निपाह व्हायरस : कारणे, लक्षणे व प्रतिबंदात्मक उपाय

6380
views

निपाह (Nipah) व्हायरस म्हणजे काय..? 
केरळमध्ये निपाह नावाच्या विषाणूची बाधा 25 लोकांना झाली असून त्यातील 3 जणांचा मृत्यू या रोगामुळे झाल्याची शंका आहे. यासाठी निपाह रोगाविषयी लोकांमध्ये जागरूकता होण्यासाठी येथे मराठीतून माहिती दिली आहे. निपाह हा एक गंभीर असा संसर्गजन्य रोग आहे. निपाह व्हायरस हा मेंदूवर थेट हल्ला करतो. त्यामुळे ताप, थकवा, बेशुद्धावस्था अशी लक्षण आढळतात.

निपाह रोग कसा पसरतो..?
वटवाघूळांच्यामाध्यमातून हा रोग निपाह व्हायरसमुळे (NiV) पसरत असतो. निपाह रोगाचे व्हायरस हे वटवाघूळांच्या लाळेत आसतात. वटवाघूळांनी खाऊन उष्टी केलेली फळे (खजूर, आंबा इ.) मनुष्य किंवा अन्य प्राण्यांच्या खाण्यात आल्यास हा रोग पसरतो. त्यानंतर अशा नीपाह विषाणू बाधित व्यक्तीच्या संपर्कात आल्यास त्याची लागण इतर अन्य व्यक्तींनाही होते. निपाह व्हायरस हा संसर्ग झालेल्या माणसामधून, वटवाघुळातून किंवा डुक्करांमधूनही पसरू शकतो.

निपाह रोगाची लक्षणे :
निपाह रोगाची लागण झाल्यास ताप येणे, डोकेदुखी, झोप न येणे, अंगदुखी, चक्कर येणे, मळमळ होणे, उलट्या होणे, शुद्ध हरपणे, बैचेन होणे, मेंदुला सूज येणे ही लक्षणं 7-10 दिवस आढळतात. यासारखी लक्षणे आढळताच तात्काळ उपचार न घेतल्यास पुढील 24-48 तासामध्ये संबंधित व्यक्ती कोमामध्ये जाण्याची शक्यता असते. याशिवाय काही रुग्णांमध्ये श्वसनसंस्थेचे संक्रमण होऊन श्वास घेण्यास त्रास होऊ शकतो.

रोगाची गंभीरता :
या रोगावर कोणतेही ठोस अशी औषधे उपलब्ध नाहीत. यावर उपचार म्हणून सध्या कोणतीही लस उपलब्ध नाही. ताप मेंदूपर्यंत पोहोचल्यास रुग्ण कोम्यात जाऊन दगावतो.

प्रतिबंधात्मक उपाय :
निपाह व्हायरसचा धोका टाळण्यासाठी सध्या कोणतेही औषध, इंजेक्शन उपलब्ध नाही. यासाठी या रोगापासून दूर राहण्यासाठी प्रत्येकाने दक्षता घेतली पाहिजे.
• पक्षी किंवा प्राण्यांनी अर्धवट खाऊन टाकलेली फळे खाणे (खजूर, आंबा इ.) टाळावे. झाडावरून खाली पडलेली फळे खाणे टाळावे.
• ‎संसर्ग झालेले डुक्कर, वटवाघुळ किंवा माणसांच्या थेट संपर्कात येणं टाळा.
• ‎कच्चे किंवा अर्धवट शिजलेले मांस खाणे टाळावे.
• ‎आजारी व्यक्तींना भेटायला जाणे शक्यतो टाळावे किंवा मास्क, ग्लोव्ह्स यांचा वापर करावा.
• ‎तुम्हांला इंफेक्टेड भागात फिरताना अस्वस्थ वाटत असल्यास किंवा ताप, अंगदुखी, चक्कर येणे यासारखी लक्षणे दिसून आल्यास तात्काळ डॉक्टरांकडून निदान व उपचार करून घ्या.
• ‎वैद्यकीय मदत करणार्‍या व्यक्तींनीही रूग्णांवर उपचार करताना पुरेशी काळजी घेणं आवश्यक आहे. सोबतच ग्लोव्ह्स, मास्क घालून रूग्णांची तपासणी करावी. विशेषतः डॉक्टर, नर्स व रुग्णांची सेवा घेणाऱ्या व्यक्तींनी विशेष काळजी घ्यावी.

महाहेल्थ अॅप..
ही सर्व माहिती 'महाहेल्थ' ह्या स्मार्टफोन अॅपमध्ये दिली आहे. या मोफत अॅपमध्ये सर्व आरोग्यविषयक माहिती ऑफलाईनसुध्दा वाचता येईल. हे अॅप डाउनलोड करण्यासाठी खालील बटन क्लिक करा.

यासारखी उपयुक्त आरोग्यविषयक माहिती हवी असल्यास MahaHealth App इन्स्टॉल करा.
संपूर्ण महाराष्ट्राला उपयुक्त ठरणारे ‘महाहेल्थ अँप’ गुगल प्ले स्टोअरवर उपलब्ध असून डाउनलोड करण्यासाठी खालील लिंक क्लिक करा.

https://play.google.com/store/apps/details?id=com.healthtips.marathi.app

– डॉ. सतीश उपळकर
CEO, हेल्थ मराठी नेटवर्क
www.HealthMarathi.com

नीपाह रोग माहिती मराठीत नीपाह विषाणू म्हणजे काय निपाह कसा होतो निपाह रोगाची कारणे नीपाह लक्षणे नीपाह कसा पसरतो निपाह होऊ नये म्हणून काय करावे नीपाह बचाव कसा करावा नीपाह उपचार माहिती.
Nipah virus in marathi information, Nipah causes in marathi, Nipah symptoms in marathi, Nipah prevention tips in marathi, Nipah treatment in marathi, nipah rog maahiti marathit nipah rog kaarne lakahne upchar mahiti.


प्रतिक्रिया द्या :