मधुमेहींसाठी योग्य आहार

551
views

मधुमेह आणि आहार :
मधुमेहामध्ये आहाराचे अत्यंत महत्व आहे. योग्य आहारामुळे मधुमेही तसेच टाईप 2 प्रकारातील म्हणजेच Pre-Diabetes रुग्णांमध्ये रक्तातील वाढलेली साखर नियंत्रणात ठेवली जाते. तसेच वजन योग्य प्रमाणात राखण्यासही सम्यक आहारामुळे शक्य होते.आपल्या प्रकृतीनुसार, मधुमेहाच्या प्रकारानुसार आहाराचे स्वरुप असते यासाठी तज्ञांच्या सल्ल्यानुसार आहाराची योजना करावी.

मधुमेहींसाठी योग्य आहार –
◦ पौष्टिक कर्बोदके –
हिरव्या पालेभाज्या, ताजी फळे, मोड आलेली कडधान्ये, नाचणा, कमी पॉलीश केलेला तांदूळ, गहू इ. चा आहारात समावेश करावा.
◦ तंतुमय पदार्थ –
तंतुमय पदार्थ फायबर्सयुक्त पदार्थ मधुमेहींमध्ये अत्यंत हितकर असतात. यांमुळे रक्तातील साखर नियंत्रीत तर होतेच शिवाय रुग्णांमधील हृद्यविकाराचा धोकाही कमी होण्यास तंतुमय पदार्थांमुळे मदत होते. हिरव्या पालेभाज्या, फळे, हातसडीचा तांदूळ यांमध्ये तंतूमय घटकांचे प्रमाण अधिक असते.
◦ चांगले स्निग्धपदार्थ –
आहारात मोनोअन्सॅच्युरेटेड (मूफा) आणि पॉलीअन्सॅच्युरेटेड (पूफा) फॅट्सचा समावेश करावा. यांदोहोंच्या सेवनाने शरीरातील वाईट कोलेस्टेरॉल कमी होते आणि शरीरातील वाईट कोलेस्टेरॉल कमी होण्यास मदत होते.

मधुमेहींसाठी अयोग्य आहार –
मधुमेहामध्ये खालील आहार घटकांचे सेवन करणे टाळणे गरजेचे असते. यांमध्ये,
◦ सॅच्युरेटेड फॅट्स –
उदा. पामतेल, तूप, साय, लोणी, प्राणीज चरबी, अंड्यातील पिवळा बलक या पदार्थांमध्ये सॅच्युरेटेड फॅट्सचे अधिक प्रमाण असल्याने वरील पदार्थांचे प्रमाणातच सेवन करावे. यांच्या अतिसेवनाने वाईट कोलेस्टेरॉलमध्ये वाढ होते. यांमुळे हृद्यविकार, उच्चरक्तदाब, धमनीकाठिन्यतः, स्थुलता यासारखे विकार उत्पन्न होतात.
◦ ट्रांस फॅट्स किंवा कृत्रिम स्निग्धपदार्थांचे मधुमेहामध्ये सेवन करु नये. उदा. वनस्पती तूप सारख्या पदार्थात ट्रांस फॅट्सचे प्रमाण असते.
◦ गोड पदार्थ, विविध मिठाया, बेकरी पदार्थ यांपासून दूरच रहावे.
◦ मीठाचे प्रमाणातच सेवन करावे.
◦ तेलकट पदार्थ टाळावित.
◦ कंदमुळे, शिळे भोजन यांचे सेवन करु नये.

गर्भावस्थेसंबंधी सर्व माहिती 'प्रेग्नन्सी मराठी' ह्या पुस्तकात दिली आहे. हे पुस्तक डाउनलोड करण्यासाठी खलील बटन क्लिक करा.



प्रतिक्रिया द्या :