पायात गोळे येणे

104
views

पायात गोळे येणे
– डॉ. विजय शेट्ये, अस्थिविकारतज्ज्ञ

पायात पेटके येणे, गोळे येण्याची तक्रार काही जणांकडून वारंवार केली जाते. पायात गोळे येण्याची अनेक कारणे आहेत. पाणी कमी पिणे, पायांना योग्य प्रकारचा व्यायाम न देणे, आहारामध्ये पोषणमूल्यांची तुट असल्याने पायात गोळे येतात.

पायात गोळे का येतात ?

  • अतिश्रमामुळे पायाच्या स्नायूंवर ताण येणे.
  • शरीरातील पाण्याचे प्रमाण कमी होणे
  • आहारात मिठाचे सेवन अधिक असणे
  • रक्तातील सोडियम किंवा पोटॅशियमचे प्रमाण कमी-जास्त होणे.
  • डायलिसिसवर असणाऱ्या व्यक्तींच्या पायावर ताण येतो.
  • गर्भारपणात विशेषत: सातव्या महिन्यात
  • थायरॉइड ग्रंथींचे कार्य शिथिल झाल्यास हायपोथॉरॉडिझमचा त्रास उद्भवतो.
  • पायातील शुद्ध रक्तवाहिन्या आंकुचन पावल्यामुळे होणाऱ्या आजारात पायात पेटके किंवा गोळे येतात
  • अति मद्यपान
  • तसेच काही औषधांचे अतिरिक्‍त सेवन आणि शारीरिक आजार हे सर्व घटक पायात गोळे येण्यास कारणीभूत ठरतात.

ही पथ्ये पाळा :
– सतत एका ठिकाणी खूप वेळ पाय मोकळे सोडून बसू नका.
– खुर्चीत बसताना पावले जमिनीवर ठेवा.
– शरीरातील रक्त तपासून क्षारांची पातळी योग्य वा अयोग्य प्रमाणात आहे काय, याची माहिती घ्या
– शरीरातील वात वाढला असल्यास आयुर्वेदाचार्यांचा सल्ला घ्या
– वजन आटोक्यात ठेवा.
– जीवनशैली बदला व डॉक्टरांच्या सल्ल्यानुसार हलका व योग्य प्रमाणात व्यायाम करा.
– अतिथंड हवामान व अतिउष्ण हवामानात जास्त काळजी घ्या.
– कोणता बदल झाल्यानंतर पायात गोळे येतात याची नोंद ठेवा.

प्राथमिक उपचार :
– गरम पाण्याने आंघोळ करताना पायाच्या स्नायूंवर गरम पाण्याचा शेक देणे.
– पाय लांबवणे, पायाला तेलाचा मसाज देणे लाभदायक ठरते.


गर्भावस्थेसंबंधी सर्व माहिती 'प्रेग्नन्सी मराठी' ह्या पुस्तकात दिली आहे. हे पुस्तक डाउनलोड करण्यासाठी खलील बटन क्लिक करा.


प्रतिक्रिया द्या :