गोवर विषयी जाणून घ्या


Measles in Marathi, Measles treatment in marathi.

गोवर आजार माहिती :
गोवर ( Measles ) हा एक संसर्गजन्य असा आजार आहे. हा रोग प्रामुख्याने लहान मुलांमध्ये आढळतो; परंतु काही वेळा प्रौढांनाही होऊ शकतो. एकदा हा रोग होऊन गेल्यावर सहसा पुन्हा होत नाही. मात्र जर एखाद्यास लहानपणी गोवर झालेली नसल्यास त्याला आयुष्यात कधीही, अगदी प्रौढ वयातही गोवर येऊ शकते. गोवर उशिराच्या वयात येणे जास्त त्रासदायक असते.

गोवराची लक्षणे :
• सुरुवातीला ताप, सर्दी, शिंका, खोकला येतो.
• ‎डोळ्यांची जळजळ होणे व त्यातून पाणी येणे. प्रकाशात डोळे उघडण्यास त्रास होणे.
• ‎मरगळल्यासारखे वाटते, डोके व स्नायू दुखणे अशी लक्षणे दिसतात.
• ‎त्यानंतर तिसऱ्या व चौथ्या दिवशी तोंडात व गालाच्या आतल्या बाजूस निळसर पांढऱ्या रंगाचे पुरळ येतात.
• ‎5 ते 7 दिवसानंतर चेहरा, पोट आणि पाठीवर लालसर बारीक आकाराचे पुरळ उटतात.
• ‎त्यानंतर 8 ते 12 दिवसात पुरळ पायापर्यंत पोहोचेपर्यंत ताप उतरतो व पुरळ कमी होऊ लागतात.

गोवर आजाराची कारणे :
गोवर हा Paramyxovirus या विषाणूंमुळे होणारा संसर्गजन्य आजार आहे.

गोवराचा प्रसार कसा होतो..?
गोवर हा साथीचा आजार आहे. या रोगाचा प्रसार गोवर बाधित रुग्णाच्या खोकल्यातून, शिंकातून तसेच स्पर्शापासून होतो. गोवराची साथ संसर्गामुळे पसरण्याची शक्यता अधिक असते. गोवर त्वचेवर दिसू लागण्यापूर्वी फार सांसर्गिक असतो. हिवाळ्याच्या शेवटी किंवा उन्हाळ्याच्या सुरुवातीस या रोगाची साथ येते.

गोवर उपचार :
गोवर उटल्यास ताप, सर्दी, खोकला कमी करण्यासाठी औषधे दिली जातील. वेळेवर डॉक्टरांनी दिलेली औषधे घ्यावीत.
गोवर असलेल्या रुग्णाने विश्रांती घ्यावी. डोळ्याचा त्रास कमी करण्यासाठी प्रकाशात जाणे टाळावे.

गोवर प्रतिबंधात्मक उपाय :
गोवर होऊ नये म्हणून हे करा..
गोवराच्या विषाणूंवर परिणामकारक औषधे अजूनही उपलब्ध नाहीत. गोवर होऊ नये म्हणून प्रतिबंधात्मक उपाययोजना करणे गरजेचे असते.
आजार टाळण्यासाठी गोवरची एमएमआर ही लस लहान मुलांना पंधराव्या महिन्यात देतात व दुसरा डोस पाचव्या वर्षी देतात. गोवराच्या लसीमुळे निर्माण झालेली प्रतिकारशक्ती आयुष्यभर टिकते आणि लसीमुळे पुढे कधीही गोवर उठत नाही.

एमएमआर लस म्हणजे काय..?
एमएमआर लसीमुळे गालगुंड, गोवर आणि वाऱ्याफोड्या ह्या तीन आजारांपासून रक्षण होते.
एम म्हणजे मम्प्स (गालगुंड) तर दुसरे एम म्हणजे मिजल्स (गोवर) आणि आर म्हणजे रूबेला (वाऱ्याफोड्या).


गर्भावस्थेसंबंधी सर्व माहिती 'प्रेग्नन्सी मराठी' ह्या पुस्तकात दिली आहे. हे पुस्तक डाउनलोड करण्यासाठी खलील बटन क्लिक करा.


प्रतिक्रिया द्या :