फिट येणे, फेफरे येणे किंवा अपस्मार (Epilepsy) आजाराची माहिती

5176
views

Epilepsy in Marathi, epileptic seizure in marathi, epilepsy causes diagnosis treatment in marathi.

अपस्मार म्हणजे काय..?
आपण अनेकदा रस्त्यावर किंवा आजूबाजूला पाहतो की एखादी व्यक्ती अचानक बेशुद्ध होऊन खाली पडते आणि ती व्यक्ती स्वतःचे हात आणि पाय अगदी घट्ट आवळून ठेवते, शरीराच्या विचित्र हालचाली करते आणि त्याच्या तोंडातून फेस किंवा लाळ येऊ लागतो. या विकारास मिरगी येणे, फिट येणे, फेफरे येणे, एपिलेप्सी किंवा अपस्मार असे म्हणतात.

अपस्मार हा चेतासंस्थेचा (मेंदूसंबंधी) आजार आहे. रुग्णास वरचेवर असे अपस्माराचे झटके येत असतात. जन्मतःच मेंदूत असणारा एखादा दोष किंवा डोक्याला अपघातामुळे झालेली इजा यांमुळे अशा प्रकारचे फेफरे किंवा झटके येतात. अपस्मार हा कोणत्याही वयातील लोकांमध्ये आढळतो. अनेकदा लहान मुलांमध्ये असणारा अपस्माराचा त्रास हा वयानुसार वाढत जातो. या आजारात येणाऱ्या फिटस् टाळता येत नसल्या तरी योग्य उपचारांनी त्यावर नियंत्रण ठेवता येते.

एपिलेप्सीच्या झटक्यात कोणती लक्षणे दिसतात..?
• रुग्णाचा अचानकपणे शरीराचा संतुलन ढासळतो, अशक्तपणा येतो व तोल जाऊन खाली बेशुद्ध होऊन पडतो.
• ‎शरीर आकडते, झटका येतो.
• ‎शरीराच्या विचित्र हालचाली होतात.
• ‎जीभ किंवा ओट दातांनी चावले जाते.
• ‎तोंडातून फेस येऊ लागतो.
• ‎रुग्ण डोळे फिरविते, शुद्धी हरपते.
या आजारामुळे येणाऱ्या झटक्यांचा कालावाधी एक ते तीन मिनिटांचा असतो. अशा 1-2 मिनिटांच्या झटक्यांमुळे मेंदूला अंतर्गत इजा होत नाही. पण वारंवार असे झटके येऊ लागल्यास व अशा झटक्यांचा कालावधी काही मिनिटांपासून काही तासांपर्यंत वाढल्यास मेंदूला इजा होऊ शकते. तसेच अचानक बेशुद्ध होऊन खाली पडल्यामुळे शारीरिक इजाही होऊ शकते.

कोणकोणत्या कारणांमुळे अपस्माराचा झटका येण्याची संभावना वाढते..?
मानसिक ताणतनावामुळे, अपूर्ण झोपेमुळे, ताप-सर्दी-खोकला हे आजार झाल्यास, रक्तदाब वाढल्यास, रक्तातील साखरेची पातळी कमी झाल्यास, स्त्रियांमध्ये मासिक पाळीच्या वेळी, Anti-psychotic किंवा Anti-depressant औषधांच्या दुष्परिणामामुळे, डोक्याला मार लागल्यामुळे, कडक उन्हाच्या त्रासामुळे अपस्माराचा झटका येण्याची संभावना वाढते.

महाहेल्थ अॅप..
ही सर्व माहिती 'महाहेल्थ' ह्या स्मार्टफोन अॅपमध्ये दिली आहे. या मोफत अॅपमध्ये सर्व आरोग्यविषयक माहिती ऑफलाईनसुध्दा वाचता येईल. हे अॅप डाउनलोड करण्यासाठी खालील बटन क्लिक करा.

अपस्मार निदान :
वारंवार फिट्स येत असल्यास मेंदूरोग तज्ज्ञाकडून अपस्माराबाबतचे निदान करून घेणे आवश्यक असते. पेशंटची हिस्ट्री, शारीरिक तपासणी आणि E.E.G (Electroencephelography), MRI स्कॅन, CT स्कॅन इ. चाचण्या करून याचे निदान केले जाते.

विशेष सूचना :
ही माहिती Copy Paste करू नका..

हा लेख डॉ. सतीश उपळकर यांनी लिहिला आहे. ही सर्व माहिती हेल्थ मराठी डॉट कॉम यांची आहे. ही माहिती आपणास कॉपी करून अन्य ठिकाणी आमच्या परवानगी शिवाय वापरता येणार नाही. तसे केलेले आढळल्यास कॉपीराईट कायद्याखाली कारवाई करण्यात येईल.

