लेप्टोस्पायरोसिस : कारणे, लक्षणे आणि उपाययोजना

867
views

Leptospirosis in Marathi information. Leptospirosis prevention in Marathi. Leptospirosis causes, sign & symptoms in Marathi. Leptospirosis treatments in Marathi.

लेप्टोस्पायरोसिस माहिती :
लेप्टोस्पायरोसिस जीवाणुपासुन (बॅक्टेरियापासून) होणारा आजार असुन याचा प्रसार उंदिर व पाळीव प्राणी गाय, म्हैस, घोडा, कुत्रा , मांजर यांच्या लघवीतुन होतो. लेप्टोस्पायरोसिसचे जीवाणु पाण्यात तसेच चिखलात अनेक महिने जिवंत राहु शकतात.

लेप्टोस्पायरोसिस रोगाचा प्रसार :
बाधीत जनावरांच्या मुत्रातुन हे जीवाणु मातीत व पाण्यात अनेक आठवडे टिकुन राहतात. हे जीवाणू आपली त्वचा किंवा श्लेष्मल पडदा माध्यमातून शरिरात प्रवेश करतात. पिण्याचे पाणी दुषित असेल तर त्यातुन रोगाचा प्रसार होऊ शकतो. या आजाराचा उद्रेक पावसाळ्यात जास्त होतो.

लेप्टोस्पायरोसिसची लक्षणे :
लेप्टोस्पायरोसिस आजराची लक्षणे ही मलेरिया, डेंग्यू ताप, ब्रसेलोसिस, हन्टावायरस या आजारासारखी असतात. शरिरात जीवाणूनी प्रवेश केल्या नंतर दोन ते चार दिवसांनी लक्षणे दिसण्यास सुरवात होते. तर काही लोकांमध्ये कुठलीही लक्षणे दिसुन येत नाही.
सामन्यत: आढळणारी लक्षणे –
• तीव्र ताप
• ‎थंडी वाजून येणे
• ‎डोकेदुखी, अंग दुखी
• ‎थकवा
• ‎घसा खवखवणे
• ‎पोटदुखी
• ‎उलट्या होणे
• ‎अतिसार
• ‎कावीळ
• ‎सांधे किंवा स्नायू वेदना
• ‎पुरळ
• ‎लालसर डोळे

ही लक्षणे सहसा आजाराच्या पहिल्या टप्प्यात दिसुन येतात. ही लक्षणे कधीकधी अचानक दिसुन येतात काही रुग्ण आजाराच्या पहिल्या टप्यात बरे होतात तर काहींचा आजार बळावतो. म्हणजे आजार गंभीर होऊन दुसऱ्या टप्यात पोहोचतो.

दुसऱ्या टप्याची लक्षणे –
• कावीळ
• ‎मूत्रपिंड निकामी होणे
• ‎फुप्फुसांचा रक्तस्त्राव
• ‎ह्रदयाच्या कार्यात अनियमितता (ठोके अनियमित पडणे)
• ‎न्युमोनिया
• ‎सेप्टिक शॉक

दुसऱ्या टप्यातील लेप्टोस्पायरोसिस वेल्स डिसिस असे म्हणतात. यात लवकर उपचार दिला गेला नाही तर रुग्णांना याचे दिर्घकाळ परिणाम भोगावे लागतात. आणि काही रुग्णांमध्ये मूत्रपिंड आणि फुफ्फुसांची दीर्घकालीन गुंतागुंत निर्माण होऊ शकते.

निदान :
रक्त आणि लघवीची चाचणी करुन लेप्टोस्पायरसेसचे निदान करता येते.

लेप्टोस्पायरोसिस उपचार :
परिणाम कारक ऍन्टीबायोटिक्स उपलब्ध असुन रुग्ण अत्यवस्थ रुग्णालयात भरती करण्याची गरज पडते.

लेप्टोस्पायरोसिस प्रतिबंधात्मक उपाय :
लेप्टोस्पायरोसिस होऊ नये म्हणून काय करावे –
• घराच्या आजुबाजुचा परिसर स्वछ ठेवा.
• ‎बाहेरचे पाणी पिऊ नका आणि उघड्यावरचे अन्नपदार्थ खाऊ नका.
• ‎घरात अन्न झाकुन ठेवा.
• उघड्या पायाने पावसाच्या पाण्यात जाणे टाळावे.
• ‎पायावर जखम किंवा ओरखडा असल्यास व्यवस्थित ड्रेसिंग करुन घ्यावे.
• ‎संरक्षण साधणे हात मोजे, पाय मोजे, गम बुट वापरावेत.
• ‎पावसाच्या पाण्यात जाऊन आल्यास तात्काळ हात, पाय साबनाने स्वछ धुवावेत.


गर्भावस्थेसंबंधी सर्व माहिती 'प्रेग्नन्सी मराठी' ह्या पुस्तकात दिली आहे. हे पुस्तक डाउनलोड करण्यासाठी खलील बटन क्लिक करा.


प्रतिक्रिया द्या :