांपर्यंत आईचे वजन 11 ते 13 किलोनी वाढले पाहिजे. बऱ्याचदा गरोदर बाईचे वजन 4-5 किलोनीच वाढते अशावेळी बाळसुद्धा कमी वजनाचेच जन्मते. कमी वजनाची मुले सारखी आजारी पडतात व ती दगावण्याची शक्यता असते.
  • शेवटच्या महिन्यात अचानक वजन वाढणे हे चांगले नसते. म्हणून प्रत्येक तपासणीच्या वेळी वजन बघितले जाते.

 

गरोदरपणातील धोका ओळखण्यासाठी तपासण्या..
बाळ डोक्याकडून जन्माला येईल की पायाकडून, जुळी मुले आहेत का? किंवा गरोदरपण जोखमीचे आहे का? हे सर्व तपासणीवरून समजते व त्यानुसार डॉक्टरांना नियोजन करणे सोपे जाते.
जर बाळ डोक्याकडून येणार नसेल तर मुलाला व आईला धोका असू शकतो. ही गोष्ट तपासणीत अगोदरच समजते. अशा वेळी धोका लक्षात घेऊन तेथे सर्व तयारी आधीच करून ठेवली जाते.
बाळंतपण सुखरूप होऊन आई व बाळ यांची तब्येत नीट व्हावी म्हणून नियमितपणे दवाखान्यात तपासणी करणे आवश्यक असते.

Pregnancy checkup test information in Marathi. Knowing what check-ups, screenings and scans to have and when to have them during your pregnancy.



प्रतिक्रिया द्या :