हिपाटायटिस (Hepatitis)

16
views

हिपाटायटिस सामान्य माहिती :
हिपाटायटिस हा यकृताचा एक महत्वाचा असा विकार आहे. ह्यामध्ये यकृत संक्रमित होऊन त्याला सुज येथे त्यामुळे यकृताकडून सामान्य कार्ये होण्यास अडथळा निर्माण होतो.

यकृताची कार्ये –
यकृत हा शरीरातील एक अतिमहत्वाचा असा अवयव आहे. यकृताची महत्वाची कार्ये पुढीलप्रमाणे आहेत.
रक्ताचे शुद्धिकरण करण्यास यकृत महत्वाची भुमिका निभावतो. यांमुळे रक्तातील अपायकारक अशुद्धिंचा निचरा केला जातो. पचनक्रियेमध्ये सुद्धा यकृताचे महत्वाचे कार्य असते. आहाराचे पचन करणाऱया पित्ताची (Bile) ची निर्मिती यकृताद्वारेच होत असते. रक्तस्कंदन करणाऱया महत्वाच्या प्रथिनांची निर्मिती यकृतातूनच होत असते. यांमुळे रक्तस्त्रावामध्ये रक्त थांबवण्याचे कार्य होण्यास मदत होते. स्निग्ध पदार्थ आणि ग्लुकोजवर प्रक्रिया करुन शरीरासाठी उपयुक्त उर्जा यकृतातच साठवली जाते. विटामिन A, B12 आणि D या जीवनसत्वांचे तसेच लोह आणि कॉपर या खनिजतत्वांचा संचय यकृतातच होत असतो. ही प्रमुख कार्ये सामान्यतः आपल्या यकृतामार्फत होत असतात.

मात्र जेंव्हा यकृत संक्रमित होते त्याला सुज येते तेंव्हा वरील महत्वाची कार्ये यकृतापासून योग्यरित्या होत नाही. त्यामुळे शरीराचे संतुलन बिघडते, रक्तातील अशुद्धींचा निचरा होत नाही पर्यायाने अपायकारक विषारी घटकांची रक्तात, शरीरात वाढ होते.
हिपाटयटिसमध्ये यकृत विषांणूद्वारा संक्रमित होऊन यकृतामध्ये सुज उत्पन्न होते.

गर्भावस्थेसंबंधी सर्व माहिती 'प्रेग्नन्सी मराठी' ह्या पुस्तकात दिली आहे. हे पुस्तक डाउनलोड करण्यासाठी खलील बटन क्लिक करा.

हिपाटायटिस हा संसर्गजन्य विकार आहे. या रोगाचे संक्रमण हिपाटायटिस बाधीत व्यक्तीकडून दुसऱया स्वस्थ व्यक्तीमध्ये होत असते.
हिपाटायटिसचे विषाणू आहार, पाणी यांमध्ये मिसळतात त्यांना दुषित करतात. अशा संदुषित आहार-पाण्याचे सेवनाने हिपाटयटिसची लागण होते. तसेच बाधीत रुग्णाच्या रक्त, थुंकी, वीर्य, मल, मुत्र यांमध्ये हिपाटायटिसचे विषाणू असतात. त्यांद्वारे हिपाटायटिसचा प्रसार होत असतो. बाधित व्यक्तीशी लैंगिक संबधातून, रक्तदानातून, अवयव प्रत्यारोपनातून हिपाटायटिसचा प्रसार होत असतो. बाधीत रुग्णाच्या वापरलेल्या IV सलाईन, सुया आणि इंजेक्शनद्वारेही याचा संसर्ग होत असतो. बाधित व्यक्तीच्या वैयक्तिक स्वच्छता साधनांचा जसे रेझर्स, कपडे, टुथब्रश, साबण इ. साधनांचा दुसऱया व्यक्तीने वापर केल्यास त्या संदुषित साधनांद्वारे हिपाटायटिसचा प्रसार होतो.



प्रतिक्रिया द्या :