व्हिटॅमिन B-9 अर्थात ‘फॉलिक अ‍ॅसिड’चे आरोग्यासाठीचे महत्त्व


फॉलिक अ‍ॅसिडमुळे शरीराची चयापचय क्रिया सुधारते. रक्ताचं प्रमाण वाढतं. शरीरातील लोहाचं प्रमाण कमी होत नाही. म्हणूनच फॉलिक अ‍ॅसिडचं प्रमाण असणारे गाजर, बीट, मुळा आणि त्याची हिरवी पानं, कोबी हे पदार्थ खावेत, असं आहारतज्ज्ञांचं म्हणणं आहे. ब-9 हे जीवनसत्त्व ‘फॉलिक अ‍ॅसिड’ या नावानेही ओळखलं जातं. गरोदर स्त्रिया, वाढती बाळं यांना फॉलिक अ‍ॅसिडची गरज असते. फॉलिक अ‍ॅसिडमुळे पोटाचं आरोग्य सुधारतं.

प्रत्येक प्रौढ व्यक्तीस प्रत्येक दिवसाला 200 मायक्रोग्रॅम इतकी ‘ब-9’ या जीवनसत्त्वाची गरज असते. या जीवनसत्त्वाच्या कमतरतेमुळे शरीरातील पांढऱ्या पेशीत जबरदस्त घट निर्माण होते. त्यातून ‘लुकोपेनिआ’ हा आजार निर्माण होतो. पंडुरोग (अ‍ॅनिमिया), अस्थिमज्जाचे विकारही होतात. पोटाचे विकार डोकं वर काढतात. हिमोग्लोबिनचे प्रमाण घटतं. ‘ब-9’ जीवनसत्त्व पुढील अन्नपदार्थातून मिळेल.

‘ब-9’ जीवनसत्त्व देणारे अन्नपदार्थ :
संत्री, बदाम, केळी, सफरचंद, गाजर, बीट, कोबी, मुळा, लेटय़ूस, टोमॅटो, नारळ, दूध आणि त्यापासूनचे पदार्थ, यीस्टचे प्रकार, हिरव्या भाज्या, तांदूळ, गहू, गव्हांकुर, वाफवलेल्या डाळी, मका, शेंगदाणे, भेंडी, मसूर.


गर्भावस्थेसंबंधी सर्व माहिती 'प्रेग्नन्सी मराठी' ह्या पुस्तकात दिली आहे. हे पुस्तक डाउनलोड करण्यासाठी खलील बटन क्लिक करा.


प्रतिक्रिया द्या :