अपस्मार उपचार :
तज्ज्ञ डॉक्टरांकडून अपस्माराचे निदान झाल्यानंतर आधी Anti-epileptic औषधे सुरू केली जातात. औषधांनी जर अपस्मार नियंत्रणात येत नसल्यास मेंदूवरील सोपी आणि सुटसुटीत शस्त्रक्रियने अपस्मारवर यशस्वी उपचार होऊ शकतात.

जर एखाद्यास अपस्माराचा झटका आल्यास काय करावे..?
• स्वतः शांत राहा व भयभीत होऊ नका.
• ‎फेफरे येऊन पडलेल्या रुग्णास जबरदस्तीने हलवू नका.
• ‎रुग्णाला इजा पोहोचतील अशा वस्तू आजूबाजूला असल्यास त्या वस्तू दूर करा.
• ‎रुग्णाला डाव्या किंवा उजव्या बाजूस वाळवावे त्यामुळे रुग्णाच्या तोंडात अडकलेली लाळ किंवा फेस बाहेर पडून जाईल.
• ‎त्यानंतर रुग्णाला पाठीवर झोपवावे व त्याच्या डोक्याखाली उशी ठेवावी.
• ‎रुग्णाचे तोंड उघडण्यासाठी चमचा वगैरे कोणतीही वस्तू घालू नका.
• ‎चप्पल, कांदा यासारख्या वस्तू रुग्णाच्या नाकाला हुंगायला लावू नका.
अपस्माराच्या झटक्यामध्ये दोन ते तीन मिनिटे अशा प्रकारे रुग्णाची शुध्द हरपते. थोड्या वेळात रुग्ण आपोआप शुद्धीवर येतो. तर कधीकधी वैद्यकीय इमर्जन्सीचीही गरज पडू शकते. 10-15 मिनिटे होऊनही जर रुग्ण शुद्धीवर आला नाही तर रुग्णास तातडीने दवाखान्यात घेऊन जावे किंवा 108 ह्या क्रमांकावर फोन करून रुग्णवाहिका बोलावून घ्यावी.

अपस्माराचा झटका टाळण्यासाठी रुग्णांनी हे करावे :
• डॉक्टरांनी दिलेली औषधे नियमित घ्यावीत.
• ‎नियमित डॉक्टरांकडून तपासणी करून घ्यावी.
• ‎पुरेशी झोप घ्यावी.
• ‎मनशांत ठेवण्यासाठी योगा, प्राणायाम, ध्यानधारणा करावी.
• ‎नियमित व्यायाम करावा.
• ‎चहा, कॉफी, सिगारेट, बीडी, तंबाखू आणि अल्कोहोल यांचे सेवन करणे टाळा.
• ‎रुग्णाने आपल्या खिशामध्ये आपले नाव, पत्ता, घरातील फोननंबर आणि अपस्मार रुग्ण असल्यासंबंधी माहिती लिहिलेली चिट्टी ठेवावी. या चिट्टीमध्ये फेफरे आल्यास आजूबाजूच्या लोकांनी काय करावे याविषयी ही माहिती लिहिलेली असावी.

ही माहिती तसेच विविध आरोग्यविषयक माहिती ऑफलाईनमध्येही वाचण्यासाठी आजचं इन्स्टॉल करा महाहेल्थ अँप गूगल प्ले मधून. महाहेल्थ अँपविषयी अधिक माहितीसाठी येथे क्लिक करा.

– डॉ. सतीश उपळकर
CEO, हेल्थ मराठी नेटवर्क

seizure disorder in marathi, fits meaning in marathi, seizure disorder meaning in marathi, epilepsy Treatment in Marathi. फेफरे येणे फिट येणे उपाय फिट येण्याची कारणे आकडी येणे फिट येणे म्हणजे काय फिट येण्याची कारणे फिट कशामुळे येते आकडी येणे फिट आल्यावर काय करावे फिट वरील उपाय फिट येणे in english झटके येणे फीट येण्याची लक्षणे दातखिळी उपाय अपस्मार माहिती अपस्मार मराठी घरगुती उपाय अपस्मार म्हणजे काय मिरगी रोग मराठी उपचार

आपली प्रतिक्रिया द्या :
वरील माहिती आपणास कशी वाटली? किंवा आपल्या काही आरोग्य विषयक समस्या, प्रश्न असल्यास आम्हाला कळण्यासाठी येथे क्लिक करा. आमचे तज्ञ डॉक्टर आपल्या विविध प्रश्नांचे निश्चितच समाधान करतील.